Unda robototexnika va boshqa turdosh sohalar bo‘yicha kadrlar tayyorlanadi.

O‘zbekistonda “Cyber university” davlat universiteti tashkil etiladi. Bu bo‘yicha 20-yanvar kuni prezident qarori qabul qilindi. Bu haqda Raqamli texnologiyalar vazirligi matbuot xizmati xabar berdi.

Hujjat bilan, yangi universitetning asosiy vazifalari belgilanmoqda. Xususan, oliygoh axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-tahliliy tizimlarni yaratishga qaratilgan. Unda robototexnika va boshqa turdosh sohalar bo‘yicha kadrlar tayyorlanadi. Universitet raqamli texnologiyalar sohasida mutaxassislarni qayta tayyorlash va malakasini oshirish bilan shug‘ullanadi. O‘quv jarayoni xorijiy tajriba va zamonaviy ta’lim texnologiyalari asosida tashkil etiladi.

Yoshlarning bilim olishi va kasb egallashiga qo‘shimcha sharoitlar yaratilib, davlat organlari, korxonalar hamda boshqa tashkilotlarni kadrlar bilan ta’minlashda saralash va qamrov kengaytiriladi.

Shuningdek, tegishli ta’lim yo‘nalishlari va mutaxassisliklari bo‘yicha o‘quv-metodik adabiyotlarni yaratish oliygov vazifasiga kiradi. Talabalar va mutaxassislar bilan esa fundamental, ilmiy va amaliy tadqiqotlar olib boriladi.

2024-yilning oktabr oyida Toshkentda Amerika texnologiyalar universiteti ochildi. Joriy o‘quv yilida oliygohda xalqaro savdo va dasturiy muhandislik yo‘nalishida bakalavr bosqichi o‘qitiladi.

Eksport hajmi 8,4% ga, Rossiya bilan savdo hajmi 14,5% ga oshdi. Dekabr oyida O‘zbekiston $854 mlnlik oltin sotdi.

2024-yil yakunlariga ko‘ra, O‘zbekistonning tashqi savdo aylanmasi $65,93 mlrdni tashkil etdi. Bu haqda Statistika agentligi hisobotida keltirilgan.

Ko‘rsatkich 2023-yilga nisbatan 3,8%ga oshgan. Bunga eksportning sezilarli o‘sishi ($26,94 mlrd, +8,4%), shuningdek, importning oshishi ($38,98 mlrd, +0,8%) sabab bo‘ldi. Salbiy saldo $12,03 mlrdgacha kamaydi (bir yil avval — $13,78 mlrd). Dekabr oyida O‘zbekiston oltin savdosini qayta tiklab, uni $854 mlnga realizatsiya qildi. 2024-yilda qimmatbaho metallar eksporti $7,48 mlrdni (yillik hisobda 8,3%) tashkil etdi.

Xitoy O‘zbekiston bilan savdo bo‘yicha ($12,48 mlrd) birinchi o‘rinni, shuningdek, asosiy tovar yetkazib beruvchi rolini ($10,43 mlrd) saqlab qoldi. Ikkinchi o‘rinni $11,63 mlrd bilan Rossiya egalladi, bu yo‘nalishda eksport sezilarli darajada oshdi ($3,68 mlrd).

Eksport

Oltindan tashqari, sanoat mahsulotlari asosiy eksport mahsuloti bo‘lib qolmoqda. Yanvar-dekabr oylarida ularni yetkazib berishdan tushgan tushum $4,2 mlrdga (+3,7%) yetdi. To‘qimachilik va gazlamalar eksportidan tushgan tushum $1,99 mlrd (-3,7%) ni tashkil etdi. Rangli metallar yetkazib berish 7,6% ga — $1,49 mlrdgacha oshdi, po‘lat va cho‘yan eksporti esa 5,8% ga — $175 mlngacha kamaydi.

Ikkinchi o‘rinda $2,17 mlrd (+22,4%) bilan oziq-ovqat mahsulotlari turadi. Bunda sabzavot va mevalar ($1,58 mlrd, +32,5%), shuningdek, don mahsulotlari ($397,9 mln, -16,9%) ustunlik qiladi.

Kimyoviy mahsulotlari eksporti hajmi $1,68 mlrd (+29,1%) ni tashkil etdi. Noorganik moddalar 83% ga o‘sib, $910,7 mlnga, o‘g‘it yetkazib berish esa $357,4 mlndan (+6,3%) yetdi. Mashinasozlik mahsulotlarini yetkazib berish 7,9% ga — $1,2 mlrdgacha kamaydi. O‘z navbatida, avtomobillar va ularning butlovchi qismlari eksporti yetakchi o‘rinni saqlab qoldi, biroq 16% ga qisqarib, $414,5 mlnni tashkil etdi.

“Boshqa transport uskunalari” eksporti uchdan bir qismga ($131,5 mln) oshdi. Elektrotexnika ($211,1 mln), elektr aloqa va ovoz yozish uskunalari ($52,4 mln) hamda ma’lumotlarni qayta ishlash uskunalari ($8,3 mln) yetkazib berish 7,3% ga kamaydi.

Iste’mol va boshqa tovarlar eksporti $1,1 mlrd (-7,5%) ni tashkil etdi. Kiyim-kechak yetkazib berishdan tushgan daromad $853,9 mlnga (-14,3%) yetdi, “turli tayyor mahsulotlar” bo‘yicha 49,7% ga — $171,2 mlnga o‘sish kuzatildi.

