Qoraqalpog‘istonda doimiy yashaydigan hamda umumiy o‘rta, o‘rta maxsus va professional ta’lim tashkilotlarini tamomlagan yoshlar uchun 2023-2024 o‘quv yilida davlat granti asosida qo‘shimcha 3 000 ta o‘rin ajratiladi.

Prezident farmoni bilan ayrim normativ-huquqiy hujjatlarga o‘zgartirish va qo‘shimchalar kiritildi.

Prezidentning tegishli farmoniga qo‘shimcha kiritildi. Unga ko‘ra, Qoraqalpog‘iston Respublikasida doimiy yashaydigan hamda umumiy o‘rta, o‘rta maxsus va professional ta’lim tashkilotlarini tamomlagan yoshlar uchun 2023-2024 o‘quv yilida davlat granti asosida qo‘shimcha 3 000 ta o‘rin ajratiladi.

Bunda soha va tarmoqlarning oliy ma’lumotli kadrlarga bo‘lgan ehtiyoji aniqlanadi.

Oliy ta’lim muassasalari va ta’lim yo‘nalishlari kesimidagi takliflar O‘zbekiston Respublikasi ta’lim tashkilotlariga qabul qilish bo‘yicha davlat komissiyasiga 2023 yil 20 iyulgacha taqdim etiladi.

2023-yil 21-iyundagi Hukumat qarori bilan “Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida”gi qarorga o‘zgartirish va qo‘shimchalar kiritildi. Bu haqda “Huquqiy axborot” telegram kanali xabar berdi.

Qaror bilan oshirilgan to‘lov stavkalari bo‘yicha beriladigan I, IA, IE, IAE, III, IIIA, IIIE, IIIAE tipidagi avtotransport vositalari uchun ro‘yxatdan o‘tkazish davlat raqami belgilarining ro‘yxati yangilandi.

Ta’kidlanishicha, 2023-yil 1-iyuldan auksion savdolari orqali sotilishi belgilanmagan, harflari bir xil kombinasiyada bo‘lgan 680 juft davlat raqami belgilari 6-toifaga doir boshlang‘ich narxda auksion savdolariga qo‘yiladi.

Shuningdek, avtomobil boshqa shaxsga o‘tkazilganda uning oshirilgan stavkada olingan “chiroyli raqami” yo‘l harakati xavfsizligi organlarida 12 oyga saqlanishi mumkin. Undan keyin yana 12 oyga saqlash uchun BHMning 1 baravari (330 ming so‘m) miqdorida pul to‘lanadi.

Ilgari qo‘shimcha 12 oy saqlash tartibi bo‘lmagan, 12 oydan keyin “chiroyli raqam” olib qo‘yilgan. Auksionda raqobat tartiboti amalga oshmadi deb e’tirof etilganda (ikkinchi g‘olib rad etgan yoki xaridorlar mavjud bo‘lmaganda), axborot tizimida avtotransport vositalari uchun RO‘DRBni oshirilgan to‘lov stavkasi bo‘yicha berishni 5 kun muddat ichida avtomatik ravishda qaytadan e’lon qilinadi.
Ilgari aniq muddat belgilanmagan.

Amerikaning Meta kompaniyasi generativ sun’iy intellektning yangi modelini ishlab chiqqanini ma’lum qildi, u tirik odamlar bilan bir qatorda, vafot etgan odamlarning ham ovozini tovush fayllari asosida takrorlay oladi.

Qayd etilishicha, Voicyebox deb nomlangan AI modeli olti tilda gaplasha oladi. Meta kompaniyasida bu ishlanma “nutq uchun generativ sun’iy intellekt sohasidagi katta yutuq” sifatida baholandi.

Model tavsifiga ko‘ra, sun’iy intellekt xorijiy tillarda ham inson ovoziga taqlid qila oladi. Kompaniya vakillarining fikricha, bu filmlarni dublyaj qilishga yordam beradi va internetdagi kontent yaratuvchilarga videolarni boshqa tillarga tarjima qilish imkonini beradi.
Ishlab chiquvchilar texnologiyaning potensial xavflarini hisobga olib, modelga jamoatchilik kirishini yopishga qaror qilishganini qo‘shimcha qildi.

“Generativ nutq modelini ishlatishning juda ko‘p qiziqarli variantlari mavjud, ammo noto‘g‘ri foydalanish xavfi tufayli biz hozirda Voicyebox modeli yoki kodini e’lon qilmayapmiz”, — degan kompaniya vakili.

Meta texnologiyadan yomon maqsadlarda foydalanishning oldini olish uchun sun’iy intellektni rivojlantirishda ochiqlik va javobgarlik o‘rtasidagi muvozanatni topish kerak degan xulosaga keldi.

#BiznesMarafon #AgrarUniversiteti

🙋 Yosh tadbirkorlarga soha sirlaridan bilim berishga qaratilgan “Biznes marafon” loyihasining 4-mavsumi Toshkent davlat agrar universitetida start oldi.

👥 Malakali tadbirkor va spikerlar oʻzlarining yutuqlarga erishish yoʻlida qanday qiyinchiliklarga duch kelishgani va muvaffaqiyat “formulasi” xususida yoshlarga so‘zlab berishdi.

Ijtimoiy tarmoqlarni kuzatib boring:

Telegram

Instagram

Facebook 

YouTube 

Sayt