Zamonaviy smartfonlardagi bir qator funksiyalar qurilmaning quvvatini tejashga yordam berishi mumkin. Mutaxassislar ushbu usullarni birin-ketin sanab oʻtdilar.

Buning uchun eng avvalo “WakeLocks” rejimini yoqib qoʻyish lozim. Mazkur funksiya quvvat sarfini sezilarli darajada kamaytirishga yordam beradi. Zamonaviy smartfonlarning deyarli hammasida mavjud boʻlgan “Aqlli rejim”dan ham aynan shu maqsadda foydalanish mumkin. U faollashtirilgan vaqtda qurilmadagi adaptik format yoqiladi. “Apple” kompaniyasi tomonidan ishlab chiqarilgan mahsulotlarda esa quvvat sarfini kamaytiruvchi rejim yoqib qoʻyilsa yetarli boʻladi. Bu qurilmaning yana bir necha soatga koʻproq ishlashini taʼminlab beradi.

Gadjet uchun toʻq rangli fon tanlash ham uning ishlash vaqti davomiyligini 40 foizga oshirib bera oladi. Ya’ni ko‘pchilikning smartfonidagi ekran foniga e’tibor bersak yorqin ranglardan foydalanadi, bu xato. Agar smartfon tizimdagi nosozlik tufayli oʻchib qolgan boʻlsa, akkumulyatorni kalibrlash kerak. Buning uchun smartfonda *#9900# kombinatsiyasi terilsa kifoya.

Smartfonlarda  hozirgi kunda juda mashhur bo‘lgan PUBG kabi katta quvvat talab qiladigan ilovalar paydo bo‘lgandan beri, foydalanuvchilar batareya quvvatini uzoqroq saqlab qolish imkoniyatini qidirishmoqda.

London universiteti qoshidagi kollej injener-kimyogari Pol Shiringning ma’lumot berishicha, bu muammoni bartaraf etishning oddiy usullari mavjud ekan. Marhamat, ular bilan tanishing!

1.Keraksiz ilovalarni yopish
Smartfonlar foydalanilayotgan bir necha ilovalarni ta’minlash maqsadida juda katta quvvat yo‘qotadi, bu haqda smartfon egasiga aksariyat operatsiya tizimlari ham qancha quvvat sarflayotgani haqida ma’lumot berishi mumkin. Quvvatni ortiqcha sarflamaslik uchun  ayni paytda foydalanayotgan ilovanigina ochiq qoldirib, qolganlarini yopib qo‘ying.

2. GPSni o‘chirish
Turgan joyni ko‘rsatuvchi, manzilni aniqlovchi xizmat ham juda katta quvvat talab qiladigan “ochko‘z” xizmatlardan biridir. Agar undan foydalanmayotgan bo‘lsangiz, o‘chirib qo‘yganingiz ma’qul.

3. Rush xabarlarini ham o‘chirib qo‘ying
Batareya quvvatini tejab-tergab ishlatishni istasangiz, ijtimoiy tarmoqlarga kelgan yangi xatlar haqidagi xabarlar xizmatini ham o‘chirib qo‘ying.

4. Dastur ta’minotini yangilash
Aksariyat telefonlarda quvvatni tejovchi turli dasturlar o‘rnatilgan. Ularning eng oxirgi versiyagacha yangilash kerak.

5. Bluetooth ni o‘chirish
Agar boshqa gadjetga simsiz ulanish zarurati bo‘lmasa, bu xizmatning sifatiga putur yetkazmaslik, telefonni  yana biror soat ortiqcha ishlatish uchun uni o‘chirib qo‘ying.

6. Ekran yorqinligini kamaytirish
Ekranni yorqinlashtiruvchi avtomatik sozlovchi qurilmani ishlating. Agar ko‘proq quvvatni iqtisod qilmoqchi bo‘lsangiz, xona ichi yorug‘ bo‘lsa, ekran yorqinligini qo‘lda kamaytiring.

7. Yaxshisi Wi-Fi dan foydalaning
Wi-Fi orqali ma’lumotlar bazasiga kirilganda, mobil tarmoq orqali kirgandan ko‘ra kamroq quvvat sarflanadi. Ijtimoiy tarmoqqa simsiz kirish asosiy sozlash menyusi orqali amalga oshiriladi.

8. Telefonning qizib ketmasligiga e’tibor berish
Smartfon – cho‘ntak kompyuteri vazifasini o‘tagani bilan statsionar kompyuter qarindoshlaridan tubdan farq qiladi, chunki uning sovitish tizimi mavjud emas. Smartfonning harorat diapazoni  0 dan 35 °S gacha bo‘lishi lozim.  Gadjet havo haroratida o‘zini yaxshi his qiladi, uni issiq havoda quvvatlantirish mumkin emas. Bu batareyaning ishdan chiqishiga olib keladi.

