Davlatimiz rahbari Shavkat Mirziyoyev tashabbusi yo‘lga qo‘yilgan “Vatandoshlar xalqaro biznes marafoni” Germaniya poytaxtida Berlin shahrida ham ko’tarinki kayfiyatda bo’lib o’tdi.
Dastlab spikerlar chiqish qilishdi. So’ng ishtirokchilar bilan to’g’ridan-to’g’ri muloqot qilindi. B2B uchrashuvlar ham tashkil etildi.
Marafon shunchaki uchrashuv emas, balki xorijdagi vatandoshlarimizning ulkan salohiyatini birlashtirishni maqsad qilgan chinakam amaliy maydonga aylandi.
Stiv Jobsning Apple kompaniyasi bosh direktori lavozimidan bo‘shashi tabd bo‘shashi tabdirkorlik tarixidagi buyuk boshqaruvlardan birining yakunlanishini bildiradi. O‘zidan bir necha milliardlab foyda keltirgan xayratlanarli biznes qoldirgan Jobsdan ko‘p narsa o‘rgansa bo‘ladi. Quyida u butun hayoti davomida amal qilgan bir nechta qoidalar keltirilgan:
1. Bir yo‘nalishda barqaror harakatlanish
1970 yillarda endi faoliyatini boshlagan paytdayoq, hali shaxsiy kompyuterlar sanoati endi shakllanayotgan bir paytda, Jobs allaqachon uning biznesi asosini qanday texnologik yechimlar tashkil qilishini bilar edi.
U o‘z intervyularining birida quyidagi fikrni ta’kidlagan edi:
«Apple – 30 milliardli korporasiya, lekin biz 30 tadan kam asosiy mahsulot ishlab chiqaramiz. Biolib kelgan kashfiyotlarni tanlash uchun biz yuzdan ortiq aan voz kechishimizga to‘g‘ri kelgan».
2. Brendingizning yuziga aylaning
Apple zamonaviy madaniyatning bir qismiga aylangan va xaridorlari tomonidan yuksak hurmatga sazovor bo‘lgan. Xuddi shu fikrni Stiv Jobs haqida ham aytish mumkin. U nafis ishlangan dizaynerlik estetikasi ifodalangan innovasion va avangard biznesning timsoli hisoblanadi.Haqiqiy tadbirkor o‘zi va kompaniyasi obrazi haqidagi fikrlarning turlicha bo‘lishiga yo‘l qo‘ymaydi.
3. Atrofingizda professional va talantli insonlar bo‘lishi lozim
Jobsni texnik geniy deb sanash mumkin, lekin uning iqtidorli sheriklari, masalan, virtuoz kompyuterchi Stiv Voznyak bo‘lmaganda, balkim biz u haqida umuman eshitmagan bo‘larmidik.
Jobsning biznesdagi qobiliyati har doim ham dizaynerlik sezgisiga mos kelmasada, lekin u atrofiga o‘zi qila olmagan ishni yaxshi bajara oladigan shaxslarni yig‘ish qobiliyatiga ega edi.
4. Bor narsalarni o‘zgartirish mumkin
Apple ko‘ngilochar va kommunikasiya vositalari yo‘nalishlarida dunyoqarashimizni umuman o‘zgartirgan innoavsion kompaniya sifatida tanilgan.
Aslida, bu biznes mavjud narsalarni modernizasiya qilishga asoslangan. Shu yo‘lda Apple korporasiyasi MR3 pleerni iPodga rivojlantirdi. Mobil telefonlar asnosida afsonaviy iPhone ni yaratdi.
Jobs ishini mavjud uskunalardagi kamchiliklarni tuzatishga yo‘naltirdi.
5. Doim xaridorlarni o‘ylang
Shunisi e’tiborga molikki, Jobs Apple ni boshqarayotgan davrda kompaniya biror marta konsultantlarga murojaat qilmadi va bozorni o‘rganish tadqiqotlarini olib bormadi. Ayni paytdagi va kelajakdagi iste’molchilar talabi bo‘yicha Jobs o‘z intuisiyasiga ishonadi. Uning fikricha, har doim iste’molchi sifatida mahsulotga nazar solish va o‘z xohishlarini idrok jtish lozim.
6. Muvaffaqiyatsizliklardan saboq oling
Stiv Jobs va Apple kompaniyasi o‘rtasidagi munosabatlar doim ham bir tekis va oson bo‘lmagan.
