Qoraqalpog‘istondagi tadbirkorlariga soliq imtiyozlari taqdim etilishi bo‘yicha qonun Oliy Majlis Senati senatorlari tomonidan ma’qullandi.
Hujjat bilan O‘zbekiston Soliq kodeksiga ayrim o‘zgartishlar kiritilishi belgilanmoqda.
Kiritilgan oʻzgartirishlarga 2028-yilgacha Qoraqalpogʻiston tadbirkorlari uchun daromad, aylanma, mulk va yer soligʻi 50%gacha kamaytiriladi.
Bundan tashqari, tadbirkorlik faoliyatini amalga oshirayotgan yuridik shaxslar uchun ijtimoiy soliq stavkasi 1% miqdorida belgilanmoqda.
Yakka tartibdagi tadbirkorlar tomonidan to‘lanadigan ijtimoiy soliq esa shaharlar hududida faoliyatni amalga oshirayotgan shaxslar uchun 12 baravarga, tumanlar darajasida 6 baravarga kamaytirilmoqda.
Shuningdek, senatorlar “Davlat boji to‘g‘risida»gi qonunga kiritilgan o‘zgartishlarni ham ma’qulladilar.
Unga koʻra, 2027-yil 1-oktabrgacha Qoraqalpog‘istonning nodavlat ta’lim tashkilotlari chet ellik o‘qituvchilarni jalb qilish uchun konsullik yig‘imlari va davlat bojini to‘lashdan ozod etiladi.
