Ayrim tadbirkorlarga onlayn davlat xaridlarida ishtirok etishda vositachilik yig‘imiga chegirma berilib, qo‘shimcha zakalat kiritilmaydi.

3-dekabr kuni “Davlat xaridlarida ishlab chiqaruvchilarni qo‘llab-quvvatlash hamda ularga keng imkoniyatlar yaratish bo‘yicha qo‘shimcha chora-tadbirlar to‘g‘risida»gi prezident qarori qabul qilindi. Hujjat bilan 2025-yildan ochiq va shaffof Ishlab chiqaruvchilar ekotizimi joriy etiladi. Bu tadbirkorlarga o‘zlari ishlab chiqargan tovarlarni taklif etish imkonini beradi.

Ekotizim quyidagi yo‘nalishlarini nazarda tutadi:

• hududlar va tovarlar kesimida ishlab chiqaruvchilar to‘g‘risidagi sanoat xaritasini ishlab chiqish;
• davlat buyurtmachilari va ishlab chiqaruvchilar, ishlab chiqaruvchilar o‘rtasida o‘zaro kooperatsiya aloqalarini o‘rnatish va ofteyk shartnomalar tuzish;
• “B2B” va “B2C” formatida “marketpleys” shaklidagi erkin savdo maydonchasini tashkil etish.

Iqtisodiyot va moliya vazirligi mazkur ekotizimning to‘liq joriy etilishi va uning barqaror faoliyat yuritishini ta’minlash uchun mas’ul bo‘ladi.

Ularga xarid qilish tartib-taomillarida ishtirok etishda qo‘shimcha zakalat kiritilmaydi.

Avvalroq tadbirkorlar huquqlari va qonuniy manfaatlarini himoya qilish bo‘yicha prezident farmoni qabul qilingani haqida xabar berilgandi.

2025-yildan tadbirkorlar faoliyatida barcha tekshiruvlar “Yagona davlat nazorati” axborot tizimida ro‘yxatga olinib, Biznes-ombudsmanni xabardor etish orqali o‘tkaziladi.

Dilorom Yo‘ldosheva 40 nafar ayolga tikuvchilikni o‘rgatib, ishchi va maktab o‘quvchilari uchun kiyim-kechak tikishni yo‘lga qo‘ygan.

O‘zbekistonlik tikuvchi va tadbirkor Dilorom Yo‘ldosheva 2024-yilgi dunyoning ilhomlantiruvchi va nufuzli ayollarini o‘z ichiga olgan “BBC 100 Women” ro‘yxatiga kiritildi.

Ikki yil oldin Dilorom o‘rim-yig‘im vaqtida baxtsiz hodisa sabab ikkita oyog‘idan ayrilgan. Shunga qaramay, u o‘zining tikuvchilik biznesini ochib, tadbirkorlik va resurslarni boshqarish asoslarini o‘zlashtirib olgan

Qisqa vaqt ichida Yo‘ldosheva 40dan ortiq ayolga tikuvchilikni o‘rgatdi, ishchi va maktab o‘quvchilari uchun kiyim-kechak ishlab chiqarish bo‘yicha shartnomalar tuzdi. Bugungi kunda Dilorom tomonidan yo‘lga qo‘yilgan biznes uning o‘zi uchun ham, u yangi kasbni egallashga yordam bergan o‘nlab ayollar uchun ham daromad keltiradi.

Ro‘yxatga aktrisa Sheron Stoun, vizajist oliviya Makvey, reproduktiv huquqlar himoyachisi Amanda Zurovski, Britaniyaning konservativ partiyasi yetakchisi Kemi Badenok va boshqa ko‘plab soha vakillari ham kiritilgan. To‘liq ro‘yxat bilan havola orqali tanishish mumkin.

Yil boshidan beri aholi banklarga $13,2 mlrd miqdorida xorijiy valyuta sotgan, ulardan esa $7,72 mlrd miqdorida sotib olgan.

Oktabr oyida aholining chet el valyutasini sotish va xarid qilish o‘rtasidagi ijobiy tafovut $600 mlndan oshdi. Bu haqda Markaziy bankning jismoniy shaxslarning valyuta operatsiyalariga oid qisqacha sharhida keltirilgan.

Joriy yilning yanvar-oktabr oylarida banklar hamda jismoniy shaxslar o‘rtasidagi chet el valyutasi xaridi va sotuvi bo‘yicha operatsiyalar aylanmasi hajmi o‘tgan yilning mos davriga nisbatan 19%ga oshib, $20,91 mlrdga yetdi. Bu davrda aholi $13,2 mlrd (+32%) miqdorida xorijiy valyuta sotgan, $7,72 (+2) mlrd miqdorida sotib olgan. Natijada, o‘zbekistonliklar banklarga sotib olganidan $5,46 mlrdga ko‘p valyuta sotdi. Regulyatorning qayd etishicha, bu ichki valyuta bozorida qo‘shimcha taklif manbai bo‘lib xizmat qilmoqda.

Joriy yilning yanvar-sentabr oylarida asosiy kapitalga investitsiyalar 31%ga oshdi. Asosiy o‘sish markazlashmagan investitsiyalarga to‘g‘ri kelib, ularning jami hajmdagi ulushi 89%ni tashkil etdi. To‘g‘ridan to‘g‘ri xorijiy investitsiyalar hajmi 1,6 barobarga ko‘payib, $8 mlrdga yetdi.

Endi o‘zbekistonliklar Xitoyda 30 kun davomida vizasiz bo‘lishlari mumkin bo‘ladi. Bu haqda Tashqi ishlar vaziri Baxtiyor Saidov ma’lum qildi.

1-dekabr kuni O‘zbekiston va Xitoy rahbarlari o‘rtasidagi kelishuvlarni amalga oshirish doirasida ikki mamlakat tashqi ishlar vazirlari tomonidan bitim imzolandi. Hujjat har ikki mamlakat fuqarolariga har bir tomonga 30 kun davomida vizasiz sayohat qilish imkonini beradi.

“Bu hujjat aloqalarimizni yanada faollashtirish, savdo aylanmasini oshirish va xalqlar o‘rtasidagi munosabatlarni rivojlantirish yo‘lidagi yana bir muhim qadamdir”, — deya yozadi vazir.

2023-yilning may oyida Shavkat Mirziyoyevning Xitoyga tashrifi davomida Si Szinpin bilan ikki tomonlama muzokaralarda turli sohalar qatorida turizmda ham hamkorlikni faollashtirish zarurligi ta’kidlangandi.

Muzokaralar yakunida 2023−2024 yillarga mo‘ljallangan O‘zbekiston Tashqi ishlar vazirligi bilan Xitoy Tashqi ishlar vazirligi o‘rtasida hamkorlik dasturi imzolandi.