Bosh sahifa Blog Sahifa 141

Biznes tarixi: qanday qilib Netflix DVD-disk ijarasi xizmatidan videostriming gigantiga aylandi

Tomonidan
YKJ ADMIN
-
0

Mazkur materialda kompaniyaning qanday paydo bo‘lgani, uni yuritishdagi qiyinchiliklari hamda bugungi kundagi omadli qadamlari haqida ma’lumotlar berilgan.

Har qanday biznes loyihaning, turli brendlarning o‘z tarixi bor. Bugungi kungacha bosib o‘tilgan yo‘l, loyihadagi keskin burilishlar hamda muvaffaqiyatli qadamlar ko‘pchilik uchun qiziq bo‘lishi tabiiy.

“Spot” biznes tarixi sahifasini davom etadi. Unda dunyoning eng mashhur brendlari qanday paydo bo‘lgani, shakllanish tarixi va qiyinchiliklar hamda bugungi kundagi daromadi haqida ma’lumotlar berib boramiz.

Bu safar Amerikaning filmlar va seriallar uchun videostriming xizmati bo‘lgan “Netflix” kompaniyasiga oid ma’lumotlarni taqdim etamiz.

“Netflix»ning “tug‘ilishi”

Mark Randolf Rid Xastings tomonidan asos solingan “Pure Software” kompaniyasida ishlagan. Xastings 1997-yilda “Pure Software” kompaniyasini “Rational Software Corporation” kompaniyasiga $700 mln.ga sotdi. Shunday qilib, Randolf va Xastings ishsiz qoldi.

Biroq Xastings juda boyib ketdi va bu pullarni qandaydir g‘oyaga sarmoya qilishni rejalashtirdi. Randolf ishsiz qolganidan keyin turli xil variantlarni ko‘rib chiqayotib, birdaniga internet orqali DVD-disklarida filmlarni ijaraga berish g‘oyasi paydo bo‘ldi.

Xastings bu g‘oyaga qo‘shildi, chunki u odamlar ijara do‘koniga borish uchun “yumshoqqina o‘rinlaridan” turishni xohlamaydilar, deb o‘yladi.

Endi investorlarni topish va ishni boshlash uchun ularga server, kredit kartalarini qabul qilish imkoniyati, tahliliy tizim, ofis va boshqa narsalar uchun sarmoya kerak edi.

Ular investor, “C-Cube Microsystems” egasi Aleksandr Balkanskiy oldiga borishdi. Bu kompaniya analog videoni raqamli formatga o‘tkazish uchun dasturlarni tayyorlardi.

Balkanskiy kelajagi yo‘q ish uchun sarmoya kiritmasligini aytib, ularning taklifini rad etadi. Boshqa investorlar ham bu taklifga sarmoya kiritishni xohlashmaydi. Natijada, Xastings g‘oyani o‘z cho‘ntagidan moliyalashtiradi.

Shunday qilib 1997-yilning 29-avgustida “Netflix” xizmatiga asos solinadi.

biznes tarixi, netflix

Foto: “Netflix” asoschilari Rid Xastings va Mark Randolf

“Netflix” nomi — internet ma’nosini anglatuvchi “NET” va filmlar degan ma’noni anglatuvchi “FLIX” so‘zni birlashtirish orqali yaratilgan.

Rendolf film prokatida umuman tajribaga ega bo‘lmagani uchun yangi narsalarni sinab ko‘rishga va bu sirli hududni chuqur o‘rganishga qaror qildi hamda kino sotuvchilari ko‘rgazmasiga (VSDA) bordi. U yerda Mitch Lou ismli kichik video ijarasi tarmog‘ining egasi bilan bog‘lanib qoladi.

“Netflix” filmlarning batafsil katalogi mavjud Allmovie.com sayti bilan hamkorlikni yo‘lga qo‘yadi.

