O’zbekistonda qaysi sohalarda tadbirkorlar ko‘proq faoliyat yuritayotgani ma’lum bo’ldi

Tomonidan

10:02 | 18-Sentabr, 2024

Statistika agentligining dastlabki maʼlumotlariga ko‘ra, O‘zbekistonda 2024-yil 1-avgust holatiga 396 448 ta tadbirkorlik subyektlari (fermer va dehqon xo‘jaliklarisiz) faoliyat ko‘rsatmoqda.

Ular iqtisodiy faoliyat turlari bo‘yicha quyidagicha:

savdo sohasida – 150 319 ta;

sanoat sohasida – 63 049 ta;

qishloq, o‘rmon va baliqchilik xo‘jaligi sohasida – 33 668 ta;

qurilish sohasida – 30 080 ta;

yashash va ovqatlanish bo‘yicha xizmatlar sohasida – 28 123 ta;

tashish va saqlash sohasida – 16 521 ta;

axborot va aloqa sohasida – 9 915 ta;

sog‘liqni saqlash va ijtimoiy xizmat ko‘rsatish sohasida – 9 584 ta;

boshqa sohalarda – 55 189 ta.

23-sentabrdan ipoteka subsidiyasi uchun arizalar qabuli boshlanadi

Tomonidan

YKJ ADMIN

15:54 | 17-Sentabr, 2024

Endilikda ariza beruvchi xohishi bilan uning daromadlari hisob-kitobiga yaqin qarindoshlarining ham daromadlari kiritilishi mumkin.

Joriy yilning 23-sentabridan ipoteka kreditlari uchun subsidiya olishga arizalar qabulining ikkinchi bosqichi boshlanadi. Bu haqda Iqtisodiyot va moliya vazirligi matbuot xizmati xabar berdi.

Ipoteka kreditlari bo‘yicha subsidiyalar to‘lashning tasdiqlangan maqsadli parametrlari doirasida fuqarolar arizalarni 23-sentabr kuni soat 09:00dan boshlab jo‘natishlari mumkin.

Navbatdagi bosqichda ijtimoiy mezonlarga muvofiq, subsidiya olish uchun fuqarolarga yanada kengroq imkoniyat yaratish maqsadida ularning daromadlarini inobatga olish tartibiga qo‘shimcha va o‘zgartirishlar kiritildi. Endilikda ariza beruvchining xohishiga ko‘ra, uning daromadlari hisob-kitobiga yaqin qarindoshlarining ham daromadlarini kiritishi mumkin.

Ariza beruvchi yoki uning turmush o‘rtog‘ining (shu jumladan, kafil sifatida keltirgan yaqin qarindoshlari) o‘rtacha daromad miqdori quyidagicha bo‘lishi zarur:

Qoraqalpog‘iston va viloyatlarda — mehnatga haq to‘lashning eng kam miqdorining 2,7 baravaridan 8 baravarigacha (2,83 mln — 8,4 mln so‘m);
Toshkent shahrida — MHTEKMning 2,7 baravaridan 9,2 baravarigacha (2,83 mln so‘m — 9,66 mln so‘m).

Subsidiya nima beradi?

Subsidiya uy-joy sotib olish uchun ipoteka krediti bo‘yicha boshlang‘ich to‘lov va foizlarning bir qismi budjetdan qoplanishini nazarda tutadi.

Joriy yilda mamlakat bo‘yicha jami 27 mingta subsidiya ajratilishi belgilangan. Shundan 20 mingtasi yangi uy-joy sotib olish, 7 mingtasi esa uy-joy qurish, rekonstruksiya qilish va ta’mirlashga yo‘naltiriladi. Hujjatlar 15-maydan 1-noyabrgacha qabul qilinadi. Birlamchi uy-joy bozoridagi kvartiralarni sotib olish uchun ajratilgan ipoteka kreditlari bo‘yicha boshlang‘ich to‘lovni qoplashga qat’iy belgilangan 30 mln so‘m ajratiladi.

Kreditlarning 12%dan oshgan qismiga foiz to‘lovlari 5 yil davomida qoplab beriladi. 2025-yildan esa Markaziy bankning asosiy stavkasidan yuqori foizlarning bir qismi subsidiyalanadi.

Ariza qanday jo‘natiladi?

Ipoteka subsidiyasi uchun arizalarni Davlat xizmatlari markazlariga bevosita borgan holda yoki Yagona portal (my.gov.uz) orqali mustaqil ravishda onlayn jo‘natish mumkin.

Onlayn ariza topshirishda portalga kirgach, qidiruv tizimiga “ipoteka krediti” kalit so‘zlarini kiritish zarur. Undan so‘ng kerakli sahifa paydo bo‘ladi hamda “Xizmatdan foydalanish” tugmasini bosish orqali jarayon boshlanadi. Xizmatdan foydalanishda hech qanday hujjat talab etilmaydi va arizachi haqidagi ma’lumotlar portalda avtomatik ravishda shakllanadi.

Birinchi qadamda ariza yuboruvchi tanlanadi. Agar nomzod o‘z nomidan ariza topshirmoqchi bo‘lsa, “arizachining o‘zi” toifasini tanlashi kerak.

“Spot” subsidiya uchun arizalarni qanday jo‘natish mumkinligi bo‘yicha qo‘llanma taqdim etgandi.

