Ularga IT Park rezidenti maqomi berilib, tibbiyot, sport va ofisdan foydalanishlari uchun ijtimoiy karta bilan ta’minlanadi.

Avvalroq Shavkat Mirziyoyev raisligida yoshlar siyosatiga bag‘ishlangan videoselektor yig‘ilishi hamda yoshlar bilan muloqot o‘tkazilayotgani haqida xabar berilgandi.

Buning uchun talabalar OTMlarning xorijiy til filologiyasi ta’lim yo‘nalishida 3 va 4-kursda tahsil olayotgan hamda kamida C1 darajadagi sertifikatga ega bo‘lishi kerak.

2027-yilgacha imtihon topshirish xarajatlarini qoplab berish uchun to‘planishi lozim bo‘lgan sertifikat darajasining minimal ko‘rsatkichi pasaytiriladi.

Xitoy kompaniyasi bilan amalga oshirilayotgan sanoat texnoparkida 30dan ortiq loyihalar shakllantirilib, ularga investor tomonidan $1,2 mlrd yo‘naltiriladi.

Jizzax viloyatida so‘nggi besh yilda qayta ishlash sanoati hajmi 1,6 barobarga ko‘payib, o‘tgan yilning o‘zida 19 trln so‘mni tashkil qilgan. Eksport hajmi 2,2 barobarga oshib, $202 mlnga yetgan. Xorijiy investitsiyalar miqdori ham yil sayin o‘sib bormoqda. 2018-yilda viloyatda bor-yo‘g‘i $18 mln xorijiy investitsiya o‘zlashtirilgan bo‘lsa, o‘tgan yili bu raqam salkam $700 mlnga yetgan. Chet el kapitali ishtirokidagi korxonalar soni 260tani tashkil qilmoqda.

Zomin tumanida investitsiya dasturlari doirasida so‘nggi besh yilda 1,8 trln so‘mlik 300ga yaqin loyiha amalga oshirilgan va uch mingdan ortiq ish o‘rni ochilgan. Qulay biznes muhiti tufayli tumandagi kichik tadbirkorlar soni 4 barobarga ko‘paygan.

Turzmni xizmatlar sohasini ko‘paytirish maqsadida Zomin turistik zonasi tashkil etildi. Bundan tashqari, sanoatni rivojlantirishga kirishilgan.

Xitoyning “Mingyuan” kompaniyasi bilan hamkorlikda “Texnopark” maxsus sanoat zonasi barpo etilmoqda. Buning uchun 400 gektar yer maydoni ajratilgan.

Uni infratuzilma bilan ta’minlash bo‘yicha manzilli dastur tasdiqlanib, 160 mlrd so‘m yo‘naltirildi. 30dan ortiq loyihalar shakllantirilib, ularga xitoylik investorlar tomonidan $1,2 mlrd investitsiya yo‘naltiriladi. Mazkur zonada tashqi bozorlarda talab yuqori bo‘lgan qo‘shilgan qiymatli mahsulotlar chiqaruvchi korxonalar tashkil etiladi. Xususan, elektrotexnika, mashinasozlik, qurilish materiallari, mebelsozlik, oziq-ovqat va xizmat ko‘rsatish yo‘nalishdagi loyihalar amalga oshiriladi.

Natijada 5 mingdan ortiq ish o‘rinlari paydo bo‘ladi, 4,7 trln so‘mlik sanoat mahsulotlari ishlab chiqariladi hamda $70 mlnlik eksport salohiyati yaratiladi.

Texnopark hududida Xalqaro tajriba almashinuv injenerlik markazi tashkil etilib, sanoat korxonalari uchun shu yerning o‘zida malakali mutaxassislar tayyorlash yo‘lga qo‘yiladi.

Shuningdek, mazkur hududda ofis markazi, turar joylar, ekobog‘, ko‘rgazmalar zali va savdo markazi barpo etiladi. Marosimda davlat rahbari ramziy tugmani bosib, texnoparkdagi ilk investitsiya loyihalari qurilishini boshlab berdi.

