Bosh sahifa Blog Sahifa 40

O‘zbekistonda Burger King restoranlari bir yoki bir yarim oydan keyin ochiladi

Tomonidan
admin
-
0

O‘zbekistonda birinchi Burger King restoranlarini bir-bir yarim oydan so‘ng ochish rejalashtirilmoqda. Bu haqda International Beverages Tashkent ta’sischisi Shuhrat Ergashev O‘zbekiston 24 telekanaliga bergan intervyusida ma’lum qildi.

“Tez orada, oldin aytganimdek, Burger King kompaniyasini O‘zbekistonga olib kelamiz. Kompaniya O‘zbekistonga ishonch bildirdi. Kompaniyalar xorijiy bozorlarga chiqishdan avval, u yerlarda Burger King va McDonald’s borligini tekshiradilar. Bu biz O‘zbekistonga olib kelayotgan juda yirik global konglomeratdir. Bir oy yoki bir yarim oy ichida ular faoliyatini boshlaydilar. Yildan-yilga O‘zbekiston bo‘ylab restoranlar ochib boramiz”, — dedi tadbirkor.

Spot xabariga ko‘ra, Toshkentda uchta Burger King do‘koni ochilishi rejalashtirilgan: Tashkent City Mall, Seoul Mun va Beruniy (Alpomish muz saroyi yonida) metro bekati yaqinida.

Aprel oyida International Beverages Tashkent ta’sischisi Shuhrat Ergashev prezident huzuridagi yig‘ilishda O‘zbekistonda tez orada birinchi Burger King restoranlari ochilishini ma’lum qildi. Markaziy ofis Toshkentda joylashishi mumkin. Bundan tashqari, kompaniyalar litsenziyani butun Markaziy Osiyo uchun olishni taklif qildi.

Burger King O‘zbekistonda

2021-yilning iyul oyida Spot bir nechta manbalarga tayanib, Burger King O‘zbekiston bozoriga kirayotgani haqida xabar bergandi. Burger King Uzbekistan — franshiza. Franchayzer esa Moskva. Shuningdek, Burgerhouse allaqachon tashkil etilgan bo‘lib, o‘sha vaqtda xodimlarni ishga qabul qilish ham boshlangandi.

Restoranning ma’muriy-boshqaruv xodimlari (direktor va menejerlar) uchun treninglar Moskvada o‘tkazilishi kerak edi. Restoran direktori uchun ish o‘rinlari 2022-yilda Toshkentda ochilishi rejalashtirilgan edi. Lokatsiyalar bo‘yicha ma’lumotlar yopiqligicha qolgan.

Oktabr oyiga kelib, Burger King fudkortlari qayerda ochilishi ma’lum bo‘ldi. Unga ko‘ra, bu Bobur bog‘i, Ekobozor yonidagi Atlas majmuasi hamda Chilonzor 25-mavzeaida bo‘lishi kerak edi.

Avvalroq Koreyaning Mom’s Touch umumiy ovqatlanish tarmog‘i O‘zbekiston bozoriga kirayotgani haqida xabar berilgandi. Yil oxirigacha birinchi restoranni ochish rejalashtirilmoqda. Mamlakatda jami 60 tagacha shunday savdo nuqtasi faoliyat yuritadi.

International Beverages Tashkent O‘zbekistonda Pepsi, Mirinda, Mountain Dew, 7Up, Adrenaline Rush va Lipton ichimliklarini ishlab chiqarish bilan shug‘ullanadi.

Burger King — gamburgerlarga (asosan, vopperlarga) ixtisoslashgan dunyodagi ikkinchi yirik tez ovqatlanish restoranlari tarmog‘i. 1954-yilda tashkil etilgan. Kompaniya restoranlariga har kuni 11 mlndan ortiq odam tashrif buyuradi.

Tibbiyot va farmatsevtika xodimlari uchun qator imtiyozlar joriy etiladi — prezident qarori

Tomonidan
admin
-
0

Shavkat Mirziyoyev Tibbiyot va farmatsevtika xodimlarini qo‘llab-quvvatlash choralari to‘g‘risidagi qarorni imzoladi. Bu haqda prezident matbuot xizmati xabar berdi.

Unga ko‘ra, 2026-yildan boshlab davlat tibbiyot muassasalari xodimlari Tibbiyot xodimlari kuni munosabati bilan Tibbiyot muassasalarining moddiy rag‘batlantirish va rivojlantirish jamg‘armasi hisobidan har yili mehnatga haq to‘lashning eng kam miqdorida rag‘batlantiriladi.