Arizalar 19 kun ichida ko‘rib chiqiladi. Agar u tasdiqlansa, Iqtisodiyot va moliya vazirligi to‘rt oy davomida amal qiladigan sertifikat (xabarnoma) taqdim etadi. Undan o‘z vaqtida foydalana olmaganlar esa subsidiya olish uchun qayta ariza topshirishlari mumkin. Lekin joriy yil uchun bu oxirgi arizalar qabuli hisoblanadi.

Xizmatdan havola orqali foydalanish mumkin.

Subsidiya uchun arizalarni qabul qilishning birinchi bosqichi 15-maydan boshlangan. Birinchi kunning o‘zidayoq soat 18:00gacha 64 mingdan ortiq fuqaro ariza topshirgan. 15-maydan 21-may kunigacha — bir hafta ichida esa jami 150 mingdan ortiq arizalar kelib tushgan.

O‘zbekiston va Germaniya 9 mlrd yevrolik sarmoyaviy loyihalar ustida ishlamoqda

Tomonidan

YKJ ADMIN

10:09 | 16-Sentabr, 2024

Qayd etilishicha, tomonlar 8ta shartnoma, jumladan migratsiya, transport va muhim foydali qazilmalar sohasida shartnomalar imzoladilar.

Shavkat Mirziyoyev 15-sentabr kuni Samarqandda Germaniya kansleri Olaf Shols bilan muzokaralar o‘tkazdi. Bu haqda prezident matbuot xizmati xabar berdi.

Uchrashuvda hamkorlikni yanada kengaytirish masalalari muhokama qilindi. 2023-yil uchun tovar ayirboshlash 1 mlrd yevrodan oshdi, joriy yil boshidan buyon nemis kompaniyalari O‘zbekistonga 800 mln yevroga yaqin sarmoya kiritdi.

“KfW” banki va Germaniya xalqaro hamkorlik jamiyatining moliyaviy-texnik ko‘mak loyihalariga yuqori baho berildi.

Joriy yil yozda Samarqand shahrida Ibn Sino va Genrix Shipperges nomidagi Tibbiyot fanlari oliy maktabi ochilgani ham mamnuniyat bilan qayd etildi. Uchrashuvda Sanoat va texnologiyalar bo‘yicha strategik sheriklik dasturi tayyorlangani qayd etildi. Germaniyaning yetakchi kompaniya va banklari bilan umumiy qiymati qariyb 9 mlrd yevro bo‘lgan hamkorlik loyihalari ishlab chiqilmoqda.

Ular “yashil” energetika, kimyo sanoati, o‘ta muhim xomashyoni o‘zlashtirish, mashinasozlik, to‘qimachilik sanoati, qurilish materiallari ishlab chiqarish va boshqa ko‘plab yo‘nalishlarni qamrab oladi.

“Siemens Energy” kompaniyasi bilan mamlakatimiz hududlarida bug‘-gaz elektr stansiyalarini qurish, “Linde Group” kompaniyasi bilan “metanol oroli” barpo etish va “yashil” ammiak ishlab chiqarishni rejalashtirmoqda.

“KfW-Ipex Bank” “Giga Fiber” ishtirokida qazib olish va qayta ishlash yo‘lga qo‘yiladigan mis konini o‘zlashtirishga sarmoya kiritishni rejalashtirmoqda.

Shuningdek, nasos tizimlarini mahalliylashtirish, qayta tiklanuvchi energetika, tibbiy buyumlar ishlab chiqarish, logistika markazlarini tashkil etish bo‘yicha bir qator yangi loyihalar mavjud.

Ushbu loyihalarni tezlashtirish va qo‘llab-quvvatlash, investitsiyalarni rag‘batlantirishning samarali vositalarini joriy etishga kelishildi. Shavkat Mirziyoyev Germaniyaning “Lufthansa” aviakompaniyasining O‘zbekistonga to‘g‘ridan-to‘g‘ri parvozlarini qayta yo‘lga qo‘yish masalasini ko‘rib chiqishni taklif qildi.

O‘zbekiston nemis modeli bo‘yicha dual ta’limga qiziqish bildirdi, Germaniyada qo‘shma fakultet va universitetlarning filiallarini ochish uchun sharoit yaratish taklifini bildirdi. Bundan tashqari, nemis tilini o‘qitishni kengaytirish rejalashtirilgan.

Uchrashuv yakunlari bo‘yicha 8ta shartnoma imzolandi, jumladan:

migratsiya va mobillik sohasida har tomonlama sheriklik to‘g‘risida hukumatlararo bitim;
veterinariya va chorvachilik sohasida hamkorlik to‘g‘risida hukumatlararo deklaratsiya;
“Yashil Markaziy Osiyo” tashabbusi doirasida suv resurslaridan barqaror foydalanish sohasidagi hamkorlik to‘g‘risida hukumatlararo deklaratsiya;
o‘ta muhim minerallar sohasidagi hamkorlik to‘g‘risida qo‘shma deklaratsiya;
transport sohasidagi hamkorlik to‘g‘risida bitim;
Parij bitimi doirasida iqlim o‘zgarishi sohasidagi hamkorlik to‘g‘risida memorandum.

“Shakl. Funksiya. Qulaylik. Uyg‘unlik”: Dilnoza Ahmad Perfect Design ARH falsafasi va muvaffaqiyati haqida

Tomonidan

YKJ ADMIN

18:20 | 13-Sentabr, 2024

O‘zbekiston Marketing Assotsiatsiyasi arxitektura va dizayn sohasida o‘zini yetakchi kompaniyalardan biri sifatida ko‘rsatgan Perfect Design ARH byurosini taqdim etmoqda. Ushbu maqolada biz Perfect Design ARH va uning asoschisi, xalqaro tajribaga ega taniqli arxitektor Dilnoza Ahmad haqida gaplashamiz. Dilnoza Ahmad arxitekturaga o‘ziga xos yondashuvi va mukammallikka intilishi bilan mashhur bo‘lib, bu unga o‘zining mukammalligi va innovatsion g‘oyalarini ta’kidlaydigan muhim loyihalarni ishlab chiqish imkonini berdi.

