“Biznes marafon” xalqaro maydonda: Ilk manzil — Istanbul shahri
Yoshlarning ish bilan ta’minlanishi, ularning iqtisodiy mustaqillikka erishishi va hayotda o‘z o‘rinlarini topib ketishi iqtisodiy rivojlanishning asosiy omillaridan biri hisoblanadi. Bunga esa osonlikcha erishib bo‘lmaydi. Bu uchun tajriba, ko‘nikma hamda bilim talab qilinadi. “Yoshlar — kelajagimiz” jamg‘armasi tomonidan an’anaviy tarzda o‘tkazib kelinayotgan yoshlarga biznes yuritish koʻnikmalarini oʻrgatishga qaratilgan “BIZNES MARAFON” loyihasi esa aynan shu maqsad sari qadam tashlamoqda. Yurtimiz va xorijda muvaffaqiyatga erishgan tajribali tadbirkorlar va yoshlar ishtirokida ochiq muloqot shaklida oʻtkazib kelinayotgan marafonning o‘tgan toʻrt mavsumida (2021-2023-yillar) 110 ming nafardan ziyod yoshlar bevosita ishtirok etgan boʻlsa, 9 million nafarga yaqin yoshlar “onlayn” tarzda kuzatib bordi.
Loyihasi davomida faol ishtirok etgan yoshlarga biznes va shaxsiy rivojlanishga oid “Bestseller” kitoblar, xususan, 3 ming dona bosma kitoblar tarqatildi hamda 24 ming nafar yoshlarga mobil ilova orqali elektron va audio shaklda kitoblar taqdim etildi.
Loyihaning beshinchi mavsumi 2024-yilning 1-fevral kuni Surxondaryo viloyatida start oldi. Unda Jahongir Ortiqxoʻjayev, Laziz Adhamov, Husan Mamasidov hamda Umidjon Ishmuhamedov kabi muvaffaqiyatli tadbirkor hamda biznesmenlar ishtirok etishdi. Jarayonda esa 500 dan oshiq yoshlar qatnashdi.
Eng e’tiborli hamda quvonarli tomoni, beshinchi mavsum davomida “Biznes marafon” loyihasi xalqaro maydonga chiqib, Turkiyaning Istanbul shahrida tashkillashtirildi.
Unda Xayrulla Sattorov (“Yoshlar — kelajagimiz” jamgʻarmasi ijro etuvchi direktori), Yunus Furkan Akbal (tadbirkor hamda “Fuzul Holding” kengash aʼzosi), Husan Mamasidov (“Deli.uz”, “Dekos.uz”, “Mfaktor” loyihalari asoschisi), Serhat Kisakurek (MUSIAD tashkilotining Investitsiyalar boʻyicha boshligʻi), Umidjon Ishmuhammedov (“Cambridge International university” asoschisi) Muhammadali Eshonqulov (“Yuksalish” maktablari asoschisi) hamda Mirshod Shokirov (Sobiq diplomat, investor va koʻp tarmoqli tadbirkor, “Biznes diplomat” va “MIORA GROUP” xolding kompaniyasi rahbari) kabi turkiyalik hamda oʻzbekistonlik ishbilarmonlar, biznes hamda tadbirkorlik sohasi vakillari, 400 dan oshiq sohaga qiziquvchilar ishtirok etishdi.
Marafon davomida ishtirokchilar oʻzlarini qiynab kelayotgan biznesni qanday boshlash, xatarlarni boshqarish, raqobat muhitida bozorda oʻz oʻrnini topish, xodimlar bilan ishlashdagi usullar, ruhiy va iqtisodiy bankrotlik, biznesdagi barqarorlikka erishish, biznesga investitsiya kiritish, xalqaro hamkorlikni yo‘lga qo‘yish kabi savollarga javoblar olishdi.
Tadbirkorlik rivoji uchun qo’yilgan yana bir qadam
O‘zbekiston Respublikasi Prezidentining 2020-yil 30-iyundagi “O‘zbekiston Respublikasida yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari to‘g‘risida”gi PF-6017-son Farmoniga asosan O‘zbekistonda yoshlarga oid davlat siyosatini yangi bosqichga olib chiqish, yoshlarni kichik biznes va xususiy tadbirkorlikka keng jalb etish, zamonaviy kasb-hunarlar, raqamli iqtisodiyot ko‘nikmalarini puxta egallashlari uchun qo‘shimcha shart-sharoitlar yaratish, ularni ish bilan ta’minlash jarayonlariga ko‘maklashish, yoshlar siyosati sohasida xalqaro hamkorlikni rivojlantirish, yoshlar sohasidagi xalqaro reytinglarda mamlakatimiz mavqeini oshirish bo‘yicha zarur choralar ko‘rish, xorijda ta’lim olayotgan yoshlar bilan olib borilayotgan ishlarni tizimli yo‘lga qo‘yish asosiy vazifalardan biri sifatida belgilab berilgan.