Neft mahsulotlari yetkazib berish uchdan ikkiga oshib, $567 mlndan oshdi, elektr energiyasi eksporti ham yarim baravarga oshdi ($115,9 mln). Bundan tashqari, gaz eksporti o‘tgan yilgi ko‘rsatkichdan ($627,6 mln) 18,4% ga oshdi.

Import

Tovarlar importi tarkibida mashinasozlik mahsulotlari $13,48 mlrd (-9,7%) bilan yetakchilik qilmoqda. Avtomobillar va butlovchi qismlarni yetkazib berish $3,33 mlrd (-25,7%), elektrotexnika — $1,99 mlrd (+5,1%), energiya generatorlari — $1,09 mlrd (+16,9%), aloqa qurilmalari — $1,03 (+19,3%) ni tashkil etdi.

Ikkinchi o‘rinni sanoat tovarlari egalladi — $6,05 mlrd (-4,2%). Cho‘yan va po‘lat ($2,66 mlrd, +4,4%), yog‘och mahsulotlari ($398,3 mln, +4,3%) va rangli metallar ($371,4 mln, +9,1%) importi oshdi.

Kimyo sanoati mahsulotlari importi 3,6% ga kamayib, $4,68 mlrdga yetdi. Tibbiy mahsulotlar uchun xarajatlar $1,73 mlrdga (+8,1%), birlamchi plastmassalar uchun $792,6 mln (-10,9%) ga yetdi.

Yoqilg‘i va yoqilg‘i-moylash materiallari yetkazib berish 50% dan ko‘proqqa — $3,95 mlrdga ko‘paydi. Rossiya va Turkmanistondan gaz importi 2,4 baravarga o‘sib, $1,67 mlrdni tashkil etdi. Neft va neft mahsulotlari uchun xarajatlar $1,97 mlrd (+22,2%) ga yetdi.

Shuningdek, xorijiy oziq-ovqat mahsulotlari importi $3,69 mlrd (+5,7%) ni tashkil etdi. Don yetkazib berish uchun $918,9 mln (-18,4%), shakar va qandolat mahsulotlari — $621,4 mln (+11,3%), sabzavot va mevalar uchun $383,8 mln (+10,2%) sarflangan.

Avvalroq Shavkat Mirziyoyev aholi bandligini ta’minlash va kambag‘allikni qisqartirish chora-tadbirlari bilan tanishgani haqida xabar berilgandi.

Kambag‘allikni qisqartirish va bandlik vaziri Botir Zohidov “O‘zbekiston 24” telekanaliga bergan intervyusida 2025-yil uchun bandlik va aholini kambag‘allikdan chiqarish dasturi ishlab chiqilganini hamda unda “juda katta marralar” belgilanganini qayd etdi. Buning uchun ishchi guruhlar tuzilib, vazirlikda alohida bo‘lim tashkil etilgan.

Joriy yilda 5,2 mln aholini daromadli mehnatga jalb qilish hamda 1,5 mln odamni qashshoqlik chegarasidan chiqarish uchun yo‘nalishlar kesimida ishlar belgilandi. Xususan, qishloq xo‘jaligi yo‘nalishida 496 ta kooperatsiya tashkil etilib, aholi yuqori daromadli ekinlar ekishga jalb qilinadi.

Shu bilan birga, 14ta hududda 28ta sanoat markazlari qurilishi, 3ta hududda parrandachilik klasterlari tashkil etilishi rejalashtirilgan. Bu orqali 230ta o‘rta quvvatga ega 50 ming boshli parrandachilik mahsulotlarini qayta ishlash quvvatlari ishga tushiriladi.

Buning uchun “O‘zbekkosmos” agentligi 4−5 ta konsalting kompaniyasini jalb qildi. Hujjat yil o‘rtalarida taqdim etilishi kutilmoqda

“O‘zbekkosmos” agentligi 2035-yilga qadar mo‘ljallangan milliy kosmik dasturni ishlab chiqadi. Bu haqda AOKAda o‘tkazilgan matbuot anjumanida Aerokosmik faoliyat va kosmik monitoring tizimini rivojlantirish bo‘limi boshlig‘i Muhiddin Ibragimov ma’lum qildi, deya xabar berdi “Spot” muxbiri.

Agentlik mazkur hujjatni ishlab chiqish uchun 4−5 ta konsalting kompaniyasini jalb qilgan. Strategiyaning asosiy maqsadi kelgusi 10 yil ichida kosmik tarmoqni rivojlantirishning asosiy vektorlarini aniqlashga qaratilgan. Xususan, dastur qisqa, o‘rta va uzoq muddatli rejalarni qamrab oladi. Bu ma’lumotlardan foydalanish, birinchi navbatda, Yerni masofadan zondlash, infratuzilmani rivojlantirish, shuningdek, sun’iy yo‘ldoshlar va sun’iy yo‘ldosh navigatsiyasi infratuzilmasini rivojlantirish masalalari», — dedi “O‘zbekkosmos” bo‘limi rahbari.

Shuningdek, Muhiddin Ibragimov ta’limga katta e’tibor qaratish, bu sohaga katta investitsiyalar yo‘naltirish rejalashtirilayotganini ma’lum qildi. “O‘zbekkosmos” 2025-yil o‘rtalarida dasturni ishlab chiqish va taqdim etish niyatida.