“Bizning arxitektura sohasiga qo‘shgan hissamizni e’tirof etgani uchun O‘zbekiston Marketing assotsiatsiyasi va O‘zbekiston arxitektorlar uyushmasiga chuqur minnatdorchiligimizni bildiramiz. Bizning tajribamiz, sifat va loyiha xavfsizligiga e’tiborimiz yuqori baholanganidan faxrlanamiz. O‘zbekiston bozoridagi yetakchi kompaniyalar qatoridan joy olish biz uchun katta sharafdir. Maqsad va vazifamiz, shuningdek, yutuqlarimiz bilan o‘rtoqlashishdan mamnunmiz”, — dedi Dilnoza Ahmad.

Zamonaviy arxitektura olamida bir nechta kompaniyalar nafaqat o’z mijozlarining funksional ehtiyojlarini qondirish, balki har bir ijodini ilhomlantiruvchi va atrof-muhit bilan uyg’un bo’lgan noyob narsaga aylantirish qobiliyati bilan maqtana oladi. 2005-yilda asos solingan Perfect Design ARH nafaqat meʼmor, balki shakl, funksiya, qulaylik va uyg‘unlik o‘zaro bog‘langan butun dunyoni yaratuvchi usta sifatida ham shuhrat qozondi.

Kompaniya asoschisi Dilnoza Ahmad bolaligidan me’mor bo‘lishni orzu qilgan. Uning arxitekturaga bo‘lgan muhabbati yoshligidan boshlangan, u bir necha soatlab binolarni chizib, ularning haqiqatda qanday amalga oshirilishini tasavvur qilar edi. Yillar o’tib, u o’zining mukammallikka erishish ishtiyoqi va noyob qarashlarini o’zida mujassam etgan kompaniyaga asos solib, orzusini amalga oshirishga muvaffaq bo’ldi.

Dilnoza Ahmad kompaniya muvaffaqiyati ortida nima turgani, uning ishini qanday falsafiy tamoyillar va qadriyatlar boshqarayotgani, arxitektura san’ati cho‘qqilariga chiqish yo‘lida qanday qiyinchiliklarni yengib o‘tishi haqida gapirib berdi.

Perfect Design ARH shiori bo‘lmish “Shakl. Funksiya.Qulaylik. Uyg‘unlik” qanday paydo bo’ldi? Shioringiz sizning ish falsafangizni qanday aks ettiradi?

Bizning shiorimizni tasodifan tanlamaganmiz. Bu ko’p yillik mehnatimiz va me’morchilikka bo’lgan ishtiyoq natijasi edi. Shakl, funksiya, qulaylik va uyg’unlik integratsiyasisiz arxitekturani amalga oshirish mumkin emas deb hisoblaymiz. Bu elementlar bir-biri bilan chambarchas bog’langan bo‘lib, har bir binoni o’ziga xos va taniqli qiladi. “Shakl. Funksiya.Qulaylik. Uyg‘unlik” shiori bizning falsafamizni aks ettiradi hamda biz taqdim etgan me’moriy yechimlarimizning egalariga bu tushunarli.

Kuni kecha sizning boy tajribangiz, muvaffaqiyatli loyihalaringiz, ijtimoiy mas’uliyatingiz va taqdim etayotgan yuqori sifatingiz tufayli kompaniyangiz O‘zbekiston Marketing Assotsiatsiyasi tomonidan arxitektura sohasining yetakchilaridan biri sifatida e’tirof etildi. Ushbu e’tirofni siz qanday qabul qilasiz va bunday yutuqlar kompaniyangiz rivojiga qanday ta’sir qiladi?

Biz 20 yildan ortiq mehnat faoliyati davomida ko’plab mukofotlar, diplomlar va sertifikatlarga sazovor bo’lganimizdan faxrlanamiz. Biz uchun bu e’tiroflar shunchaki yutuqlar ro‘yxatidagi belgi emas, balki to‘g‘ri yo‘lni tanlaganimizning tasdig‘idir. Har bir yangi e’tirof bizni yanada ko’proq ishlashga ilhomlantiradi.

Bu tajriba va professional hamjamiyatdagi e’tirof bizning rivojlanishimizda muhim bosqich bo’ldi. Biz uchun bu nafaqat maqomimizni tasdiqlash, balki loyihalarimizning o‘ziga xosligi va sifatini saqlab qolgan holda yangi marralarni zabt etishga intilishdir.

Perfect Design ARH 2005-yilda tashkil etilganidan beri arxitektura dizayniga yondashuv qanday o’zgardi? Har bir loyiha mijozlar uchun noyoblikni ta’minlab, funksionallik va estetika o’rtasidagi muvozanatni qanday topasiz?

Birinchi loyihamiz UzOman — kompaniyaning rivojlanish yo‘nalishini belgilab bergan boshlang‘ich nuqta bo‘ldi. O’shandan beri qariyb yigirma yil o’tdi va har bir yangi loyiha chuqur bilim va boy tajriba samarasiga aylanib keldi. Biz zamonaviy standartlarga javob beradigan, kelajak avlod ehtiyojlarini inobatga olgan loyihalarni amalga oshirmoqdamiz. Biz doimo yangi sharoitlarga moslashamiz va ko’p yillar davomida dolzarb bo’lib qoladigan tegishli yechimlarni ishlab chiqamiz.

