Matbuot xizmatiYangiliklarO‘zbekistonda talabalar uchun har oylik stipendiya to‘lanadigan o‘quv kurslari tashkil etiladi

O‘zbekistonda talabalar uchun har oylik stipendiya to‘lanadigan o‘quv kurslari tashkil etiladi

“ ‘Mirzo Ulug‘bek vorislari’ tayyorlov o‘quv kurslarini tashkil etish chora-tadbirlari to‘g‘risida”gi Vazirlar Mahkamasi qarori qabul qilindi.

Unga ko‘ra o‘quv kurslari quyidagi yo‘nalishlarda tashkil etiladi:

  • axborot texnologiyalaridan va kommunikatsiyalaridan foydalanish (boshlang‘ich);
  • matematik statistika;
  • algoritmlash asoslari;
  • maʼlumotlarni qayta ishlash;
  • dasturlash tillari (Phyton);
  • ingliz tili;
  • qaror qabul qilish asoslari.

O‘quv kurslari jamoa bo‘lib ishlash va boshqa yo‘nalishlar bo‘yicha ham tashkil etilishi mumkin. Birinchi o‘quv yilida kamida 60 nafar tinglovchi qabul qilinadi, keyingi yillarda tinglovchilar soni ehtiyojdan kelib chiqib, oshirib boriladi.

Taʼlim olish 34 hafta muddat davomida “Blending learning — aralash taʼlim texnologiyasi” asosidagi o‘quv dasturiga muvofiq tashkil etiladi.

Ushbu kurslarda o‘qish uchun tanlovning birinchi yilida respublika davlat OTMlarining bakalavriat bosqichida (barcha taʼlim shakli bo‘yicha) 2-kursni muvaffaqiyatli tamomlagan (akademik qarzdorligi bo‘lmagan) talabalari ishtirok etishlari mumkin.

Ushbu o‘quv kurslariga qabul qilingan respublika hududlaridagi talabalarining o‘qishini mos va turdosh yo‘nalishlarda Toshkent shahrida joylashgan davlat OTMlariga akademik mobillik asosida bir yil muddatga ko‘chiriladi.

O‘quv kurslariga qabul qilingan talabalar (tinglovchilar):

  • ushbu o‘quv kurslarida o‘qishi davomida BHMning to‘rt baravari (1 million 320 ming so‘m) miqdorida har oyda bir marotaba rag‘batlantirib boriladi;
  • Turar joy bilan taʼminlanadi yoki asosiy o‘qish joyi bo‘lgan hududlardagi davlat OTMlari tomonidan belgilangan tartibda ijara to‘lovlarining bir qismi qoplab beriladi;
  • O‘qishi davomida bir mahal issiq ovqat bilan taʼminlanadi;
  • taʼlim olish muddatiga zarur kompyuter jihozlari (noutbuk va boshqalar) taqdim etiladi;
  • IT-park rezidentlari bo‘lgan tashkilotlarda amaliyotlarda qatnashishi taʼminlanadi;
  • O‘quv kurslarini muvaffaqiyatli tamomlagan tinglovchilarga Isteʼdodli yoshlarni qo‘llab-quvvatlash “Ulug‘bek” jamg‘armasi va Toshkent shahridagi Inxa universiteti tomonidan tasdiqlanadigan tegishli yo‘nalishi bo‘yicha davlat namunasidagi sertifikat beriladi.

May boshlarida hukumat qarori bilan “Nodavlat oliy ta’lim tashkilotlarida tahsil olayotgan yetim va ota-onasining yoki boshqa qonuniy vakillarining qaramog‘idan mahrum bo‘lgan talabalarga oziq-ovqat, kiyim-kechak va sanitariya vositalarini xarid qilish xarajatlarini moliyalashtirish tartibi to‘g‘risida”gi nizom tasdiqlangandi.

Unga ko‘ra, oliygohlar har yili 15-sentabrga qadar joriy o‘quv yilida ijtimoiy ta’minot yordami uchun mablag‘ oluvchi talabalar soni hamda ularga to‘lanadigan ijtimoiy ta’minot yordami uchun mablag‘ miqdorini hisoblaydi va budjetdan zarur mablag‘lar ajratilishi yuzasidan Oliy ta’lim, fan va innovatsiyalar vazirligiga so‘rovnoma kiritadi.

Bo‘limlar

So'nggi yangiliklar

OTB O‘zbekistonga korxonalar va iqtisodiy o‘sishni rag‘batlantirish uchun 100 mln dollar ajratdi

6 dekabr kuni Osiyo taraqqiyot banki (OTB) O‘zbekistonda kichik va o‘rta korxonalarni qo‘llab-quvvatlash va iqtisodiy o‘sishni rag‘batlantirish uchun 100 million dollar miqdorida siyosat choralariga...

Tadbirkorlardan ortiqcha yig‘ib olingan ijtimoiy soliq summasi ularning hisobvaraqlariga qaytariladi

Yakka tartibdagi tadbirkorlardan noto‘g‘ri yig‘ib olingan ijtimoiy soliq summalari ularning hisobvaraqlariga qaytarilmoqda. Bu haqda Soliq qo‘mitasi ma’lum qildi.1 dekabr kuni Soliq qo‘mitasi ma’lumotlar bazasida yakka...

O‘zbekiston farovonlik reytingida 100-o‘rinni egalladi

Angliyaning Legatum Institute xalqaro tahliliy markazi mamlakatlarning farovonlik darajasi bo‘yicha navbatdagi reytingini e’lon qildi (Legatum Prosperity Index 2023). O‘zbekiston ushbu reytingda dunyoning 167 davlati orasida 100-o‘rinni egalladi. Bu...

Noyabrda oylik inflyatsiyaning o‘sish sur’ati biroz oshdi

Noyabr oyida iste’mol narxlari indeksi 1,13%ga o‘sdi. Ko‘rsatkich so‘nggi besh yildagi noyabr oyi uchun eng past darajani qayd etgan. Bu haqda Statistika agentligi hisobotida keltirilgan.Yil boshidan...

“Standard & Poor’s” kelgusi yillarda O‘zbekiston bank sohasida raqobat kuchayishini kutmayapdi

“Standard & Poor’s” reyting agentligi yaqin bir necha yil ichida O‘zbekiston bank sohasida raqobat kuchayishini kutmayapdi. Bu haqda kompaniya hisobotida keltirilgan.S&P hisob-kitoblariga ko‘ra, 2023−2026 yillarda o‘rtacha...

Shavkat Mirziyoyev SPЕKA sammitida qanday takliflarni bildirdi?

Shavkat Mirziyoyevning BMTning Markaziy Osiyo iqtisodiyoti uchun maxsus dasturi — SPЕKA sammitida ishtirok etib, nutq so‘zladi.Davlat rahbari dastur doirasida hamkor mamlakatlar bilan amalga oshirish bo‘yicha bir...