Shahzod “TASS Vision” startap kompaniyasining bosh direktori va asoschisi. Kompaniya neyron tarmoqlar orqali trafikni hisoblash xizmatlarini taqdim etadi.

Hozirda “Basconi”, “Black Bear Kofi”, “GoodZone” va “Technomart” brendlari “TASS Vision” mijozlari qatoriga kiradi. 2019-yil fevral holatiga ko‘ra kompaniya 200 000 dollarga baholangan.

“Biz Qozog‘istondagi “DAR Lab” kompaniyasidan sarmoya olgan startap tanlovida g‘olib bo‘lganimizni katta muvaffaqiyat deb bilamiz. Shundan keyin vatanimizda mashhur bo‘ldik. Ko‘p muvaffaqiyatsizliklarga duch keldik, ammo taslim bo‘lmadik”, — deydi Shahzod.

Vestminster universiteti bitiruvchisi Sen Li tovarlarni hisobga olish va sotish uchun “Wherebuy.uz” platformasini ishlab chiqqan. Ushbu g‘oya startap tanlovida 900 million so‘m grant yutib olgan. Hozir jamoa tizimni takomillashtirmoqda va unga kamida 500 ta do‘konni ulashni rejalashtirmoqda.

Ona shahri Angren bo‘lgan Sen Li Toshkentda o‘qigan. 2010-yilda Vestminster universiteti qoshidagi akademik litseyga o‘qishga kirgan, so‘ngra universitetni Biznes boshqaruvi mutaxassisligi bo‘yicha tamomlagan.

“O‘qishni bitirgach o‘zim uchun ishlashga qaror qildim. Otam ham, amakim ham tadbirkor bo‘lgani bois bolaligimdan ularning izidan borishga ahd qilgandim, ammo biznesimni ochish unchalik ham oson kechmadi. Avvaliga “Nestle Uzbekistan” kompaniyasining marketing bo‘limiga ishga kirishga qaror qildim, ammo kutilmalar va haqiqat boshqa-boshqa narsa: meni call-markaz operatori sifatida ishga olishdi. Biroq, ko‘p o‘tmay rahbariyat ishni optimallashtirish va xizmatni yaxshilashga qaratilgan loyihalarimdan birini qo‘llab-quvvatlamagani bois u yerdan ketdim.

O‘zbekistonni to‘liq qamrab olishga umr yetmasa kerak. Biz hatto 10 foizga ham da’vo qilmaymiz, bizga 300–500 do‘kon yetarli bo‘ladi. Bundan tashqari, MDH mamlakatlariga ham kirish imkoniyati mavjud”, — deydi tadbirkor.