Tibbiyot xodimlari kuni munosabati bilan har yili sog‘liqni saqlash tizimida faoliyat yuritayotgan eng ilg‘or muassasalar va mutaxassislar o‘rtasida tanlov o‘tkaziladi.

Tanlov quyidagi nominatsiyalar respublika miqyosida — “Eng yaxshi respublika shifoxonasi rahbari” va “Eng yaxshi hududiy sog‘liqni saqlash organi rahbari”, hududlar kesimida esa “Eng yaxshi tuman (shahar) sog‘liqni saqlash organi rahbari”, “Eng yaxshi oilaviy poliklinika rahbari”, “Eng yaxshi tuman (shahar) shifokori”, “Eng yaxshi tuman (shahar) o‘rta tibbiyot xodimi”, shuningdek “Eng yaxshi oilaviy poliklinika”, “Eng yaxshi tuman (shahar) shifoxonasi” va “Eng yaxshi hududiy shifoxona” nominatsiyalari bo‘yicha g‘oliblar aniqlanadi.

Tanlov natijalari asosida g‘oliblar Tibbiyotni rivojlantirish davlat maqsadli jamg‘armasi hisobidan bir martalik mukofotlar bilan rag‘batlantiriladi:

  • tibbiyot muassasalariga — 500 mln so‘m;
  • tibbiyot va rahbar xodimlarga — 30 mln so‘m miqdorida mukofot beriladi.

G‘oliblar Tibbiyot xodimlari kuni arafasida e’lon qilinadi. Shuningdek, ularni davlat mukofotlariga tavsiya etish, xorijdagi nufuzli ta’lim va ilmiy tashkilotlarda menejerlik hamda zamonaviy dasturlar asosida o‘qitish amaliyoti yo‘lga qo‘yiladi.

Shuningdek, 2026-yil 1-apreldan boshlab davlat tibbiyot muassasalarining ish vaqti rejimi besh kunlik ish haftasiga o‘tkaziladi.

Bunda tibbiyot muassasalari ish faoliyatining uzluksizligini ta’minlash uchun bayram va dam olish kunlari navbatchilik asosida ishlash yo‘lga qo‘yiladi.

2026-yildan boshlab davlat tibbiyot muassasalarida faoliyat yuritayotgan shifokorlar va farmatsevtika xodimlari uchun bir qator yangi imtiyoz va rag‘batlantirish mexanizmlari joriy etiladi.

Bunda, tuman (shahar) darajasida yangi davolash usullarini tatbiq etib, uning ijobiy natijasiga erishgan tibbiyot muassasalari shifokorlari bazaviy hisoblash miqdorining 50 baravari miqdorida bir martalik pul mukofoti bilan taqdirlanadi.

Davlat tibbiyot muassasalarida kamida 15 yil ish stajiga ega bo‘lgan tibbiyot va farmatsevtika xodimlarining farzandlariga oliy ta’lim muassasalarida bakalavriat bosqichi uchun yillik kontrakt to‘lovining 30%i (lekin bazaviy hisoblash miqdorining 15 baravaridan oshmagan holda) Jamg‘arma hisobidan qoplab beriladi.

Tibbiyot va farmatsevtika sohasidagi mutaxassislarning xalqaro ilmiy-texnik ma’lumotlar bazasida indekslanuvchi, yuqori impakt-faktorli jurnallarda maqola chop etish bilan bog‘liq barcha xarajatlari to‘liq qoplab beriladi.

Har yili davlat tibbiyot muassasalarida kamida 15 yil ishlagan 500 nafar tibbiyot va farmatsevtika xodimini uy-joy bilan ta’minlash maqsadida ipoteka asosida xarid qilinadigan uy-joyning dastlabki badal to‘lovining 25%i Jamg‘arma hisobidan qoplab beriladi.

Sog‘liqni saqlash vazirligi hamda Iqtisodiyot va moliya vazirligining milliy akkreditatsiyadan o‘tgan davlat tibbiyot muassasalari xodimlariga 2026-yildan boshlab lavozim maoshining 10%i miqdorida oylik ustama to‘lash to‘g‘risidagi taklifiga rozilik beriladi.

Kelasi yildan boshlab davlat tibbiyot muassasalarida faoliyat yuritayotgan tibbiyot va farmatsevtika xodimlari uchun qo‘shimcha ijtimoiy imtiyozlar taqdim etiladi.