Arxitektura qulaylik va vizual joziba o’rtasidagi muvozanatni topish qobiliyatini talab qiladigan san’atdir. Har bir loyihada biz uyg’unlikni qidiramiz, bu binoni nafaqat qulay, balki vizual jozibador qiladi. Biz ko‘zni quvontiradigan va ko‘p yillar davomida o‘z maqsadiga xizmat qiladigan loyihalarni yaratish uchun nafaqat mijozning talablarini, balki atrof-muhit va hozirgi arxitektura yo‘nalishlarini ham hisobga olamiz.

Har bir loyihamiz noyob bo‘lib, biz har biriga alohida yondashamiz. Biz loyihalarni takrorlamaymiz va mijozning talablariga javob beradigan va boshqa binolar orasida ajralib turadigan noyob yechim topishga harakat qilamiz. Ushbu yondashuv har bir binoning nafaqat funksional, balki o’ziga xosligini ham ta’minlaydi.

Siz eng faxrlangan loyihangiz qaysi? Uning ishlab chiqilishida qanday qiyinchiliklarga duch kelgansiz?

Men shahar me’morchiligi muhitida o’z o’rnini egallagan har bir loyiha bilan faxrlanaman. Turli yo’nalishlarda ko’plab qiziqarli loyihalarni amalga oshirganmiz:

UzOman va Oazis biznes markazlari;
BeFit One fitness klubi;
Orient Finance Bank bosh ofisi;
“Maxtumquli” biznes parki;
va ko’plab turar-joy majmualari.

Novza turar-joy majmualaridan biri shu qadar yuqori baholandiki, u Toshkent arxitektura-qurilish instituti talabalari uchun o‘quv dasturiga kiritilgan. Bu loyiha biz uchun shunchaki ish emas, balki haqiqiy katta tajriba bo‘ldi. Biz amalga oshirgan taniqli sharqona dizayn g’oyalarimiz shahar makonini qanday o’zgartirishi, hatto eng qiyin sharoitlarda ham o’ziga xos va funksional bo’lib qolishi mumkinligini namoyish etadi.

Yangi loyihalarni ishlab chiqish va amalga oshirishda mijozlarning fikr-mulohazalari qanday rol o’ynaydi?

Biz mijozlar bilan o’zaro munosabatlarga katta ahamiyat beramiz, chunki faqat mijoz bilan muloqot qilish orqali biz loyihani mukammallikka olib kelishimiz, ularning xohish-istaklarini diqqat bilan tinglashimiz va ularning umidlariga javob beradigan yechimlarni taklif qilishimiz mumkin. Misol uchun, xuddi shu “Novza” loyihasida ular bizga yevro-klassiklar so’rovi bilan kelishdi, ammo barcha tafsilotlarni muhokama qilgandan so’ng, biz sharqona zamonaviy uslubni taklif qildik, keyinchalik u yanada foydali bo’ldi. Shu sababli, biz, professionallar uchun nafaqat istaklarni ko’r-ko’rona amalga oshirish, balki loyiha tugashi bilan binoning maksimal imkoniyatlarini ochishni ta’minlash ham muhimdir. Aksariyat mijozlarimiz tavsiyalar orqali keladi va, albatta, doimiy mijozlarga aylanishadi, bu ham o‘z navbatida kompaniyamizga bo‘lgan ishonchning yuksakligini tasdiqlaydi. Loyihalarimizni birma-bir amalga oshirayotgan mijozlarimizga chin dildan minnatdormiz.Sizningcha, Perfect Design ARH raqobatchilaridan nimasi bilan ajralib turadi? Muvaffaqiyatingiz siri nimada?

Raqobatchilarimiz bor deb hisoblamaymiz, chunki har bir loyiha shunchaki ish emas, balki biz tomondan qaralgan shaxsiy mas’uliyatdir. Biz har bir loyihaga o’z ishimizdek, maksimal fidoyilik bilan yondashamiz. Muvaffaqiyat sirimiz doimo mukammallikka intilish va yangi narsalarni o’rganishdadir. Biz faqat doimiy rivojlanish va takomillashtirish orqali loyihalarimizning yuqori sifati va o’ziga xosligini ta’minlashimiz mumkinligiga ishonamiz. Ana shu maqsad yo‘lida har yili xalqaro anjuman va ko‘rgazmalarda qatnashib, o‘tgan yili hamkasblar bilan tajriba va ma’lumot almashish maqsadida shaxsiy ko‘rgazma tashkil etdik.

Biz uchun ishimiz shunchaki kasb emas, balki mehr va fidoyilik bilan bajariladigan haqiqiy vazifadir. Mening ishim — mening vazifam va men arxitektura tarixida iz qoldiradigan loyihalarni yaratishga imkon beruvchi jarayonning har bir jihatiga chuqur sodiqlikni his qilaman.

546 nafar yoshlar «Yosh tadbirkor» tanlovining hududiy bosqichiga yoʻllanma oldi

Tomonidan

YKJ ADMIN

17:08 | 13-Sentabr, 2024

2024-yil 24-iyunda Yoshlar ishlar agentligi, “Yoshlar – kelajagimiz” jamgʻarmasi, Savdo-sanoat palatasi, Mahallabay ishlash va tadbirkorlikni rivojlantirish agentligi, Aksiyadorlik tijorat Xalq banki va “Mikrokreditbank” aksiyadorlik-tijorat banki tomonidan
“Yosh tadbirkor” tanlovini tashkil etish va oʻtkazish toʻgʻrisida”gi qoʻshma qaror imzolangan edi.