9. G‘ilofini yechish
Telefonni quvvatlantirayotganda akkumulyatori qizib ketmasligi uchun ustidan g‘ilofini olib qo‘yganingiz ma’qul. Aslida esa aksariyat telefonlar ustida g‘ilof tursa ham qizimasligi lozim.

10. Ortiqcha quvvatlantirish
Zamonaviy, litiy-ionli batareyalar uchun uni qancha quvvatlantirishning ahamiyati yo‘q.  Chunki telefon keragicha quvvatga ega bo‘lgandan  keyin quvvatlantiruvchi qurilma avtomatik tarzda o‘chadi. Smartfoningiz barcha xavfdan xoli bo‘ladi. Lekin, baribir smartfoningizni ertalabgacha quvvatlash kabeliga ulab qo‘ymang!

Tadbirkorlikni rivojlantirish agentligining Farg‘ona viloyati bo‘yicha vakolatli ofisi boshlig‘i bo‘lib ishlab kelgan Rahmonov Abrorjon Qahhorovich O‘zbekiston iqtisodiy taraqqiyot va kambag‘allikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Farg‘ona viloyat hududiy boshqarmasi boshlig‘i etib tayinlandi.

Mahallabay ishlash va tadbirkorlikni rivojlantirish agentligining Farg‘ona viloyat hududiy boshqarmasiga boshliq tayinlandi

Tadbirkorlikni rivojlantirish agentligining Farg‘ona viloyati bo‘yicha vakolatli ofisi boshlig‘i bo‘lib ishlab kelgan Rahmonov Abrorjon Qahhorovich O‘zbekiston iqtisodiy taraqqiyot va kambag‘allikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Farg‘ona viloyat hududiy boshqarmasi boshlig‘i etib tayinlandi.

U 1982-yilda Bag‘dod tumanida tug‘ilgan. Ma’lumoti oliy, 2007-yilda Farg‘ona politexnika institutini tamomlagan.

Mehnat faoliyatini Bag‘dod paxta tozalash zavodida boshlagan. 2008-2021 yillarda Ko‘chmas mulk va sarmoyalar agentligi Farg‘ona viloyati bo‘limi, Davlat mulkini ijaraga berish markazi Farg‘ona viloyati davlat unitar korxonasida mutaxassis, bosh mutaxassis, direktor o‘rinbosari, direktor, O‘zbekiston Respublikasi Davlat aktivlarini boshqarish agentligi huzuridagi Bo‘sh turgan ob’ektlardan samarali foydalanishni tashkil etish markazi Farg‘ona viloyati hududiy boshqarmasi boshlig‘i lavozimlarida faoliyat yuritgan. 2021 yilning aprel oyidan tayinlovga qadar Tadbirkorlikni rivojlantirish agentligining Farg‘ona viloyati bo‘yicha vakolatli ofisi boshlig‘i lavozimida ishlagan.

Davlatimiz rahbarining bevosita tashabbusi va amaliy ko‘magi bilan mamlakatimizda yoshlar bilan ishlash mutlaqo yangicha tizim asosida yo‘lga qo‘yildi.

Xususan, o‘tgan yili yoshlarni qo‘llab-quvvatlashga qaratilgan 47 ta normativ-huquqiy hujjatlar qabul qilindi. Ushbu hujjatlar asosida 44 ta imtiyoz va qulayliklar «Yoshlar portali»ga kiritilib, bir qator amaliy natijalarga erishildi.

Jumladan, yoshlarning bandligini ta’minlash bo‘yicha yil boshida Davlat xavfsizlik xizmati, mutasaddi vazirliklar va hokimliklar bilan hamkorlikda «mahallabay» shakllantirilgan «Yoshlar balansi» asosida 621 ming 709 nafar yoshlar «Yoshlar daftari»ga kiritildi.

Kasb-hunar o‘rgatish, imtiyozli kreditlar, yer maydonlari, subsidiyalar ajratish va ijtimoiy-moddiy qo‘llab-quvvatlash natijasida 595 ming 970 nafar yoshlar bandligi ta’minlandi va 25 ming 739 nafar imkoniyati cheklangan, tibbiy yordamga muhtoj yoshlar doimiy nazoratga olindi.

Tuman (shahar)larda moliyaviy manbalari aniq belgilangan «Yoshlar daftari» jamg‘armalari tashkil etilib, mahalliy byudjetning orttirilgan qismi 15 foiz va ijro hujjatlariga oid undiruvlar hisobidan 382,8 milliard so‘m mablag‘ shakllantirildi.

