“Uzbekistan Airways” kompaniyasi qo‘shimcha aviaqatnovlarni yo‘lga qo‘ymoqda. Bu haqda aviakompaniya matbuot xizmati xabar berdi. Qurbon hayiti bayrami munosabati bilan tashkil etilayotgan qo‘shimcha reyslar 6ta mahalliy yo‘nalish bo‘yicha amalga oshiriladi.

Parvozlarning uchish vaqti quyidagicha:

• Toshkent — Namangan — Toshkent — 15-iyun;
• Toshkent — Buxoro — Toshkent — 15, 17, 18-iyun kunlari;
• Toshkent — Termiz — Toshkent — 15, 16, 17, 18-iyun kunlari;
• Toshkent — Samarqand — Toshkent — 16-iyun kunlari;
• Toshkent — Urganch — Toshkent — 16, 18-iyun kunlari;
• Toshkent — Farg‘ona — Toshkent — 17-iyun kunlari.

Parvozlar jadvali bilan aviakompaniya saytida tanishish mumkin.

Aviachiptalarni havola orqali onlayn hamda “Uzbekistan Airways Sales” filialida yoki aviakompaniya agentlarida xarid qilish mumkin.

Yig‘ilishda elektromobillar soni oxirgi uch yilda 10 karra oshib, 35 mingtaga yetgani, Jizzaxda elektromobil ishlab chiqarish yo‘lga qo‘yilayotgani qayd etildi.

Shu munosabat bilan elektr tizimini rivojlantirishda yangi zaryadlash quvvatlarini hisobga olish zarurligi ko‘rsatib tildi. Endilikda elektromobilni xonadonda quvvatlashni rag‘batlantiradigan tungi tarif joriy qilinadi. Quvvatlash uskunasiga hisoblagich o‘rnatgan aholiga tungi vaqtda quvvatlaganlik uchun arzon tarif qo‘llanadi.

Shuningdek, ko‘chalar, ko‘p qavatli uylar atrofida 22 kilovattgacha, xonadonda 7 kilovattgacha zaryadlash stansiyasi o‘rnatish mumkin bo‘ladi.

Davlat tashkilotlari, savdo markazi, mehmonxona va dam olish maskanlari avtoturargohida quvvatlash stansiyasi o‘rnatiladi.

O‘zbekiston Sanoat namunalarini xalqaro ro‘yxatga olish to‘g‘risidagi Gaaga bitimining Jeneva aktini ratifikatsiya qildi. Tegishli qonun prezident tomonidan 5-iyun kuni imzolangan.

1999-yil iyul oyida imzolangan hujjat Jahon intellektual mulk tashkilotiga sanoat namunalarini himoya qilish uchun arizalar topshirishga tegishli.

Bu ishtirokchi mamlakatlarda to‘g‘ridan-to‘g‘ri Jahon intellektual mulk tashkiloti orqali yoki mas’ul agentlik orqali amalga oshirilishi mumkin.

Hozirda 77 davlat turli shakllarda shartnomada ishtirok etmoqda, jumladan AQSh, Kanada, Meksika, Braziliya, Buyuk Britaniya, Yevropa Ittifoqi davlatlari, shuningdek, Rossiya, Qirg‘iziston va Tojikiston. O‘zbekiston esa unga qator bayonotlar bilan qo‘shilmoqda. Shunday qilib, sanoat namunasiga bo‘lgan mutlaq huquqlarning amal qilish muddati xalqaro ro‘yxatga olingan kundan boshlab 5 yilni tashkil etadi. U 15 yildan ortiq bo‘lmagan muddatga uzaytirilishi mumkin.

O‘zbekiston Adliya vazirligining Intellektual mulk departamenti orqali taqdim etilgan xalqaro talabnoma materiallarini jo‘natish muddati bir emas, 6 oyni tashkil etadi. Qarorga namunalarning xavfsizlik talablariga muvofiqligini tekshirish sabab bo‘lgan.

O‘zbekiston hududida sanoat namunasini xalqaro ro‘yxatdan o‘tkazishning amal qilishi Adliya vazirligi Jahon intellektual mulk tashkiloti Xalqaro byurosiga himoya qilish to‘g‘risida bildirishnoma yuborgan kundan e’tiboran boshlanadi. Himoya qilish rad etilsa, xabarnomani tayyorlash muddati 12 oyni tashkil qiladi.

Reglamentga muvofiq, 1-sinfga qabul jarayonlari 2 bosqichda amalga oshiriladi:

• 1-bosqich: 20-iyundan 31-iyulgacha mikro-hudud doirasida;
• 2-bosqich: 1-avgustdan 15-avgustgacha mikro-hududdan tashqarida.

1-sinfga qabul jarayonlari havoladagi tuman (shaharlarda) elektron shaklda davlat xizmatlari orqali amalga oshiriladi. Bunda ota-onalar 20-iyundan boshlab my.maktab.uz elektron platformasi orqali ro‘yxatdan o‘tib, ariza topshirishlari mumkin.

Davlat xizmatlari ko‘rsatilmaydigan hududlarda 1-sinfga qabul qilingan o‘quvchilar vazirlik elektron tizimi (adm.maktab.uz)ga kiritiladi

“Ta’lim to‘g‘risida»gi Qonunga muvofiq, bolalar 7 yoshga to‘ladigan yilda maktabga qabul qilinadi. Bu yil 1-sinfga 2017-yilning 31-dekabriga qadar tug‘ilgan bolalar qabul qilinadi.

May oyida O‘zbekistonning oltin-valyuta zaxiralari $1,5 mlrddan ortiqqa oshdi. Bu haqda Markaziy bank ma’lumotlarida keltirilgan. Joriy yilning 1-iyun holatiga ko‘ra, mamlakat zaxiralari bir oylik $1,52 mlrd o‘sish bilan, $36,6 mlrdni tashkil etdi.

Xorijiy valyutadagi aktivlar miqdori aprel oyidagi pasayishdan keyin $1,24 mlrdga oshib, $9,26 mlrdga yetdi.

Regulyator ilk bor zaxiralarga oid ma’lumotlar tarkibida qimmatli qog‘ozlar bo‘yicha statistikani taqdim etdi. Unga ko‘ra, qimmatli qog‘ozlar $35 mlnni tashkil etgan. Avvalroq Markaziy bank birinchi marta xorijiy davlat qimmatli qog‘ozlariga investitsiya kiritgandi.

Shuningdek, regulyatorning boshqa mamlakatlar markaziy banklari hamda XVJdagi depozitlari hajmi sezilarli oshib, $422,7 mlnni tashkil etdi.

Boshqa xorijiy moliya institutlarining hisobvaraqlaridagi mablag‘lar miqdori esa bir oy davomida $1,2 mlrdga oshdi. Natijada, ko‘rsatkich yil boshidagi $8,8 mlrdni qayd etdi.

Mayda mamlakat oltin zaxiralari biroz ($278,8 mln) o‘sib, $26,8 mlrdni tashkil etdi. Zaxiradagi oltinning fizik hajmi biroz pasaydi — 11,4 mln troy unsiya.