“Yoshlarportali.uz” manzili orqali jami 11,5 ming yoshlar “Yosh tadbirkor” tanlovida ishtirok etish uchun roʻyxatdan oʻtdi. Roʻyxatdan oʻtgan yoshlarning 9,5 ming nafari 2024-yil 1-5-avgust kunlari “Oilakredit.uz” manziliga ariza qoldirdi hamda ulraning 2 ming nafari elektron skoring tizimi hamda mahallalardagi hokim yordamchilarining ijobiy xulosasini olgan holda tanlovning test bosqichiga oʻtkazildi.

Joriy yilning 23-28-avgust kunlari 208 ta tuman (shahar)larda tanlovining “tuman” bosqichi oʻtkazilib, ishtirokchilarning iqtisodiy-moliyaviy bilimlari tekshirildi.

Oʻtkazilgan test natijalariga koʻra, 546 nafar ishtirokchilar tanlovning hududiy bosqichiga yoʻllanma oldi.

Respublika bosqichida g’olib bo’lgan yoshlarga grant mablag’lari va imtiyozli kredit olish uchun sertifikatlar taqdim etiladi.

Xorijdan O‘zbekistonga tovarlarni yetkazib berish bo‘yicha 9ta servis

Tomonidan

YKJ ADMIN

16:08 | 13-Sentabr, 2024

O‘zbekistonda chakana savdo so‘nggi yillarda tez suratda rivojlanib, bozorga ko‘plab taniqli brendlar kirib kelmoqda. Biroq, aholining katta qismi xorijiy internet-do‘konlarda o‘z xaridlarini amalga oshirishni afzal ko‘rishadi. Shunday qilib, mamlakatda mavjud bo‘lmagan tovar va brendlar shaharga kirish huquqiga ega bo‘ladi, bu orqali ular mablag‘larini ham tejab qolishadi — yetkazib berish narxini hisobga olgan holda ham ancha arzonga tushishadi. Ba’zi hollarda tovarlarni xorijiy saytlarning o‘zidan sotib olish xaridorga foyda keltiradi.

Xaridlarni kuryerlik xizmatlari yordamida O‘zbekistonga yetkazib berish mumkin. Kompaniyalarning katta qismi AQSh, Turkiya va Xitoydan tovarlarni yetkazib berish bilan shug‘ullanadi, hozirda, Rossiya, Koreya, Malayziya va Yevropa mamlakatlaridan mahsulotlarni yetkazib berish xizmatlari ham rivojlanib bormoqda.

Bir chorakda O‘zbekistonga kuryerlik xizmatlari orqali shaxsiy foydalanish uchun kerak bo‘ladigan qiymati $1000lik tovarlarni bojsiz (xalqaro pochta jo‘natmalari orqali — qiymati $100 bo‘lgan mahsulotlarni) olib kirish mumkin.

Boxette

Foto: Boxette

Nimalarni yetkazib beradi: onlayn-do‘kondan xarid qilingan tovarlarni

Qayerdan: AQSh va Turkiya

1kg yukni yetkazib berish narxi: AQShdan $9, Turkiyadan $6,95

Qaytarib olish xizmati mavjudmi:ha

Boxette Uzbekistan — AQSh va Turkiyadan O‘zbekistonga tovarlarni yetkazib berish bo‘yicha xizmat ko‘rsatuvchi xalqaro logistika kompaniyasi hisoblanadi. Bozorda o‘n yildan beri faoliyatini amalga oshirib keladi. Kompaniya onlayn-do‘konlarda chegirmalar haqida xabar beradi, xizmatlari uchun bonuslar taqdim qiladi.

Yetkazib berish muddati 4−9 kun. Mobil telefonlarni yetkazib berish narxi — sof og‘irligi bo‘yicha dona uchun $7dan. Kompaniyada tovar yetkazib berish uchun maksimal og‘irlik mavjud emas, minimal tovar og‘irligi esa 300 grammni tashkil qiladi. Toshkentga yetkazib berish — $2, O‘zbekiston bo‘ylab — $5. Invoysni chiqarish va qayta qadoqlash xizmatlari bepul.

Nimalar uchun qo‘shimcha to‘lov amalga oshiriladi:

tovarni ro‘yxatdan o‘tkazish — $1,5;
tovarni ajratish — $2,9/joy;
kafillik berish — 2,99%dan boshlab;
tovarni AQSh bo‘ylab qaytarish — $5/joy;
tovarni tekshirish — $10;
to‘lov — 12%dan boshlandi.

Globbing Uzbekistan

Foto: Globbing Uzbekistan

Nimalarni yetkazib beradi: istalgan do‘kondan xarid qilingan tovarlarni

Qayerdan: AQSh va Xitoy

1kg yukni yetkazib berish narxi: $10

Qaytarib olish xizmati mavjudmi: ha

Globbing Uzbekistan — AQSh va Xitoyda o‘z omborlarga ega.

AQShdan xarid qilingan mahsulotlar besh, o‘n va Xitoydan yetti, o‘n ikki ish kunida yetkazib beriladi. Toshkentga yetkazib berish narxi $2, O‘zbekiston bo‘ylab $5ga tushadi. Kompaniya “mening o‘rnimga sotib oling” xizmatini taqdim etadi, narxi — mahsulot qiymatining 5%ini, minimal $5ni tashkil qiladi. Maxsus do‘konlardan bo‘lsa (ular kompaniyaning ombor manziliga yetkazib berilmaydi), kerakli mahsulot uchun qo‘shimcha 5% to‘lov olinadi.