1985 yil Jobs hamda o‘sha vaqtdagi kompaniya bosh direktori Jon Skalli o‘rtasida kelishmovchilik yuzaga keldi va Skalli Apple ta’sischilaridan biri bo‘lgan Jobsni kompaniyadan ketishga majbur qildi. Lekin bu voqea mahoratli top menejerning ruhini sindirgani yo‘q, u tezda yangi ish boshladi: Pixar animasion studiyasini sotib oldi. 1996 yilga kelib, Apple Pixar ni sotib olgach, u yana korporasiya direktorlar kengashi raisi sifatida faoliyat yurita boshladi.
7. Global darajada fikr yuriting
Uning raxbarligi ostida Apple kompaniyasining barcha ishlari jamiyatdagi texnologik rivojlanishning umumiy yo‘nalishlarini aniqlash va iste’molchilar kutganidan yaxshiroq natijalar ko‘rsatishga yo‘naltirildi. Jobs hech qachon aql bovar qilmas ishlarni qilishdan hayiqmagan.
«Aminmanki, o‘jarlik va sobitqadamlik muvaffaqiyatli biznesmenni muvaffaqiyatsizidan farqlovchi eng asosiy xususiyatlardan biridir», deb hisoblaydi Jobs.
8. Maksimumni talab qiling
Ommaviy axborotdagi chiqishlar asosida Jobsni ko‘ngilchan odam sifatida tasavvur qilish mumkin. Lekin u bilan birgan ishlagan odamlarning ta’kidlashlaricha, u mukammallikni, olamshumul rejalarni juda yaxshi ko‘radi va atrofidagilardan ham aynan shuni talab qiladi.
«Mening ishim birovlarni ishini takrorlash emas, mening ishim – ularni yanada yaxshilashdir». S.Jobs.
9. O‘rinbosarni rejalashtirish
Tim Kuk, Jobsdan keyin Apple bosh direktori lavozimini egallagan xodim ancha muddatdan beri korporasiya direktorlar kengashiga kiritilgan va bosh direktor shrinbosari sifatida kundalik operasiyalarni boshqarardi. Bu vaqtda Jobsning o‘zi strategik loyihalarni amalga oshirish bilan band bo‘lardi.
O‘z xodimlari haqida Jobs shunday deydi:
«Mening vazifam shu darajada professional boshqaruv komandasini shakllantirishim lozimki, ularning har biri mening o‘rnimda faoliyat yurita olsin».
10. O‘z mualliflik stilingizni yarating
Stiv Jobs doim bir xil kiyinardi: yengi uzun kora sviter hamda och ko‘k rangdagi jinsi shim.
Siz ham o‘z tashqi ko‘rinishingizda shunday yo‘l tutsangiz bo‘ladimi? Misol uchun kapalak-galstuk taqish? Yoki doim bir xil shlyapada ko‘rinish?
Sohaga mas‘ul idoralarning takrorlanuvchi funksiyalarini maqbullashtirish va xalqaro standartlarga mos tizim yaratiladi.
Oziq-ovqat mahsulotlari xavfsizligi sohasida yagona davlat boshqaruvi joriy etiladi. Bu bo‘yicha prezident farmoni qabul qilindi.
Hujjat bilan sohaga masʼul idoralarning bir-birini takrorlovchi funksiyalarini maqbullashtirish orqali yagona davlat boshqaruvi tashkil etiladi.
Daladan dasturxongacha tamoyili asosida xavf tahliliga asoslangan nazorat tizimi joriy etiladi.
Amaldagi sanitariya qoidalari Alimentarius kodeksi standartlari, Butunjahon hayvonlar sog‘lig‘ini himoya qilish tashkiloti (WOAH), O‘simliklar karantini va himoyasi bo‘yicha xalqaro konvensiya (IPPC) talablariga muvofiqlashtiriladi.
Farmonga muvofiq, O‘simliklar karantini va himoyasi agentligi hamda Veterinariya va chorvachilikni rivojlantirish qo‘mitasi negizida Oziq-ovqat mahsulotlari xavfsizligi qo‘mitasi tashkil etiladi.
Shuningdek, Qishloq xo‘jaligi vazirligi huzurida Chorvachilik va yaylov xo‘jaligini rivojlantirish agentligi tashkil qilinadi.
Shuningdek, qo‘mita huzurida Oziq-ovqat mahsulotlari xavfsizligi instituti tashkil etiladi.
