Foydali manbalarBiznes haqidaMehnat bozori: o‘zbekistonliklar ish qidirishda nimalarga ahamiyat berishadi?

Mehnat bozori: o‘zbekistonliklar ish qidirishda nimalarga ahamiyat berishadi?

O‘zbekiston kadrlar defitsitiga duch kelmoqda. Bu haqda “Ancor” kadrlar kompaniyasining mehnat bozorlarini o‘rganish natijalari bo‘yicha hisobotida keltirilgan.

Mamlakat bozorida xalqaro kompaniyalar ish boshladi, bu esa mutaxassislarga bo‘lgan talabning keskin oshishiga olib keldi.

So‘rovnomada ishtirok etgan respondentlarning 17%i asosan o‘z biznesini yaratishni afzal ko‘rgan. Ularning deyarli uchdan bir qismi 100 kishigacha bo‘lgan firmalarda ishlashni xohlashsa, xalqaro kompaniyalarda ishlash unchalik ham ommabop emas — 9%.

48% o‘zbekistonliklar uchun ish beruvchini tanlashda asosiy omil maosh hisoblanadi. Shuningdek, ularni ish joyidagi muhit (43%), ishning qiziqarli xususiyati (42%), sifatli mahsulot va xizmatlar (42%), ofis joylashuvi (41%) ham qiziqtiradi.

Shu bilan birga, aloqa sohasidagi ish beruvchilar ko‘pincha boshqa omillarga e’tibor berishadi. bunda prioritet bo‘yicha kuchli rahbarlik, mahsulot sifati, kompaniya reputatsiyasi, zamonaviy texnologiyalar hamda moliyaviy barqarorlik muhim ahamiyatga ega.

O‘tgan yil davomida respondentlarning 85%i hozirgi ish joyida qolgan. 19%i ish haqining judayam pastligi sabab ishini o‘zgartirgan. Ikkinchi o‘rinni 16% bilan faoliyatdan qoniqish yo‘qligi egallaydi.

O‘zbekistonliklar orasida ish o‘rinlarini o‘zgartirishga asosiy sabablar qatorida ish grafigining mos kelmasligi, ortiqcha ish yuki (har biri 16%) hamda rahbariyatdan norozilik (14%) turibdi.

Bo‘sh ish o‘rinlarini qidirishda eng ommabop kanallar ijtimoiy tarmoq va messenjerlar (23%) bo‘lib qolmoqda, ixtisoslashgan portallar esa hamon ikkinchi o‘rinda — 22%. Shuningdek, top-5talikka tavsiyalar (19%), internet (15%) va rasmiy bandlik xizmatlari (13%) kiradi.

Ish beruvchining reputatsiyasini tekshirishda oila va do‘stlarning fikri bilan qiziqish usuli ikkinchi o‘rinda turadi (19%). Ular haqida internet orqali izlash esa 15% bilan to‘rtinchi o‘rinda joylashgan.

O‘zbekistonliklar ish beruvchilar haqidagi ma’lumotlarni asosan ijtimoiy tarmoqlar (21%) va karyera saytlaridan (15%) qidirishadi.

Bo‘limlar

So'nggi yangiliklar

O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi

Energetika sektorida emissiyalarni kamaytirish bo‘yicha hukumat siyosatini qo‘llab-quvvatlash dasturi doirasida erishgan natijalari evaziga O‘zbekiston Jahon bankidan to‘lov qabul qilgan dunyodagi birinchi davlat bo‘ldi. Bu Jahon...

Tadbirkorlar murojaatlarini qabul qiluvchi shtab faoliyatini boshladi

Biznes egalari o‘zlari duch kelayotgan muammolar va takliflarni 24/7 rejimida 1094 va 1100 qisqa raqami orqali yo‘llashi mumkin. Prezidentning tadbirkorlar bilan ochiq muloqotiga tayyorgarlik ko‘rish doirasida tadbirkorlarning...

2025-yil sentabrdan ayrim toifa o‘qituvchilarning oylik maoshi oshirilishi mumkin

Attestatsiyadan o‘tolmagan, tajribasi yetarli bo‘lmagan o‘qituvchilar uchun alohida dastur ishlab chiqilib, malakasi oshiriladi. Prezident Shavkat Mirziyoyev maktabgacha va maktab ta’limi sifatini oshirish, pedagoglar malakasini oshirish tizimini...

Markaziy bank 11ta bankka nisbatan jarima sanksiyasini qo‘lladi

Bundan tashqari, o‘rnatilgan limitlarga amal qilmaganligi uchun 3ta bank chora va sanksiyalar qo‘llanilishi to‘g‘risida ogohlantirildi. May oyida Markaziy bank 11ta bankka nisbatan jarima sanksiyasini qo‘lladi. Bu haqda...

O‘zbekistondagi 7ta OTM dunyodagi Top-1000talikka kirdi

Shuningdek, Toshkent davlat o‘zbek tili va adabiyoti universiteti gender tengligi bo‘yicha dunyoda 10-o‘rinni egalladi. O‘zbekistondagi 7ta oliy ta’lim muassasasi 2024-yil uchun “THE Impact Rankings” reytingida Top-1000talikka...

Uzbekistan Airways Qurbon hayiti munosabati bilan qo‘shimcha aviaqatnovlarni yo‘lga qo‘ymoqda

Parvozlar 15−18 iyun kunlari oralig‘ida Buxoro, Urganch, Farg‘ona, Termiz, Samarqand hamda Namangan shaharlariga amalga oshiriladi.   “Uzbekistan Airways” kompaniyasi qo‘shimcha aviaqatnovlarni yo‘lga qo‘ymoqda. Bu haqda aviakompaniya matbuot...