Globbing qo‘shimcha quyidagi xizmatlarni taklif etadi:

jo‘natmalarni konsolidatsiya qilish — $20;
posilkaning tashqi fotosurati — $2, ichkaridan — $5;
qo‘shimcha qadoqlash — $5;
tovar omborxonada qolib ketgan taqdirda kuniga $3dan hisoblanadi.

Kompaniyaning turli nuqtalarda xizmat markazlari mavjud.

Xarid qilgan tovarlar haqidagi ma’lumotlarni Globbing veb-saytidagi shaxsiy sahifa orqali kuzatib borish mumkin.

Greenpost

Foto: robota.ua

Nimalarni yetkazib beradi: internet-magazin va bozordan xarid qilingan tovarlarni

Qayerdan: Xitoy

1kg yukni yetkazib berish narxi: $5,5dan boshlanadi

Qaytarib olish xizmati mavjudmi: ha

Kompaniya tovarlarini oddiy va “sezgir»ga ajratadi. Birinchi turga tarkibida suyuqlik mavjud bo‘lmagan tovarlar, “sezgir” turiga esa maxsus qadoqlash va tashish sharoitlarini talab qiladiganlari kiradi, chunki ular yonishi, oqishi va boshqa yuklarga ta’sir ko‘rsatishi mumkin. Bunday tovarlarni xarid qilayotganda Green Post shaxsiy sahifasida mahsulot “batareyalar, suyuqliklar yoki kukunlarni o‘z ichiga oladi”, degan katakchani belgilash kerak. Aks holda, tovar aeroportda noaniq muddatga ushlab turilishi, qaytarib berilmasligi yoki pulni qoplash imkoniyatisiz musodara qilinishi mumkin.

Bitta jo‘natma uchun posilkaning og‘irligi 30 kgdan, tovarlarning umumiy va tashish qiymati esa bir chorakda $1000dan, shuningdek, tovarlar soni bojsiz import stavkasidan oshmasligi kerak.

Yetkazib berish xizmati ikkita usulga ega: avia va avtomobil. Havo orqali yetkazib berish 1 kg uchun $9 −15ni tashkil qiladi, narx mahsulot turi va yetkazib berishning muddatiga qarab o‘zgaradi. Avtomobil orqali 1 kg uchun $5,5, yetkazib berish muddati 20−30 kun. Og‘irligi 1 kggacha bo‘lgan mahsulotlar uchun yetkazib berish narxi $6,5 dan $16gacha.
Qo‘shimcha xizmatlar:

konsolidatsiya — 1 kg uchun $0,2;
tovar tekshiruvi va fotohisobot — 1 dona tovar $1;
standart tekshiruv — 1 kg uchun $0,5;
tovarni qadoqlash — 1 kg uchun $0,4;
tovar uchun hujjatlarni rasmiylashtirish (shart) — 1 dona tovar $1.

Greenpost “sotib olishda yordam” xizmatini taklif etadi, narxi tovar umumiy miqdorining 10%iga teng. Kompaniyaning bonus dasturi ham mavjud — bir oy ichida yuborilgan posilkalarning og‘irligi qancha ko‘p bo‘lsa, tarif shuncha yuqori bo‘ladi. Misol uchun, agar 1−31-iyul kunlari yuborilgan posilkaning vazni 102 kg bo‘lsa, avgust oyida foydalanuvchiga Gold tarif rejasi taqdim etiladi.

Bonus dastur tariflari:

standart — oyiga 1 kg uchun $10;
shopper — oyiga 25 kg — 1 kg uchun $9,8;
gold — oyiga 75 kg — 1 kg uchun $9,5;
platinum — oyiga 150 kg — 1 kg uchun $9.

Jana Post

Foto: Jana Post

Nimalarni yetkazib beradi: internet-magazindan xarid qilingan tovarlar

Qayerdan: Xitoy va AQSh

1kg yukni yetkazib berish narxi: $5,5dan $9gacha

Qaytarib olish xizmati mavjudmi: yo‘q

Jana Post — bu Xitoy va AQShdan tovarlarni yetkazib berish bo‘yicha kuryerlik xizmatlarini ko‘rsatadigan Qozog‘iston kompaniyasi. 2024-yildan boshlab O‘zbekistonda ham faoliyat ko‘rsata boshlagan.

Standart kuryerlik va pochta xizmatlaridan tashqari, kompaniya Xitoy bozorlari bilan ishlash bo‘yicha treninglar ham o‘tkazadi.

Xitoydan yetkazib berish avtomobil transportida 1 kg uchun $5,5, aviada esa $9,2dan boshlanadi. Toshkent bo‘ylab yetkazib berish narxi $2, O‘zbekiston bo‘ylab esa $5ni tashkil etadi.

“Jana Post” O‘zbekistonda ko‘plab tarqatish punktlariga ega bo‘lib, ulardan beshtasi Toshkentda joylashgan.

Jumladan, kompaniya “Pinduoduo”, “Temu”, “1688” va “Taobao” kabi yirik onlayn platformalarining rasmiy hamkori hisoblanadi.