Jamoaga “Netflix” omboridagi qutilarda saqlangan 925 ta filmning har biri uchun Allmovie.com ma’lumotlar bazasidagi tavsiflarga mos keladigan ma’lumotlarni disklarga ulash uchun bir necha hafta kerak bo‘ldi.

1998-yil 14-aprelda Netflix.com sayti ishga tushirildi. Shundan bir necha daqiqa o‘tgach, buyurtmalar soni orta boshladi. Ammo baxt uzoqqa cho‘zilmadi: bir yarim soatdan keyin serverlar to‘satdan tushib ketdi. Chunki ularda birgina eski kompyuter bor edi.

biznes tarixi, netflix

Foto: “Netflix.com” sayti, 1999-yil.

Bir soat ichida ular yana sakkizta kompyuter sotib olishdi, keyin sayt yana ishladi va buyurtmalar soni oshib boraverdi.

To‘rt oydan keyin 20 ming disk xaridorlarga yuborildi va qaytarildi. Oylik daromad esa $100 mingga yetdi.

Jeff Bezosning $15 mlnlik taklifi

Jeff Bezos rivojlanayotgan va tayyor biznesni sotib olishni maqsad qilgandi va u “Netflix»ni taxminan $15 mln.ga sotib olish taklifini bildirdi.

Randolf “kalitlar»ni kimgadir abadiy topshirishga tayyor emasdi, chunki “Netflix” ulkan salohiyatga ega edi.

Shu bilan, u Bezosga hamkorlikni taklif qildi, natijada, ular mijozlarni bir-biriga yo‘naltirishga rozi bo‘lishdi.

Moliyaviy muammolar va mijozlarning kamayishi

Hisobotlar shuni ko‘rsatdiki, foydaning 99%i faqat sotishdan tushgan va ijara esa hech qanday foyda keltirmayapti. Mijozlarni ushlab qolishga qanchalik urinmasin, hech narsa ish bermadi.

Randolfni oldida, mijozlarni ushlab turish bilan bog‘liq muammoni tezda hal qilish va disk savdosidan chiqib ketish turgandi. Chunki ularning bankdagi puli tugayotgandi.

U “Institutional Venture Partners” (IVP) venchur kapital firmasiga sarmoya kiritish haqida murojaat qilishdi.

Ammo “Netflix” hali qanday qilib pul ishlashni o‘rganmaganligi sababli, investor sarmoya kiritmadi. Natijada, 1998-yilda “Netflix” $11 mln zarar ko‘rdi.

Kompaniya pulsiz qolganida 1999-yil boshida fransuz magnati Bernard Arnodan $30 mlnga yaqin naqd pul oldi.
Xastings boshqa investorlardan $100 mln.ga yaqin sarmoya yig‘di. Bu esa unga kompaniyani qayta tiklashga imkon berdi.
Ammo, asosiy muammo yo‘qolmadi va hech kim DVD ijaraga olishni xohlamadi.

Obuna modeli qanday paydo bo‘lgan?

1999-yilning yoziga kelib, o‘n minglab foydalanilmagan va hech qachon ko‘rilmagan disklarni ko‘rib, Randolfning hayoliga xaridorlar uchun obuna xizmatini joriy qilish fikri keldi.

Xaridor atigi $20 evaziga, to‘rtta filmni olishi mumkin edi. Birinchi kuni reklamani ko‘rganlarning 90%i kredit karta ma’lumotlarini qoldirdi. Kun sayin obunachilar soni keskin oshib bordi.

Odamlar bir vaqtning o‘zida oddiy ijaraga qaraganda 5 baravar qimmat bo‘lgan onlayn obuna uchun pul sarflashdan xursand bo‘lishdi.

Bu turdagi xizmat bir zumda ommalashdi va “Netflix” savdo bo‘yicha yetkachiga aylandi.

“Netflix»ni sotish qarori

Biroq “Netflix” rejalashtirilgan IPOning kechiktirilishi va bozorning qulashi natijasida 2000-yilda $57 mln zarar ko‘rdi.