Yangi tartibga ko‘ra, davlat tibbiyot muassasalarida kamida 3 yil ish stajiga ega bo‘lgan xodimlarga Davlat budjeti mablag‘lari hisobidan har yili bir marotaba bepul yuqori texnologik ixtisoslashtirilgan tibbiy yordam ko‘rsatiladi.

Davlat tibbiyot muassasalarida 15 yil va undan ortiq ish stajiga ega bo‘lgan xodimlarga Kasaba uyushmalari federatsiyasi hamda tibbiyot muassasalari mablag‘lari hisobidan har yili bir marotaba respublika hududidagi sanatoriylarga bepul yo‘llanma beriladi.

Tibbiyot va farmatsevtika xodimlari uchun barcha turdagi davlat xizmatlari to‘lovlari miqdori ikki barobar kamaytiriladi.

O‘zbekiston AQSh texnogigantlari bilan loyihalarni moliyalashtirishga DFC va AQSh Eksimbankini jalb qiladi

Tomonidan
YKJ ADMIN
-
0

Endi parvarishga muhtojlar uchun ijtimoiy xizmat vaucherlari onlayn beriladi

Tomonidan
YKJ ADMIN
-
0

Fuqarolar portaldan ijtimoiy-maishiy, tibbiy yoki kunduzgi parvarish xizmatlari uchun vaucherlarni olishlarii mumkin.

Yagona portalda o‘zgalar parvarishiga muhtoj shaxslar uchun ijtimoiy xizmatlarga vaucher berish imkoni yaratildi. Bu haqda Raqamli texnologiyalar vazirligi xabar berdi.

O‘zgalar parvarishiga muhtoj voyaga yetgan shaxslar “Faol hayotga qadam” dasturi doirasida belgilangan ijtimoiy xizmatlardan foydalanish uchun vaucherni portal (my.gov.uz) orqali olishlari mumkin.

Buning uchun talabgor yoki ishonchli shaxs portalda “Ijtimoiy himoya” bo‘limiga o‘tadi. Tegishli xizmatni tanlaydi va foydalanish tugmasini bosadi. So‘rovnomaga doimiy yashash hududi, tumani, mahallasi hamda yuqumli kasalliklarning mavjud emasligi to‘g‘risidagi ma‘lumotnomasini kiritadi. Shundan so‘ng to‘ldirilgan ma‘lumotlar tekshirib, “yuborish” tugmasini bosadi.

Talabgorga 8 ish kuni ichida ijtimoiy xizmat narxini to‘liq yoki qisman qoplab berishni nazarda tutuvchi vaucher shakllantiriladi. Bu haqida uning mobil telefon raqamiga SMS-xabar hamda portaldagi kabinetiga xabarnoma yuboriladi.

Vaucher asosida quyidagi 5 turdagi ijtimoiy xizmatlardan foydalanish mumkin:

  • uy sharoitida ijtimoiy-maishiy yordam ko‘rsatish xizmati;
  • uy sharoitida qarab turish xizmati;
  • tibbiy-ijtimoiy reabilitatsiya xizmati;
  • kunduzi qatnov asosida qarab turish xizmati;
  • shaxsiy yordamchi xizmati.

Talabgor vaucher berilganligi to‘g‘risidagi xabarni olgach 10 ish kuni ichida ijtimoiy xizmat ko‘rsatuvchini tanlaydi.

Joriy yilning may oyida O‘zbekistonda o‘zgalar parvarishiga muhtoj fuqarolar uchun kichik oilaviy uylar tashkil etilishi haqida xabar berilgandi. 1-iyundan fuqarolarga ayrim ijtimoiy xizmatlardan foydalanish xarajatlari vaucher asosida qoplab berish boshlandi.

«Ko‘zoynaklar» biznesidan boyigan Leonardo Del Vekkio

Tomonidan
admin
-
0

Ray-Ban brendi egasi bo‘lgan Leonardo Del Vekkio mashhur ko‘zoynaklar ishlab chiqaruvchi kompaniyaning asoschisidir.

U juda kambag‘al oilada tug‘ilgan. Onasi beva bo‘lgani uchun besh nafar farzandni boqishga qodir emas edi, shu sabab Leonardo bolaligini mehribonlik uyida o‘tkazdi.

14 yoshida oilasiga yordam berish uchun temir asboblar yasovchi ustaning shogirdi bo‘lib ishlay boshladi. Kunduzi ishlardi, kechqurun esa chizmachilik va loyihalashni o‘rganardi. Metall bilan ishlashdagi mahoratini ko‘zoynak romlari yasashga qo‘llashga qaror qildi.