Meest Shopping

Foto: yandex.uz/maps

Nimalarni yetkazib beradi: internet-magazindan 30 kggacha xarid qilingan tovarlarni

Qayerdan: AQSh, Polsha, Germaniya, Ispaniya, Fransiya, Chexiya, Angliya, Italiya, Portugaliya, Turkiya, Gretsiya, Ukraina

1kg yukni yetkazib berish narxi: Polshadan €6,4, Angliyadan £4,8, Gretsiyadan €8, AQShdan $9,5, Turkiyadan €4,8, Ukrainadan €10, Ispaniya, Portugaliya, Germaniya, Fransiya, Italiya va Chexiyadan €5,2.

Qaytarib olish xizmati mavjudmi: yo‘q

“Meest Shopping” Yevropa, Turkiya va AQShning onlayn-do‘konlaridan O‘zbekistonga xaridlarni yetkazib berish bo‘yicha xizmatlarini taqdim etadi. Mijozlar ro‘yxatdan o‘tgandan so‘ng tovarga buyurtma berish uchun xorijiy omborlarning ID-raqami va manzillarini olishadi. Kompaniya xarid qilish, yetkazib berishda mijozga yordam beradi, shuningdek, mashhur do‘konlarning chegirmalari va sotuvlari haqida ma’lumot beradi.

Qo‘shimcha xizmatlar narxi:

tovar fotosurati — $1dan;
qo‘shimcha qadoqlash — $2dan;
konsolidatsiya — $1dan;
tovarni ajratish — $2dan;

Bojxonada tovarning saqlash muddati qabul qilingan kundan boshlab bir oyni tashkil etadi va qabul qiluvchining iltimosiga binoan ikki oygacha uzaytirilishi mumkin. Har bir posilkani vaqtincha saqlash kuniga 1 kg uchun 460 so‘m.

Yevropa Ittifoqiga a’zo bo‘lmagan mamlakatlardan kelgan va narxi €45dan yuqori bo‘lgan posilkalarga bojxona to‘lovi to‘lanadi. Kompaniya tomonidan taqdim etiladigan “Send in One Click” xizmati xaridni omborga kirgandan so‘ng darhol konsolidatsiya va qo‘shimcha xizmatlarsiz yuborish imkonini beradi.

Xizmatlar uchun to‘lov jo‘natma qiymati hisoblab chiqilgandan so‘ng shaxsiy sahifada amalga oshiriladi.

My Altex

Foto: myaltex.com

Nimalarni yetkazib beradi: internet-magazin va bozordan xarid qilingan tovarlarni

Qayerdan: AQSh

1kg yukni yetkazib berish narxi: $10

Qaytarib olish xizmati mavjudmi:ha

“My Altex” — bu kiyim-kechak, poyabzal, elektronika, kosmetika va boshqa turli toifadagi mahsulotlar bilan ishlaydigan tovarlarni yetkazib berish xizmati.

Yetkazib berish muddati 4−5 kun. Tovarlar O‘zbekistonga kelganidan so‘ng xaridorga yetkazib berish 2−3 kun ichida amalga oshiriladi. Toshkent va Samarqandga yetkazib berish bepul, boshqa hududlarga esa $10dan $30gacha.

Yuborilgan posilkaning minimal og‘irligi 100 g, maksimal — 30 kg.

“My Altex»da Telegram-bot orqali to‘lov xizmati ham mavjud.

Agar mahsulot sotib olingan do‘konning manzil yorlig‘i bo‘lsa tovarni do‘konga qaytarish bepul. Agar yorliq mavjud bo‘lmasa unda xizmat alohida haq talab qiladi. Tovarni qaytarish miqdori jo‘natmaning og‘irligi, hajmi va manziliga bog‘liq.

Konsolidatsiya, mahsulot fotosuratlari kabi boshqa qo‘shimcha xizmatlar bepul.

Shippo

Foto: Shippo

Nimalarni yetkazib beradi: internet-magazin va bozordan xarid qilingan tovarlarni

Qayerdan: Turkiya

1kg yukni yetkazib berish narxi: $7

Qaytarib olish xizmati mavjudmi:ha

“Shippo” Turkiyadagi omborga tovarlar kelgan kundan boshlab mahsulotni 5−9 kun ichida yetkazib beradi. Toshkentga kelgandan so‘ng, tovarlarni ofisdan olish yoki uyga yetkazib berish kabi xizmatlari mavjud. 3 kg gacha bo‘lgan tovarlarni uyga yetkazib berish bepul, 3 kgdan yuqori bo‘lgan tovarlarni yetkazib berish 20 ming so‘m.

“Shippo” bonus dasturiga ega bo‘lib, unda jamg‘arib borilgan ballar bilan kompaniya xizmatlarini to‘lash mumkin.

Shuningdek, veb-saytida Turkiyaning internet-do‘konlaridan mustaqil xaridlarni amalga oshirishni o‘rgatadigan bepul kurs mavjud. Shu bilan bir qatorda, “men uchun to‘lov” xizmati mavjud.

Turon Express

Foto: yandex.uz/maps

Nimalarni yetkazib beradi: eng kam og‘irligi 100 gramm bo‘lgan mashhur marketpleys va do‘konlar mahsulotlarini

Qayerdan: AQSh

1kg yukni yetkazib berish narxi: 3 kggacha — $10, 3 kgdan yuqori — $9

Qaytarib olish xizmati mavjudmi: ha

Turon Express — 2017-yildan beri AQShdan O‘zbekistonga posilkalarni yetkazib beradi. Kompaniya buyurtmani rasmiylashtirish uchun AQShdagi shaxsiy manzilni taqdim etadi, shuningdek, xaridorlar uchun sotib olishda yordam xizmatlarini taklif qiladi.