Shunday qilib, Xastings kompaniyani raqobatchi “Blockbuster»ga sotishga qaror qildi.

Bu 90-yillarda deyarli har kuni yangi do‘kon ochgan va barcha yagona oilaviy do‘konlarni yo‘q qilgan gigant kompaniya edi.

“Blokbaster” “Netflix»dan ming marta katta edi, milliardlab daromad qiladigan va butun dunyo bo‘ylab 9 mingta do‘konga ega edi.

Uning bosh direktori Jon Antioka bilan uchrashuvda Xastings ularga $50 mln.ga kompaniyaning 49% ulushini taklif qildi.

Biroq Jon Antioka zararga ishlayotgan kompaniyani sotib olishni xoxlamadi.

2001-yilga kelib “Netflix»ning 400 ming obunachisi bo‘lsa ham, ayni paytda yillik yo‘qotish 40 mln.ni tashkil etayotgandi.

Kompaniyani saqlab qolish uchun Xastings xodimlarni ishdan bo‘shata boshladi.

Birinchi IPO

2002-yilda Xastings IPO bilan yana birjaga chiqishga qaror qildi. “Netflix” fond bozori qulashi ortidan deflatsiyaga uchramagan kam sonli kompaniyalardan biri edi.

Natijada, ushbu IPO kompaniyaga bir zumda $82 mln olib keldi.

2003-yilda “Blockbuster” kompaniyasi o‘z veb-saytini yaratganlarida, “Netflix” aksiyalari narxi birdaniga $15ga tushib ketdi. Bir hafta ichida bozor qiymatining 60%ini yo‘qotdi.

Keyinchalik arzon narx bilan “Netflix” obunachilarini ovlashni boshladilar. “Blockbuster” obunachilari soni 750 mingdan oshdi va “Netflix” uchun to‘rt yilda erishgan natijaga “Blockbuster” atigi to‘rt oy ichida erishdi.

Raqobat maydoniga chiqqan “YouTube”

2006-yilda, to‘satdan “YouTube” yaratilib, videostriming sohasida bozorga chiqdi.

Kinoteatrlar va pullik televideniya tomonidan kontentni qattiq nazorat qilish davri nihoyasiga yetgani hammaga ayon bo‘ldi.

Netflix muvaffaqiyati va bitimlari

2008-yilda Xastings o‘z dasturiy ta’minotini barcha qurilmalarga — telefonlar, noutbuklar, barcha turdagi konsollar va pleyerlarga joylashtirish uchun kurashdi.

Natijada ular dasturni “LG Electronics” va “Roku” priyomnikiga joylashtirdilar va katta ekranlarda bevosita internetdan efirni boshladilar.

Ular, shuningdek, “Microsoft»ning “Xbox” konsoliga joylashtirdi. Keyingi uch yil ichida ular dasturni 200 dan ortiq turdagi har xil qurilmalarga biriktirdi.

“Netflix” ilovasini har qanday qurilmaga o‘rnatishni iloji bor edi. Obunachilar kuniga 10 mingga o‘sdi va 2009-yilda ularning soni 10 mln.dan oshdi.

Kino sanoati vakillari ketma-ket hamma narsani, filmlarni, mashhur shoularni va seriallarni ko‘rsatish uchun shartnomalar tuzishga kirishdilar.

Xastings hatto “Paramount Pictures”, “Lionsgate” va “Metro-Goldwyn-Mayer” kompaniyalaridan $800 mln.ga kontentni namoyish qilish huquqini oldi.

Ham omadli, ham omadsiz “qadam»lar

U to‘satdan 2011-yilda videostriming uchun “Netflix” va disklarni yetkazib berishni “Qwikster” alohida kompaniyalariga ajratdi.

