Obidjon Sattorov — “Сырный домик” oilaviy tadbirkorlik asoschisi. Mutaxxassisligi bo’yicha landshaft dizayneri, ammo bu sohada umuman ishlamagan.
Faoliyatini kichik biznesdan — atir- upa mahsulotlarini sotishdan boshlagan. 2001-yilda esa kompyuterlarni yig’ish va sotish bilan shug’ullanuvchi firmaga ishga kirgan. Pishloqchilik — yaqinlarning qo’llab-quvvatlashlari evaziga hobbidan biznesga aylangan.
Shunday qilib, Obidjon ishni tashlab, 2017-yilda Telegram’da chat va bot ochib, mozzarella, burrata, rikotta, feta kabi pishloqlarni pishirib, sota boshlagan.
Bugungi kunda sexda kuniga bir tonnadan ortiq sut qayta ishlanmoqda. Asosan, “pishloq uyi»ning sotuvi ulgurji savdoda jamlangan. Kompaniya brend do‘konlar tarmog‘ini yo‘lga qo‘yish va o‘z fermasini ochishni rejalashtirmoqda.