Joriy yilning aprel oyida xitoylik investorlar Jizzaxda qurilish materiallari, kimyo, energetika, elektrotexnika, mashinasozlik, to‘qimachilik va farmatsevtikada $4 mlrdlik 22ta loyihani boshlashga tayyor ekani ma’lum qilingandi. Ular orasida Zomin sanoat texnoparki ham bor.

Hukumatning tegishli qarori bilan yuridik shaxslar elektr energiyasi va tabiiy gaz uchun to‘lovlarni 100% oldindan amalga oshiradi.

2017-yilning iyul oyidan yuridik shaxslar uchun elektr energiyasi va gazga 100% avans to‘lovi joriy qilingan. 2019-yilning fevral oyida biznesga energiya iste’moli uchun avans to‘lovi miqdori 50%gacha pasaytirildi.

“Sharq”, “Nasaf” va “O‘zbekiston” poyezdlarining chiptalar narxi 20%ga oshiriladi. “Toshkent-Qarshi” yo‘nalishidagi poyezd chiptasi ekonom tarifida — 178 250 so‘m, biznes tarifida — 262 805 so‘m qilib belgilanmoqda.

Yo‘llarda foto va video radarlar yangi tartibda o‘rnatiladi

“Xavfsiz ko‘cha” jamg‘armasi shafeligida quyidagi joylarda bosqichma-bosqich avtomatlashtirilgan foto va video qayd etish tizimlarini o‘rnatishni boshlash rejalashtirilgan:

• ta’lim muassasalari yaqinida;
• 4 va undan ortiq qatorli yo‘llardagi piyodalar o‘tish joylarida;
• temir yo‘l kesishmalari oldidan;
• yo‘l-transport hodisalari tez-tez sodir bo‘ladigan joylarda (yiliga 3 martadan ortiq).

Kameralarni o‘rnatishning aniq joylari Ichki ishlar vazirligi Yo‘l harakati xavfsizligi xizmati tomonidan belgilanadi.

Ular elektr ta’minoti uzilib qolganda 8 soatgacha bo‘lgan ish muddati bilan avtonom elektr ta’minoti tizimi bilan jihozlangan bo‘lishi kerak. Bundan tashqari, ulanish bo‘lmaganda 48 soat davomida ma’lumotlarni saqlash uchun saqlash qurilmasi talab qilinadi.

Aholiga kredit berish talablari kuchaytiriladi

Markaziy bank aholining qarz yuki ko‘rsatkichini joriy etadi, u o‘rtacha kredit to‘lovlarining qarz oluvchining o‘rtacha oylik daromadiga nisbati bilan hisoblanadi. Mikrokreditlar berish qarz oluvchi daromadining yarmi bilan cheklangan. Joriy yilning 1-iyulidan kredit (mikroqarz) ajratishda qarz yuki 60%ni tashkil etadi va 2025-yildan 50%ga tushiriladi.

O‘rtacha oylik daromad so‘nggi 6 oydagi ko‘rsatkichlarni hisobga oladi:

• ish haqi;
• pensiya to‘lovlari va jamg‘arma hisobvarag‘iga badallar;
• bank hisobvarag‘iga olingan daromadlar;
• to‘langan soliqlar;
• foizlar, dividendlar va ijara to‘lovlari.

Shuningdek, agar kreditni to‘lash muddati 36 oydan oshsa, o‘rtacha oylik to‘lovlar miqdori hisob-kitobida kredit (mikroqarz) bo‘yicha barcha to‘lovlar xuddi shu davr uchun hisoblanadi. Ipoteka kreditlarini berishda Markaziy bank kredit muddatini dastlab e’lon qilingan 120 oy emas, balki 180 oy (15 yil) qilib belgiladi.