Natijada bir necha chorak davomida “Netflix” 800 ming obunachini yo‘qotdi, aksiyalari 75%ga tushib ketdi. Aksiyalar narxi esa $305 dan $65 gacha tushib ketdi.

2018-yilda “Netflix” AQShda televizor va “YouTube»ni ham ortda qoldirdi.

Karantin tufayli 2020-yilda jekpot yutildi, shu yili rekord darajada 37 mln kishi obuna bo‘ldi va umumiy auditoriya 200 mlndan oshdi.

Kompaniyaning 2022-yildagi sof foydasi $4,49 mlrd.ni tashkil etgan. 2021-yildagi ma’lumotlarga ko‘ra, xodimlar soni 11 mingdan ortiqni tashkil etadi.

O‘zbekistonda talabalar uchun har oylik stipendiya to‘lanadigan o‘quv kurslari tashkil etiladi

Tomonidan
YKJ ADMIN
-
0

“ ‘Mirzo Ulug‘bek vorislari’ tayyorlov o‘quv kurslarini tashkil etish chora-tadbirlari to‘g‘risida”gi Vazirlar Mahkamasi qarori qabul qilindi.

Unga ko‘ra o‘quv kurslari quyidagi yo‘nalishlarda tashkil etiladi:

  • axborot texnologiyalaridan va kommunikatsiyalaridan foydalanish (boshlang‘ich);
  • matematik statistika;
  • algoritmlash asoslari;
  • maʼlumotlarni qayta ishlash;
  • dasturlash tillari (Phyton);
  • ingliz tili;
  • qaror qabul qilish asoslari.

O‘quv kurslari jamoa bo‘lib ishlash va boshqa yo‘nalishlar bo‘yicha ham tashkil etilishi mumkin. Birinchi o‘quv yilida kamida 60 nafar tinglovchi qabul qilinadi, keyingi yillarda tinglovchilar soni ehtiyojdan kelib chiqib, oshirib boriladi.

Taʼlim olish 34 hafta muddat davomida “Blending learning — aralash taʼlim texnologiyasi” asosidagi o‘quv dasturiga muvofiq tashkil etiladi.

Ushbu kurslarda o‘qish uchun tanlovning birinchi yilida respublika davlat OTMlarining bakalavriat bosqichida (barcha taʼlim shakli bo‘yicha) 2-kursni muvaffaqiyatli tamomlagan (akademik qarzdorligi bo‘lmagan) talabalari ishtirok etishlari mumkin.

Ushbu o‘quv kurslariga qabul qilingan respublika hududlaridagi talabalarining o‘qishini mos va turdosh yo‘nalishlarda Toshkent shahrida joylashgan davlat OTMlariga akademik mobillik asosida bir yil muddatga ko‘chiriladi.

O‘quv kurslariga qabul qilingan talabalar (tinglovchilar):

  • ushbu o‘quv kurslarida o‘qishi davomida BHMning to‘rt baravari (1 million 320 ming so‘m) miqdorida har oyda bir marotaba rag‘batlantirib boriladi;
  • Turar joy bilan taʼminlanadi yoki asosiy o‘qish joyi bo‘lgan hududlardagi davlat OTMlari tomonidan belgilangan tartibda ijara to‘lovlarining bir qismi qoplab beriladi;
  • O‘qishi davomida bir mahal issiq ovqat bilan taʼminlanadi;
  • taʼlim olish muddatiga zarur kompyuter jihozlari (noutbuk va boshqalar) taqdim etiladi;
  • IT-park rezidentlari bo‘lgan tashkilotlarda amaliyotlarda qatnashishi taʼminlanadi;
  • O‘quv kurslarini muvaffaqiyatli tamomlagan tinglovchilarga Isteʼdodli yoshlarni qo‘llab-quvvatlash “Ulug‘bek” jamg‘armasi va Toshkent shahridagi Inxa universiteti tomonidan tasdiqlanadigan tegishli yo‘nalishi bo‘yicha davlat namunasidagi sertifikat beriladi.