1961-yilda u Italiyada ko‘zoynak ishlab chiqarish markazi hisoblangan Belluno hududiga ko‘chib o‘tadi. 23 yoshida o‘zining birinchi kichik ishlab chiqarish korxonasi va do‘konini ochadi. Shu tariqa Luxottica — Ray-Ban va Oakley kabi brendlarga ega bo‘lgan dunyodagi eng yirik ko‘zoynak va rom ishlab chiqaruvchi kompaniya — vujudga keladi.

2018-yil ma’lumotlariga ko‘ra, Luxottica kompaniyasining moliyaviy ko‘rsatkichlari quyidagicha bo‘lgan:

  • O‘z kapitali: 6,3 milliard yevro

  • Yillik aylanma (daromad): 8,929 milliard yevro

  • Operatsion foyda: 1,284 milliard yevro

  • Sof foyda: 0,9 milliard yevro

O‘zbekistonda 2026-yildan yangi ijtimoiy sug‘urta tizimi joriy etiladi

Tomonidan
YKJ ADMIN
-
0

2026-yildan fuqarolarga homiladorlik, tug‘ish va vaqtinchalik mehnatga layoqatsizlik nafaqalari proaktiv tarzda tayinlanadi.

3-noyabr kuni davlat ijtimoiy sug‘urtasi bo‘yicha to‘lovlarni tayinlash va to‘lash tizimini yaxshilash chora-tadbirlari to‘g‘risidagi prezident farmoni qabul qilindi.

Hujjat bilan 2026-yildan O‘zbekistonda davlat ijtimoiy sug‘urtasining yangi tizimi joriy etiladi. Uning doirasida fuqarolar davlat ijtimoiy sug‘urtasi bilan quyidagi shartlarda qamrab olinadi:

  • majburiy asoslarda — Davlat budjeti to‘g‘risidagi qonun bilan miqdori belgilanadigan jismoniy shaxslardan olinadigan daromad solig‘ining bir qismi hisobidan;
  • ixtiyoriy asoslarda — mehnatga haq to‘lash eng kam miqdorining 5%i miqdoridagi har oylik sug‘urta badalining eng kam miqdorini to‘lash evaziga.
  • Fuqarolarga davlat ijtimoiy sug‘urtasi bo‘yicha to‘lovlar ularning minimal sug‘urta staji va to‘lagan sug‘urta badaliga mutanosib ravishda Ijtimoiy himoya milliy agentligining Davlat ijtimoiy sug‘urta jamg‘armasi orqali to‘lanadi.

2026-yilning 1-yanvaridan homiladorlik va tug‘ish nafaqasi jamg‘arma orqali proaktiv shaklda tayinlanadi va to‘lanadi. 1-iyuldan vaqtinchalik mehnatga layoqatsizlik nafaqasi ham shu tartibda belgilanadi.

Shuningdek, fuqarolarning murojaatlari asosida 2030-yildan ishdan bo‘shatish nafaqasi ham Davlat ijtimoiy sug‘urta jamg‘armasi orqali tayinlanadi va to‘lanadi.

Shavkat Mirziyoyev kasaba uyushmalari faollari bilan o‘tkazilgan uchrashuvda davlat ijtimoiy sug‘urtasi to‘g‘risidagi qonun qabul qilinishini tezlashtirishga chaqirgandi.

29-oktabr kuni prezident ijtimoiy sug‘urta tizimini takomillashtirish yuzasidan takliflar taqdimoti bilan tanishdi. Rasmiy band bo‘lgan barcha shaxslarga nafaqalar bosqichma-bosqich Ijtimoiy himoya jamg‘armasi tomonidan to‘lanishi yo‘lga qo‘yiladi.

Undan keyin Senat davlat ijtimoiy sug‘urtasi to‘g‘risidagi qonunni maʼqulladi. Sentabr oyida ushbu qonun senatorlar tomonidan rad qilingandi. Hujjat Oliy Majlis palatalarida kelishuv komissiyasi tuzilgan holda qayta ishlandi.

1...394041...232232 ta dan 40 chisi

Toshkent shahri, 100011, Qatortol ko‘chasi, 11-uy
info@yoshlarkelajagimiz.uz

© “Yoshlar – kelajagimiz” jamg‘armasi 2021.
Barcha huquqlar himoyalangan

Biz ijtimoiy tarmoqlarda

0A'zolarYoqtirish
0KuzatuvchilarKuzatish
3,954KuzatuvchilarKuzatish
9,590ObunachilarObuna bo‘lish