Shu bilan birga, yangi talablar banklar kredit portfelining 85%iga ta’sir qiladi. Kredit tashkilotlari kredit to‘lovlari qarz oluvchining o‘rtacha oylik daromadining yarmidan oshmasligi to‘g‘risidagi talabga rioya qilmasdan, qolgan 15% hajmni o‘z xohishiga ko‘ra tasarruf etishlari mumkin.

To‘lov tashkilotlari va xizmatlari aksiyadorlik jamiyati shaklida faoliyat yuritadi

Shu bilan birga, kelasi yilning 1-iyulidan to‘lov tizimi operatorlarining ustav kapitali 50 mlrd so‘m, to‘lov tashkilotlariniki esa 10 mlrd so‘mni tashkil etadi.

2025-yilning 1-iyulidan boshlab to‘lov tashkilotlarining ustav fondi 20 mlrd so‘mni tashkil etishi belgilandi.

Sug‘urta polisi bo‘lmagan qurilishlarni davlat tomonidan moliyalashtirish taqiqlanadi

Hujjat bilan, joriy yilning 1-iyulidan qurilish tavakkalchiliklarini majburiy sug‘urta qilish bo‘yicha sug‘urta polisi (to‘liq qurilish davri uchun) mavjud bo‘lmaganda, davlat budjeti mablag‘lari va hukumat kafolati ostidagi kreditlar hisobiga quriladigan obyektlarni moliyalashtirish taqiqlanadi.

Tovar-transport yuk xatlari elektron rasmiylashtiriladi

Barcha xo‘jalik yurituvchilar uchun O‘zbekiston hududida tovar-transport yuk xatlarini elektron rasmiylashtirish tizimi joriy etiladi. Yuk tashish yuk jo‘natuvchi, oluvchi, ekspeditor yoki yuk tashish shartnomasi asosida xizmat ko‘rsatuvchilar tomonidan o‘zining yoki ijaraga olingan transport vositasida amalga oshiriladi.

Elektron tovar-transport yuk xati (ETTYuX) ERIdan foydalangan holda, elektron hujjat aylanish tizimi operatorlarining axborot tizimida shakllantiriladi. ETTYuX orqali yukni yuborish, yetkazib berish va qabul qilish jarayonlari raqamli imzo bilan tasdiqlanadi yoki sababi ko‘rsatilib, rad etiladi.

Yo‘l, ichimlik suvi va ko‘prik qurilishi loyihalarida “resurs usuli»dan voz kechilib, “hajm usuli»ga o‘tiladi. Qurilishni korrupsiyadan xoli sohaga aylantirish maqsadida tuziladigan barcha shartnomalar raqamlashtiriladi.

Obyektlarning smeta qiymati “Qurilish resurslari milliy klassifikatori” elektron platformasi ma’lumotlari asosida shakllantiriladi.

“Shaffof qurilish” milliy axborot tizimida avtomobil yo‘llari va yo‘l inshootlarini qurish, rekonstruksiya qilish va ta’mirlashda qiymati 10 mlrd so‘mdan ortiq bo‘lgan loyihalar bo‘yicha jalb qilinadigan yordamchi pudrat tashkilotlari ro‘yxatga olinadi.

Tender savdolari oferentlari tomonidan takliflar to‘liq raqamlashtirilgan holda kiritiladi. Har oyda kamida bir marotaba davlat dasturlariga kiritilgan obyektlardagi qurilish jarayonining joriy holati bo‘yicha fotosuratlar joylashtirib boriladi.

Fuqarolarga ipoteka va avtokreditlar berish talablari kuchaytirilmoqda

1-iyuldan qarz yuki 60%dan past bo‘lgan jismoniy shaxslarga 100% kredit tavakkalchiligi belgilanadi. Agar ko‘rsatkich belgilangan chegaradan oshsa, xatar darajasi mos ravishda 150%gacha oshadi.