May boshlarida hukumat qarori bilan “Nodavlat oliy ta’lim tashkilotlarida tahsil olayotgan yetim va ota-onasining yoki boshqa qonuniy vakillarining qaramog‘idan mahrum bo‘lgan talabalarga oziq-ovqat, kiyim-kechak va sanitariya vositalarini xarid qilish xarajatlarini moliyalashtirish tartibi to‘g‘risida”gi nizom tasdiqlangandi.

Unga ko‘ra, oliygohlar har yili 15-sentabrga qadar joriy o‘quv yilida ijtimoiy ta’minot yordami uchun mablag‘ oluvchi talabalar soni hamda ularga to‘lanadigan ijtimoiy ta’minot yordami uchun mablag‘ miqdorini hisoblaydi va budjetdan zarur mablag‘lar ajratilishi yuzasidan Oliy ta’lim, fan va innovatsiyalar vazirligiga so‘rovnoma kiritadi.

O‘z biznesini yo‘lga qo‘yishga muvaffaq bo‘lgan tadbirkor Yuliya Zatulovskaya

Tomonidan
YKJ ADMIN
-
0

Toshkent davlat texnika universitetida avtomatlashtirilgan boshqaruv tizimlarini o‘rgangan Yuliya doimo kreativ ijodkor bo‘lgan. O‘qishni tamomlagandan so‘ng veb-saytlar ishlab chiqish va grafik dizaynga qiziqib qolgan. Bu sohani mustaqil o‘zlashtirib, frilanser sifatida 10 yil masofadan turib ishlagan.

2017-yilda Yuliya yiqqan pullarini shaxsiy biznesiga kiritgan va sherigi bilan birgalikda “Golden Minds” ijodiy agentligini ochgan. Bir yil o‘tgach, agentlikning yagona rahbariga aylangan, yana bir yil o‘tgach, kompaniyani ikki barobarga kattalashtirib, daromad ola boshlagan.

“TechWomen” dasturi bo‘yicha AQShdagi LinkedIn’da amaliyot o‘tash bilan bir vaqtda gerb yaratish bilan shug‘ullangan tadbirkor 2018-yil yozida Toshkentning eng yaxshi gerbi tanlovida g‘olib chiqqan.

“10 yillik masofaviy ishimdan so‘ng hayotimda maksimal o‘zgarishlarni amalga oshirishga, yangi bosqichga o‘tishga, “komfort” zonamdan chiqishga qaror qildim. Buning uchun esa ijodiy muvaffaqiyatlarga erishadigan professional jamoa yaratishim kerak edi va shunday ham qildim”, — deydi Yuliya.

O‘zini o‘zi band qilgan shaxs sifatida ro‘yxatdan qanday o‘tish mumkin? Qo‘llanma

Tomonidan
YKJ ADMIN
-
0

Xizmatdan foydalanish bepul bo‘lib, buning uchun hech qanday hujjat talab etilmaydi.

O‘zini o‘zi band qilish — bu biznes qilishning eng yangi usuli.

Bunda faqat ijtimoiy soliq to‘lash talab etiladi — yiliga 1 BHM miqdorida (300 ming so‘m).

Shuningdek, o‘zini o‘zi band qilgan fuqarolarning barcha daromadlari shaxsiy daromad solig‘iga tortilmaydi.
2022-yilning sentabrida 10 ta faoliyat turi o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritildi.

Joriy yil boshida esa ular shug‘ullanishi mumkin bo‘lgan faoliyat turlari ro‘yxati yana 19 taga to‘ldirildi.

Ayrim xizmat turlarini amalga oshirishda o‘zini o‘zi band qilgan shaxs sifatida ro‘yxatdan o‘tish so‘raladi.

Xizmatdan Yagona portal orqali bepul foydalanish mumkin hamda hech qanday hujjat talab qilinmaydi.