Mart oyida Savdo-sanoat palatasida bo‘lib o‘tgan Prezident huzuridagi Tadbirkorlikni qo‘llab-quvvatlash bo‘yicha jamoatchilik kengashi va ekspert guruhlarining navbatdagi yig‘ilishida oziq-ovqat mahsulotlari xavfsizligini nazorat qiluvchi yagona qo‘mita tashkil etilishi haqida so‘z borgandi.
13-may kuni prezident raisligida o‘tkazilgan yig‘ilishda uchta idora negizida barcha nazorat jarayonlarini birlashtiradigan Oziq-ovqat xavfsizligi qo‘mitasi tashkil etilishi taʼkidlangan edi.
Shu kuni Azizbek Urunov Oziq-ovqat mahsulotlari xavfsizligi qo‘mitasiga rais bo‘ldi.
Shuningdek, Mikrokreditbank raisi Orif Butayev qishloq xo‘jaligi vaziri o‘rinbosari — Chorvachilik va yaylov xo‘jaligini rivojlantirish agentligi direktori etib tayinlandi.
Ben Zilberman — raqamli texnologiyalar va ijtimoiy tarmoqlar olamida mutlaqo yangi yo‘nalish ochgan, millionlab insonlarga o‘z ijodkorligi va sevimli g‘oyalarini jamlash imkonini bergan «Pinterest» platformasining asoschisidir. Ayova shtatida shifokorlar oilasida tug‘ilgan Ben ota-onasi izidan borishni rejalashtirgan edi, biroq uning texnologiyalarga bo‘lgan qiziqishi kelajagini butunlay boshqa tomonga burib yubordi.
Yel universitetini tamomlagach, Zilberman ma’lum muddat «Google» kompaniyasida onlayn-reklama bo‘limida faoliyat yuritdi. Ushbu nufuzli kompaniyadagi ish unga katta tajriba bergan bo‘lsa-da, u doimo o‘zining shaxsiy mahsulotini yaratishni orzu qilardi. Ko‘p o‘tmay, u o‘z loyihasi ustida ishlash uchun Google’dan ketdi va do‘stlari bilan birgalikda dastlab bir nechta muvaffaqiyatsiz mobil ilovalarni sinab ko‘rdi. Biroq, Ben bolaligidagi sevimli xobbisi — turli buyumlar, hasharotlar va markalarni kolleksiya qilish odatidan ilhomlanib, odamlar o‘zlariga yoqqan vizual narsalarni onlayn tarzda to‘plashi mumkin bo‘lgan virtual «doska» yaratish g‘oyasiga keldi.
Shu tariqa, 2010-yilning mart oyida «Pinterest» platformasi ishga tushirildi. Loyihaning ilk davrlari nihoyatda og‘ir kechdi: dastlabki to‘rt oyda sayt bor-yo‘g‘i 3000 ga yaqin foydalanuvchini jalb qila oldi, xolos. Ko‘pchilik investorlar loyihaning kelajagiga ishonishmadi, ammo Ben taslim bo‘lmadi. Pinterest’ni rivojlantirishni moliyalashtirish uchun otasidan kredit oldi va o‘z jamg‘armalarini ham kiritdi. Ushbu dastlabki moliyaviy qo‘llab-quvvatlash Pinterest’ga 400 milliondan ortiq faol foydalanuvchiga ega platformaga aylanish imkonini berdi. Bir necha ming foydalanuvchining deyarli har biriga shaxsan o‘zi xat yozib, ularning fikr-mulohazalarini o‘rgandi. Foydalanuvchilarga qulaylik yaratish va platformadagi vizual estetikaga urg‘u berish siyosati tez orada o‘z mevasini berdi. «Pinterest» asosan ayollar, dizaynerlar, oshpazlar va qo‘l mehnati ixlosmandlari orasida virusli tarzda ommalashib ketdi.
Yillar o‘tib, Pinterest dunyodagi eng yirik platformalardan biriga aylandi va 2019-yilda muvaffaqiyatli tarzda fond birjasiga (IPO) chiqdi. Ben Zilberman uzoq yillar davomida kompaniyani bosh ijrochi direktor (CEO) sifatida boshqarib, uni bir necha milliard dollarlik global korporatsiyaga aylantirdi. Forbes ma’lumotlariga ko‘ra, uning shaxsiy boyligi milliardlab dollarni tashkil etadi. Bugungi kunda boshqaruvni yangi jamoaga topshirib, o‘zi ijrochi rais lavozimida qolgan Ben Zilberman — shovqinli reklama va skandallarsiz, faqat foydalanuvchilar ehtiyojiga e’tibor qaratib ham ulkan global imperiya qurish mumkinligini isbotlagan kamtarin va daho tadbirkordir.