O‘zgarishlar ipoteka kreditlari, avtomobil sotib olish, oilaviy tadbirkorlikni rivojlantirish va ta’lim dasturlari asosida ajratiladigan kreditlarga ta’sir qilmaydi. Ipoteka va avtokreditlarni berishda kreditorlarning tavakkalchilik darajasi bir vaqtning o‘zida ikkita komponentni — kreditorning qarz yuki ko‘rsatkichi va kredit/garov nisbatini taqqoslash asosida aniqlanadi.

Qarz yuki ko‘rsatkichi barcha kreditlar va qarzlar, shu jumladan yangi kredit bo‘yicha o‘rtacha oylik to‘lovlar miqdorini qarz oluvchining o‘rtacha oylik daromadiga bog‘lash orqali hisoblanadi.

Regulyator avtomobil kreditlari uchun kredit/garov nisbatini 75%gacha cheklaydi.

Avtomobil kreditlarida eng past xatar darajasi qarz yuki 60%dan past bo‘lgan va kredit/garov nisbati 75%dan kam bo‘lgan qarz oluvchilarga beriladi. Ikki qiymat qanchalik yuqori bo‘lsa, kredit xatari shunchalik katta bo‘ladi.

O‘z navbatida, ipoteka kreditlari bo‘yicha Markaziy bank qarz oluvchilarning kredit tavakkalchiligini baholash darajasini ham ishlab chiqdi.

Agar kredit/garov nisbati 50%dan oshmasa va qarz yuki ko‘rsatkichi 60% bo‘lsa, u holda kreditorga 35% qarz yuki ko‘rsatkichi belgilanadi. Ikkala komponentning ortishi bilan qarz oluvchilarning kredit xatari oshadi.

Ichimlik va kanalizatsiya ta’minoti xususiy sektorga o‘tkaziladi

Mobile-ID tizimida fuqarolarni identifikatsiya qilish kompozit shaklda amalga oshiriladi Mobile-ID tizimida fuqarolarni identifikatsiya qilish ularning xohishiga ko‘ra ID-karta va xorijga chiqish biometrik pasportini DXM orqali rasmiylashtirishda kompozit shaklda amalga oshiriladi.

Avval davlat ro‘yxatidan o‘tkazilgan (davlat ro‘yxatidan o‘tkazilganligi to‘g‘risida guvohnoma berilgan yoki huquqni belgilovchi hujjatga ustxat yozish yo‘li bilan tasdiqlangan) va hozir amaldagi ko‘chmas mulkka bo‘lgan huquqlar to‘g‘risidagi ma’lumotlarni onlayn davlat reyestriga kiritish va bu haqida ko‘chirma berish bepul amalga oshiriladi.

Noturar joylarni boshqa shaxsga o‘tkazishga oid bitimlarni rasmiylashtirish bitim tomonlari davlat xizmatlari markaziga kelgan va ularning shaxsi markaz xodimi tomonidan aniqlashtirilgan holda amalga oshiriladi. Rasmiylashtirilgan bitim bir vaqtning o‘zida davlat ro‘yxatidan o‘tkazish uchun kadastr organlariga yuboriladi.

Paynet orqali bank kartalaridan naqd pul yechish xizmati qayta ishga tushiriladi

“Uzpaynet” kompaniyasining to‘lov agentlik tarmog‘i orqali naqd pul yechish xizmati sinov tarzida qayta ishga tushiriladi. Bunda barcha agentlar orqali “Uzcard” va “Humo” kartalaridan naqd pul yechib olish mumkin.

Urganch xalqaro aeroporti 8-avgustgacha yopiladi

20-iyuldan 7-avgustgacha Urganch xalqaro aeroporti faoliyatini vaqtincha to‘xtatadi.

Uzunligi 3000 metr va eni 16 metr bo‘lgan uchish-qo‘nish yo‘lagi yuzasini butunlay almashtirish va mustahkamlash rejalashtirilgan. Ikkinchi va uchinchi yurish yo‘laklari kapital ta’mirlanadi.