Qidiruv tizimiga “O‘zini o‘zi band qilgan shaxslarni ro‘yxatdan o‘tkazish” kalit so‘zini kiritish orqali kerakli sahifa shakllanadi.

Xizmatdan foydalanish orqali ma’lumotlarni qo‘shish, tahrirlash va o‘chirish mumkin. Birinchi bo‘limda ma’lumotlarni kiritish mumkin.

Shuningdek, o‘zini o‘zi band qilganlar shug‘ullanishi mumkin bo‘lgan faoliyat turlari keltirilgan.

U yerdan mos faoliyat turini tanlab, so‘ralgan ma’lumotlar kiritilgach, “qo‘shish” tugmasi bosiiladi.

Shu bilan foydalanuvchi o‘zini o‘zi band qilgan shaxs sifatida ro‘yxatga kiritiladi.

Xizmatdan havola orqali foydalanish mumkin.

Yuqori texnologiyali elektrotexnika korxonalari alohida ro‘yxatga kiritiladi

Tomonidan
YKJ ADMIN
-
0

Vazirlar Mahkamasining “Yuqori texnologiyali ishlab chiqarish jarayonini joriy etgan elektrotexnika sanoati korxonalarining ro‘yxatini shakllantirish va yuritish tartibi to‘g‘risidagi nizomni tasdiqlash haqida”gi qarori qabul qilindi.

Nizomga ko‘ra: ro‘yxatga kiritish haqida ariza “Ro‘yxat” axborot tizimi orqali yuboriladi; kelib tushgan arizalar “O‘zeltexsanoat” Assotsiatsiyasi va Investitsiya, sanoat va savdo vazirligi tomonidan birgalikda ko‘rib chiqiladi. O‘rnatilgan mezonlarga mos bo‘lgan (60 balldan yuqori ball to‘plagan) korxona tegishli ro‘yxatga kiritiladi.

Ma’lumot uchun: 2021 yil 1 apreldan boshlab mis xomashyosini birja savdolari orqali xarid qilishda yuqori texnologiyali ishlab chiqarish jarayonini joriy etgan tarmoq korxonalari tomonidan to‘lovning 25 foizi avans tarzida va qolgan 75 foizi mis xomashyosi olinganidan so‘ng 90 ish kuni ichida har oyda teng ulushlarda amalga oshirish tartibi joriy etilgan.

«O‘zeltexsanoat» uyushmasining kafolatiga asosan yuqori texnologiyali ishlab chiqarish jarayonini joriy etgan korxonalarga tovarlarni eksport qilishda nol darajali soliq stavkasi qo‘llanilishi natijasida hosil bo‘lgan QQSning salbiy farq summasi 3 kun ichida qoplab beriladi. Bunda, soliq summasi qoplab berilganidan so‘ng, kameral soliq tekshiruvi belgilangan tartibda amalga oshiriladi.

Agarda ro‘yxatga kiritilgan korxona faoliyati davomida mezonlar bo‘yicha baholanganda 60 balldan kam to‘plasa, ro‘yxatdan chiqariladi.

«Oxirgi besh yilda tadbirkorlar soni 285 mingdan 590 mingtaga koʻpaydi» — Shavkat Mirziyoyev

Tomonidan
YKJ ADMIN
-
0

Prezident raisligida kambagʻallikni qisqartirish va aholi bandligini taʼminlashda yangi bosqichga oʻtish masalalariga bagʻishlangan videoselektor yigʻilishi boʻlib oʻtdi.

Qayd etilishicha, oxirgi uch yilda kambagʻallikni qisqartirish boʻyicha alohida tizim joriy qilinib, moliyaviy instrumentlar, infratuzilma masalalari hal qilindi.

Joriy yil boshida tumanlar 5 ta toifaga ajratilib, har biriga sharoitiga qarab yengilliklar berildi.

Har yili oilaviy tadbirkorlikka 13 trillion soʻm kredit va 1,5 trillion soʻm subsidiyalar ajratilmoqda.