«Ijtimoiy ong: Muvaffaqiyatli insonlar psixologiyasi» — Treysi Kamilleri, Samanta Rokey hamda Robin Danbar tomonidan yozilgan, muvaffaqiyatli insonlarning fikrlash tarzi, qaror qabul qilish jarayoni, ijtimoiy ong va o‘zini anglash bo‘yicha psixologik yondashuvni ochib beruvchi kitobdir.
Asar o‘quvchini o‘z fikrlarini boshqarish, hissiy aqlni rivojlantirish va ijtimoiy muhitda o‘zini to‘g‘ri tutish bo‘yicha qator amaliy maslahatlar bilan boyitadi. Kitob ilmiy yondashuvga ega bo‘lsa-da, sodda va tushunarli tarzda yozilgan.
1. Muvaffaqiyatli insonlarning ichki dunyosini tushunishga yordam beradi
Kitobda real hayotdagi muvaffaqiyatli shaxslarning misollari asosida ularning ruhiy holati, qaror qabul qilish strategiyasi yoritiladi.
2. Ijtimoiy ongni rivojlantirishni o‘rgatadi
Odamlar bilan qanday muloqot qilish, jamoada o‘zini qanday tutish va ijtimoiy holatlarni qanday anglash kerakligi haqida maslahatlar beradi.
3. Hissiy aql (EQ) va ongli fikrlashni rivojlantiradi
O‘zini anglash, his-tuyg‘ularni boshqarish va boshqalarni tushunish qobiliyatini kuchaytiradi.
4. Amaliy mashqlar va testlar bilan boyitilgan
Kitob o‘quvchini faol ishtirok etishga undaydi, o‘z ustida ishlashga imkon beradi.
«Ijtimoiy ong» — bu muvaffaqiyatga faqat bilim emas, balki to‘g‘ri fikrlash, hissiy ong va ijtimoiy ko‘nikmalar orqali erishilishini tushuntiruvchi foydali kitob. Har bir o‘quvchi o‘zini chuqurroq anglashga va jamiyatda muvaffaqiyatli bo‘lishga yo‘l ochadi.
Endilikda arizalar DXM yoki Yagona portal orqali yuboriladi. Xizmat uchun 4 120 so‘m miqdorida yig‘im undiriladi.
Yer uchastkasining ijara shartnomasini yangi muddatga uzaytirish tartibi belgilandi. Bu bo‘yicha tegishli reglament hukumat qarori bilan tasdiqlandi.
Hujjat yer uchastkasining ijara shartnomasini yangi muddatga uzaytirish bo‘yicha davlat xizmatlarini ko‘rsatish tartibini belgilaydi.
Ariza beruvchi ijara shartnomasi muddatini uzaytirish uchun Davlat xizmatlari markazlari yoki Yagona portal orqali murojaat qilishi mumkin.
Arizaga avval rasmiylashtirilgan yer uchastkasining ijara shartnomasi ilova qilinadi. Agar murojaatni boshqa shaxs topshirsa, yer uchastkasi ijarachisi nomidan berilgan ishonchnoma ham taqdim etilishi kerak.
Ijaraga beruvchi tegishli vakolatli organlarning maʼlumotlarini olganidan so‘ng 10 ish kuni ichida yer uchastkasidan muntazam ravishda foydalanilmayotgani to‘g‘risida maʼlumot mavjudligini tekshiradi.
Shuningdek, ariza kelishilgani yoki rad etilgani to‘g‘risidagi maʼlumotni o‘z ichiga olgan xabarnomani shakllantiradi va uni ariza beruvchiga yuboradi.
Davlat xizmatlarini ko‘rsatish uchun BHMning 1%i (4 120 so‘m) miqdorida yig‘im undiriladi.
Toshkent shahri, 100011, Qatortol ko‘chasi, 11-uy
info@yoshlarkelajagimiz.uz
© “Yoshlar – kelajagimiz” jamg‘armasi 2021.
Barcha huquqlar himoyalangan