Rekonstruksiya davrida barcha rejalashtirilgan reyslar Nukus xalqaro aeroportiga yo‘naltiriladi, yo‘lovchilar Nukus va Urganch aeroportlari o‘rtasida transferlar bilan ta’minlanadi.

Unda egizak minoralar, ikkita universitet kampusi, davlat idoralari va qirg‘oq joylashgan bo‘ladi.

Iyun oyida hukumat “Yangi Toshkent” birinchi tumani qurilishining bosh rejasini tasdiqladi. Bu haqda bosh dizayner va yetakchi maslahatchi vazifasini bajaruvchi Britaniyaning “Cross Works” kompaniyasi ma’lum qildi.

“Cross Works” boshchiligidagi kompaniyalar konsorsiumi loyihaning bosh rejasini ishlab chiqish ustida ishladi. Ular orasida “Buro Happold”, “Gillespies”, “KPMG Uzbekistan”, “BuroAtlas”, “Hartek Muhendislik”, “DOME+PARTNERS”, “SKAB, Synthesis”, “Udevs”, “CAMC Engineering”, “ATCHAIN”, “SNT Visual” va boshqa ishtirokchilar bor. Yangi Toshkentda 25 ming gektar maydonga 2,5 mlndan ortiq aholini joylashtirish rejalashtirilgan. Hudud bo‘ylab Qorasuv va Chirchiq daryolari oqib o‘tadi. Birinchi tuman maydoni 6 ming gektardan oshadi.

Hududning qariyb yarmi turar-joy ko‘chmas mulki uchun, uchdan biroz kamroq qismi esa tijorat ko‘chmas mulki uchun ajratiladi. Shuningdek, hududning 20%i yashil maydonlarga, 18%i davlat obyektlariga, 6%i madaniyat muassasalariga ajratiladi.

Birinchi bo‘limda “Yangi O‘zbekiston” universiteti va Nizomiy nomidagi Toshkent davlat pedagogika universiteti kampuslari, egizak minoralar, davlat muassasalari, piyodalar uchun mo‘ljallangan “Silk City”, madaniyat, tibbiyot va media zonasi hamda texnopark maydonchasi joylashadi.

Toshkent va “Yangi Toshkent” timsoli bo‘lgan egizak minoralarda hashamatli savdo nuqtalari, terassali restoran, tom ustidagi bog‘, ko‘rgazmalar, galereyalar va turli madaniy tadbirlar uchun maydonlar joylashadi. Egizak minoralarning balandligi 575 metrni tashkil etadi va bu poytaxt osmono‘par binosini dunyodagi eng baland 12-binoga aylantiradi.

Bundan tashqari, “Yangi Toshkent»da piyodalar uchun ko‘chalar, integratsiyalashgan suv yo‘llari, kontekstual arxitekturaga ega binolar, jamoat joylari va savdo do‘konlari joylashgan tor yo‘laklarni qurish rejalashtirilmoqda.

Yangi Toshkent loyihasi

O‘tgan yilning mart oyida Shavkat Mirziyoyev Yangi Toshkent qurilishiga tamal toshi qo‘ydi. Birinchi bosqichda 6 ming gektarda bunyodkorlik qilish rejalashtirilgan. Yangi Toshkent konsepsiyasi va bosh rejasini ishlab chiqish 4 bosqichda amalga oshiriladi.

Tuman administratsiya, iqtisodiyot, ta’lim, sog‘liqni saqlash va madaniyat kabi 5ta negiz asosida quriladi. 2023-yilning iyul oyida Yangi Toshkent shahrini barpo etish chora-tadbirlari bo‘yicha prezident qarori qabul qilindi.

Joriy yilning mart oyida viloyatdagi qariyb 20 ming gektar yer maydoni Yangi Toshkentga o‘tkazilishi ma’qullandi. Aprelga kelib, dastlabki binolar qurilishi boshlandi. Birinchi bosqichda ikkita OTM kampuslari, kutubxona, teatr, muzey hamda ijod maktablari barpo etiladi.