Natijada oʻtgan yili 1 million nafar, 2023-yilning birinchi choragida 210 ming aholi kambagʻallikdan chiqarildi.

“Uchta daftar” va Ijtimoiy himoya reyestri orqali 2 million 300 ming muhtoj oilalar, xotin-qizlar, yolgʻiz keksalar va nogironligi boʻlgan vatandoshlarimiz moddiy yordam bilan toʻliq qamrab olindi.

Har yili 100 mingta zamonaviy korxona ishga tushmoqda. Ularga 300-400 ming malakali mutaxassis kerak. Shuningdek, xususiy sektorda yiliga 200 mingta boʻsh ish oʻrni paydo boʻlmoqda.

Lekin kasb-hunar maktablari, kollej, texnikum va monomarkazlarda buncha malakali mutaxassisni tayyorlashga salohiyati hali yetarli emas.

Oxirgi besh yilda tadbirkorlar soni 285 mingdan 590 mingtaga koʻpaydi. Bu bitta tumanda 2,5 mingdan ortiq yoki bir mahallada 50 nafardan tadbirkorlar sinfi shakllandi degani.

Prezident joylarda tadbirkorlar bilan manfaatli hamkorlik qilinib, ular qoʻllab-quvvatlansa, tumanda, mahallada bandlik masalasini hal qilish uchun imkoniyatlar yanada koʻpayishini taʼkidladi.

Har yili kasb-hunarga oʻqitishga 200 milliard soʻm ajratilayotgani, ammo bu mablagʻlar tadbirkorlik subyektlarining mutaxassislarga ehtiyoji bilan bogʻlanmagani koʻrsatib oʻtildi.

Xuddi shunday, tadbirkor ham yiliga katta xarajat qilib, oʻzi uchun minglab mutaxassis tayyorlashga majbur. Lekin bunda davlat qoʻllab-quvvatlovi kerak.

Prezident aholi bandligini taʼminlash va malakali mutaxassislar tayyorlash samaradorligini oshirish maqsadida tadbirkorlikka yanada keng imkoniyatlar yaratish va moliyaviy ragʻbatlar taqdim etish zarurligini qayd etdi.

Shu maqsadda 1-iyundan boshlab “20 ming tadbirkor – 500 ming malakali mutaxassis” dasturi amalga oshiriladi.

Dasturga 2023-2024-yillarda jami 1 milliard dollar ajratiladi.

Bu mablagʻlar hisobidan:

– kambagʻal oilalar aʼzosini kasbga oʻqitib, ishli qilish boʻyicha loyiha ahamiyatiga qarab, amaldagidan past foizlarda va uzoqroq muddatga kredit beriladi;

– tadbirkorning “amaliy monomarkaz” tashkil qilish va jihozlash hamda kasbga oʻqitish xarajatlari toʻliq qoplab beriladi.

Dasturda ishtirok etadigan tadbirkorlarga soliqlardan alohida imtiyozlar beriladi. Jumladan:

– kamida 20 foiz kambagʻal oila aʼzosini bir yil davomida ish bilan taʼminlasa, mol-mulk va yer soliqlaridan ozod qilinadi;

– kambagʻal oila aʼzosi daromad soligʻidan ozod qilinadi;

– 5 million soʻmgacha ish haqi toʻlayotgan tadbirkorlarga ijtimoiy soliq stavkasi 2 baravarga kamaytiriladi.

Shuningdek, dasturda qatnashadigan tadbirkorlar soliq va bojxona maʼmurchiligida yengilliklar oladi. Xususan:

– ular faoliyatida soliq tekshiruvlari oʻtkazilmaydi;

– ularga qoʻshilgan qiymat soligʻi, shuningdek, ortiqcha toʻlangan soliqlar tekshiruvsiz qaytarib beriladi;

– qoʻshilgan qiymat soligʻi boʻyicha guvohnoma muddatidan ilgari bekor qilinmaydi;

– barcha soliqlardan qarzdorlikni bir yilgacha kechiktirib toʻlash imkoni beriladi;

– bojxona toʻlovlarini sugʻurta kafolatisiz olti oyga boʻlib-boʻlib toʻlashga ruxsat beriladi.

