— Afsonaga qaraganda 1947-yilning 9-sentyabrida Harward universitetida, Greys Myurrey Xopper Mark II Aiken Relay Calculator qurilmasini tekshirayotgan vaqtida xatolikka duch keladi. Keyinchalik aniqlanishi boʻyicha qurilma sxemasida kapalak yopishib qolgan boʻladi. Greys sxemadan hasharotni olayotgan payti xonaga zobit kirib kelib, undan nima qilayotganini soʻraydi. U kompyuterni hasharotlardan tozalayotganini aytadi (ingliz tilida: debugging). Oʻsha paytdan beri dasturlashda xatolar — bug, xatolarni tuzatish esa debugging deb ataladi.

©IT Planeta

— Telegram yuklab olinishlar soni bir milliarddan oshib ketdi, bunga asosiy sabab esa 2021-yil 5-oktabr kuni Facebookning 6 soat davomida ishlamay qolishi boʻldi. Facebook va Whatsapp ishlamay qolishi oqibatida, bir kun ichida Telegramga 70 milliondan ortiq yangi foydalanuvchilar roʻyxatdan oʻtgan.

— “Men jamoamiz misli koʻrilmagan oʻsishni yaxshi boshqarganlari bilan faxrlanaman, chunki Telegram foydalanuvchilarimizning aksariyati uchun muammosiz ishlashda davom etdi”, dedi Durov, lekin u yangi foydalanuvchilar koʻpayganidan keyin xizmatda qiyinchiliklarga duch kelganini tan oldi. “Amerikadagi baʼzi foydalanuvchilar odatdagidan koʻra sekinroq tezlikni boshdan kechirishgan boʻlishi mumkin, chunki bu qitʼalarning millionlab foydalanuvchilari bir vaqtning oʻzida Telegramga yozilish uchun shoshilishdi”, deya qoʻshimcha qildi Durov.