Kompaniyaning ofislari Toshkent va Nyu-Yorkda joylashgan. Tovarlar omborga kelganidan so‘ng yetkazib berish 3 −10 kun davom etadi. Og‘irligi 3kg dan kam bo‘lgan tovarlarni O‘zbekiston bo‘ylab yetkazib berish $3 turadi.

Kompaniyada konsolidatsiya bepul, xodimlar turli do‘konlardan xaridlarni bir nuqataga yig‘ib jo‘natadi. Kiruvchi posilkalar omborda 30 kun bepul saqlanadi, keyin kuniga $1dan hisoblanadi.

Kompaniya, “sotib olishda yordam” xizmatini taklif qiladi — operatorlar tovarlarni sotib olishadi va omborga yetkazib berib uni nazorat qilishadi. Bunday yordam mahsulot narxining 10%ini tashkil qiladi.

Pullik qo‘shimcha xizmatlar mavjud:

fotosuratlar va tovarlarni tekshirish — $5;
do‘konga tovarlarni qaytarish — $2;
invoys va fotosuratlar bo‘yicha tovarlarni tayyorlash — $2;
kiruvchi posilka va fotosuratni ajratish — $1;
qayta qadoqlash — $2;
noma’lum kiruvchi posilkani ro‘yxatdan o‘tkazish — $4.

“Turon Express” tovarlarning yo‘qolishi va shikastlanishidan to‘liq narxiga sug‘urta qiladi. Konsolidatsiya narxiga $100gacha bo‘lgan sug‘urta kiradi. Belgilangan qiymatning 10%ini tashkil etadigan to‘liq sug‘urtani olish uchun xizmatdan foydalanayotganda sahifada “posilka fotosurati”, undan so‘ng yuborish paytida “tovar sug‘urtasi” xizmatini belgilashingiz kerak bo‘ladi.

Tovarning yo‘qolishi yoki shikastlanish to‘g‘risidagi arizalar “Turon Express»ning qo‘llab-quvvatlash xizmati orqali qabul qilinadi. Ariza kiritish uchun tasdiqlovchi fotosurat yoki video materiallar kerak bo‘ladi. Agar arizaning tasdiqlansa, sug‘urta summasi foydalanuvchi hisobiga o‘tkazib beriladi va shikastlangan tovar kompaniya hisobiga o‘tkaziladi.

Yumecs

Foto: Yumecs

Nimalarni yetkazib beradi: 30kggacha bo‘lgan tovar, hujjatlarni

Qayerdan: AQSh, Rossiya, Turkiya, Xitoy, Koreya va Malayziya

1kg yukni yetkazib berish narxi: AQShdan $10 −12, Rossiyadan $6 − 25, Turkiyadan $5,5 − 7, Xitoydan $8,5, Koreyadan $11, Malayziyadan $10

Qaytarib olish xizmati mavjudmi: ha

Yumecs — O‘zbekistonga yetkazib berish xizmati bo‘lib, Rossiya, Turkiya, AQSh, Koreya, Malayziya va Xitoydan posilka va internet buyurtmalarini yetkazish bo‘yicha xizmatlarni taqdim etadi.

Kompaniya qoidalar bilan taqiqlanmagan deyarli barcha mahsulotlarni yetkazib beradi. Havo qatnovi uchun cheklovlar mavjud: posilka uzunligi 3 m.dan oshmasligi, uch tomonning o‘lchamlari 150 sm bo‘lishi kerak, posilkani bojsiz olib kirish og‘irligi 30 kggacha.

Qo‘shimcha xizmatlarga: dori-darmon $3, atir $9,99, ekspress rasmiylashtirish $10, $20ga akkumulyatorli va simsiz ishlaydigan tovarlarni yetkazib berish kiradi.

Shuningdek:

onlayn do‘kondan sotib olish — 3%dan 10%gacha. Xitoydan $100gacha bo‘lgan mahsulot uchun $5;
offlayn do‘konda xarid qilish — $50+buyurtma narxining 10%i;
tovardan tashqari posilka foto-hisoboti — $1;
tovarlarni tekshirish — $5;
posilkani 14 kundan ortiq saqlash — kuniga $1;
oddiy tovarlarni $1000gacha sug‘urtalash — tarif narxiga kiritilgan;
oddiy tovarlarni sug‘urtalash $1000dan qimmatroq — buyurtma qiymatining 5%;
nozik va buziladigan tovarlarni sug‘urtalash — $1000-$50, buyurtma qiymatining 5%dan ortig‘i;
3 donadan ortiq bir xil tovarlar — 1kg uchun $12dan tijorat tarifida hisoblanadi.

“Yumecs” uchta yetkazib berish usuliga ega — havo, avtomobil va dengiz. Yetkazib berish muddati 72 soatdan 14 kungacha, o‘rtacha 5−7 ish kuni.

Toshkent orqali yetkazib berish tovarlar omborga kelgan kunni hisobga olmaganda 1−3 kun ichida amalga oshiriladi. Agar posilkaning og‘irligi 30 kgdan oshsa, mijozlar tovarni kompaniya ofisidan mustaqil ravishda olishlari kerak.

30 kggacha bo‘lgan posilkalarni hududlar bo‘yicha yetkazib berish narxi 55 ming so‘mni tashkil etadi. Kuryer qabul qiluvchiga oldindan murojaat qiladi — agar bog‘lanishning iloji bo‘lmasa, yetkazib berish 1−2 kunga qoldiriladi.

1...878889...225 225 ta dan 88 chisi

Subsidiya nima beradi?

Ariza qanday jo‘natiladi?

Biz ijtimoiy tarmoqlarda