Shuningdek, dasturda ishtirok etayotgan tadbirkorlarga bojxona rasmiylashtiruvi paytida “yashil yoʻlak” tartibi qoʻllaniladi.

Dasturga kirgan tadbirkorlarga infratuzilma, yer va bino-inshootlar bilan taʼminlashda qoʻshimcha yengilliklar beriladi:

– yer, bino-inshootlarni auksion orqali xususiylashtirishda boʻlib toʻlash imkoniyati yaratiladi;

– qiymati 50 milliard soʻmdan yuqori loyihalar boʻyicha infratuzilma xarajatlari toʻliq qoplab beriladi.

Soliq va bojxona imtiyozlari toʻliq berilishini, arzon kreditlar oʻz vaqtida ajratilishini taʼminlamagan rahbarlarga javobgarlik choralari koʻrib boriladi.

Davlatimiz rahbari ushbu tizim bir martalik ish emas, davomli jarayon boʻlishi zarurligini qayd etdi.

Vazirlar Mahkamasi, Kambagʻallikni qisqartirish va bandlik, Iqtisodiyot va moliya vazirliklariga joylarga chiqib, tadbirkorlar koʻtargan muammo va takliflarni oʻrganish va ularga koʻmaklashish topshirildi.

Mutasaddilar oldiga yil yakuniga qadar ushbu yangi tizim asosida 550 ming aholini oʻqitib, kambagʻallikdan chiqarish choralarini koʻrish vazifasi qoʻyildi.

Yigʻilishda kambagʻallikni qisqartirish sohasida Xitoy tajribasini oʻrganish masalasiga toʻxtalib oʻtildi.

Maʼlumki, shu maqsadda Xitoydan tajribali ekspertlar mamlakatimizga olib kelindi, Oʻzbekiston delegatsiyalari Xitoyga borib keldi. Natijada 18 ta yoʻnalishda manzilli loyihalar tayyorlandi.

Xitoy tajribasi asosida har bir viloyatda kambagʻallikdan chiqarish boʻyicha alohida dastur amalga oshiriladi.

Bunda kambagʻallik yuqori boʻlgan tumanlarda yoʻl-transport, elektr, aloqa va turizm infratuzilmasini yaxshilash, kichik va oʻrta shaharlarni rivojlantirish, mahallalarni sanoatlashtirishga eʼtibor qaratiladi.

Mutasaddilarga xitoylik ekspertlar bilan birga tanlab olingan 14 ta tumanni kambagʻallikdan chiqarish uchun kompleks rivojlantirish dasturini ishlab chiqish topshirildi.

Xitoy markazlari bilan hamkorlikda hokim yordamchilarini oʻqitish, yaxshi natijaga erishgan kamida 200 nafar salohiyatli hokim yordamchilarini Xitoyga amaliyot oʻtashga yuborish vazifasi qoʻyildi.

Yigʻilish davomida soha va hududlar mutasaddilarining yangi tizim asosidagi ishlarni qanday tashkil etishi yuzasidan axboroti tinglandi.

1...140141142...220220 ta dan 141 chisi

Toshkent shahri, 100011, Qatortol ko‘chasi, 11-uy
info@yoshlarkelajagimiz.uz

© “Yoshlar – kelajagimiz” jamg‘armasi 2021.
Barcha huquqlar himoyalangan

Biz ijtimoiy tarmoqlarda

0A'zolarYoqtirish
0KuzatuvchilarKuzatish
3,954KuzatuvchilarKuzatish
9,590ObunachilarObuna bo‘lish