Belgilangan vazifalar ijrosini ta’minlash maqsadida joriy yilning 25-26-aprel kunlari “Yoshlar — kelajagimiz” jamg‘armasi boshchiligidagi O‘zbekiston tadbirkorlari delegatsiyasi Turkiyaning Istanbul shahrida tashkil qilingan “MUSIAD investitsiyalar forumi”da ishtirok etdi.
“MUSIAD investitsiya forumi”da, shuningdek, 300 dan ortiq turkiy tilli davlatlar yetakchi tadbirkorlari, innovatorlar, yirik investorlar, yosh tadbirkorlar va boshqa yirik kompaniyalar vakillari, turkiy tilli davlatlar davlat va nodavlat tashkilotlari vakillari ham qatnashishdi.
Forum doirasida dunyoda rivojlanayotgan tendensiyalar, yangicha imkoniyatlar va global miqyosdagi muammolar bo‘yicha maslahatlashuvlar, davlatlar o‘rtasida savdo aloqalarini rivojlantirish, yangi loyihalarni amalga oshirish, investitsiyalar, startaplar va zamonaviy ishlab chiqarish yo‘nalishlarida seminarlar tashkil qilindi, tadbirkorlar o‘rtasida yuzma-yuz uchrashuvlar o‘tkazildi.
Umuman olganda, “MUSIAD investitsiya forumi”da Turkiya davlatidan investitsiyalar va texnologiyalar jalb qilish, shuningdek, Turkiyaga investitsiya kiritish istagidagi tadbirkorlar va umuman turkiy tilli davlatlar vakillari bilan hamkorlik, savdo-sotiq, investitsiyalar va startaplar yo‘nalishlarida aloqalarini o‘rnatish istagidagi tadbirkorlar ishtirok etishdi.
Forum:
– kimyo, metallar va qazilma metallar ishlab chiqarish;
– qurilish va qurilish materiallari ishlab chiqarish;
– raqamli texnologiyalar;
– energiya mahsulotlarini ishlab chiqarish;
– moliyaviy, konsalting xizmatlar, ta’lim xizmatlari;
– qishloq xo‘jaligi, chorvachilik, oziq-ovqat mahsulotlari ishlab chiqarish;
– mebel ishlab chiqarish;
– sog‘liqni saqlash yo‘nalishi;
– logistika;
– to‘qimachilik va charm mahsulotlarini ishlab chiqarish;
– ishlab chiqarish texnologiyalari kabi yo‘nalishlarni o‘z ichiga oldi.
Christian Dior brendi qanday paydo bo‘lgan?
Mazkur maqolada “Christian Dior” brendi qanday tashkil etilgani, rivojlanish tarixi hamda uning kengayish jarayonlari haqida ma’lumotlar berilgan.
Har qanday biznes loyihalar va turli brendlarning o‘z tarixi bor. Bugungi kungacha bosib o‘tgan yo‘li, loyihadagi keskin burilishlar hamda muvaffaqiyatli qadamlar ko‘pchilik uchun qiziq bo‘lishi tabiiy.
Maqolada kompaniyaning bugungi kungacha qanday shakllangani hamda uning kengayish jarayonlari haqida so‘z boradi.
Kristian Dior 1905-yil 21-yanvarda Fransiyaning Granvil shahrida tug‘ilgan, oilasi bilan birga shu yerdagi “Les Rhumbs” villasida yashagan. U oilada besh farzandning ikkinchisi edi.
Uning otasi Moris Dior kimyoviy o‘g‘itlar savdosi bilan shug‘ullanib, asosiy daromadini shundan topardi. Onasi Madlen Dior esa go‘zalligi uchun pul sarflashni yaxshi ko‘radigan hashamatli ayol edi.
1969-yildan boshlab “Christian Dior” seriyali kosmetika mahsulotlarini taqdim qilishni boshladi. Dior brendi har doim o‘z oldiga bitta seriyaga kiritilgan barcha mahsulotlar uchun ranglarning uyg‘un kombinatsiyasini topishni maqsad qilib qo‘ygan. Bu bilan kompaniya o‘zining badiiy dididan chetga chiqa olmasligini tan oldi.
Fikrining isboti sifatida, Kristian bolalikdagi do‘sti Eftler Luish bilan birgalikda yoqimli iforga ega atir ishlab chiqarishni yo‘lga qo‘yadi. “Miss Dior” deb nom olgan atir tez orada dunyoning barcha burchaklarida savdosi oshishni boshlaydi.
Milliarderlardan maslahatlar
➡️ Bank hisobingiz telefon raqamingizga oʻxshamaguncha rivojlanishdan toʻxtamang…
➡️ Har bir oilada kambagʻallik zanjirini uzadigan shaxs bo‘ladi. Oʻsha inson siz boʻling…
➡️ Hech qachon taslim boʻlmang, bugun ogʻir ertaga bundan battar boʻlishi mumkin, lekin undan keyingi kun, albatta, quyosh koʻrinadi…
➡️ Agar pulingiz kam boʻlsa, biznes qilishingiz shart emas, agar pulingiz bo‘lmasa, darhol biznes qilishingiz kerak…
➡️ Muammolani hal qil yoki ularni unut, lekin hech qachon muammo bilan yashama…