Jamg‘armalar hisobidan ishsiz yoshlarga asbob-uskuna, mehnat qurollari, urug‘lik va ko‘chat xarid qilish uchun subsidiyalar ajratish, noturarjoylar ijarasi va boshqa yo‘nalishlarda 137 ming nafar yoshlarga 290 milliard so‘m miqdorda amaliy yordam ko‘rsatildi.

Ilk marotaba 424 ming nafar yoshlarga 127 ming gektar ekin maydonlari ajratilib, 681 mingga yaqin ish o‘rinlari yaratildi.

«El-yurt umidi» jamg‘armasi orqali 371 nafar yoshlarning xorijiy davlatlarning nufuzli oliy ta’lim muassasalariga tahsil olish va stajirovka o‘tashlari uchun 140 milliard so‘m miqdorida mablag‘ ajratildi.

«Talabaga madad» loyihasidan to‘lov-kontrakt mablag‘ini to‘lab berishda amaliy yordam so‘rab murojaat qilgan talaba yoshlar soni 20 760 nafarni tashkil etadi. Shundan, 3 017 nafariga to‘lov-kontrakt mablag‘lari to‘lab berildi. Bundan tashqari, «Yoshlar daftari» tizimi orqali 8 259 nafar yoshlarga 30 mlrd. so‘mdan ortiq mablag‘ to‘lab berildi.

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida «2021 yil davomida yoshlar siyosati yo‘nalishida amalga oshirilgan ishlar» mavzuida matbuot anjumani tashkil etildi. Yoshlar ishlari agentligi tomonidan o‘tkazilgan anjumanda yuqorida qayd etilgan yoshlarga oid amaliy ishlar yuzasidan agentlik axborot xizmati rahbari Nodirjon Abduqodirov alohida urg‘u berdi.

Xalq ta’limi vazirligining Amerika Qo‘shma Shtatlari Xalqaro Taraqqiyot Agentligi (USAID) bilan hamkorlikda amalga oshirayotgan “O‘zbekiston Barkamollik uchun Ta’lim dasturi” loyihasi doirasida Kembrij nashriyoti tomonidan ishlab chiqilgan 1-11 sinflar uchun ingliz tili hamda 5-11 sinflar uchun informatika va axborot texnologiyalari fan darsliklari mamlakatimizga keltirildi.

 Abdulla Avloniy nomidagi ilmiy tadqiqot instituti bergan ma’lumotlarga ko‘ra, ushbu darsliklar o‘zbek tiliga tarjima qilindi. Endilikda 6,5 milliondan ortiq o‘quvchi yuqori sifatli darsliklardan, o‘n minglab o‘qituvchilar esa yuqori sifatli qo‘llanmalardan foydalanish imkoniyatiga ega. Xo‘sh, xorijdan keltirilgan darsliklardan to‘g‘ri foydalanish bo‘yicha o‘qituvchilar yetarli malakaga egami?

 Bu masalada A.Avloniy nomidagi ilmiy-tadqiqot instituti AQSHning Research Triangle Institute (RTI International) xalqaro tadqiqot instituti bilan hamkorlikda malaka oshirish kurslarini tashkil etishni rejalashtirgan.

Xalq ta’limi vazirligining Amerika Qo‘shma Shtatlari Xalqaro Taraqqiyot Agentligi (USAID) bilan hamkorlikda amalga oshirayotgan “O‘zbekiston Barkamollik uchun Ta’lim dasturi” loyihasi doirasida Kembrij nashriyoti tomonidan ishlab chiqilgan 1-11 sinflar uchun ingliz tili hamda 5-11 sinflar uchun informatika va axborot texnologiyalari fan darsliklari mamlakatimizga keltirildi.

 Abdulla Avloniy nomidagi ilmiy tadqiqot instituti bergan ma’lumotlarga ko‘ra, ushbu darsliklar o‘zbek tiliga tarjima qilindi. Endilikda 6,5 milliondan ortiq o‘quvchi yuqori sifatli darsliklardan, o‘n minglab o‘qituvchilar esa yuqori sifatli qo‘llanmalardan foydalanish imkoniyatiga ega. Xo‘sh, xorijdan keltirilgan darsliklardan to‘g‘ri foydalanish bo‘yicha o‘qituvchilar yetarli malakaga egami?

 Bu masalada A.Avloniy nomidagi ilmiy-tadqiqot instituti AQSHning Research Triangle Institute (RTI International) xalqaro tadqiqot instituti bilan hamkorlikda malaka oshirish kurslarini tashkil etishni rejalashtirgan.

Uchrashuv yakunida, joriy yilning sentyabr oyidan boshlab, maktablarda qo‘llanilishi kutilayotgan yangi darsliklar bo‘yicha malaka oshirish kurslariga tizimdagi barcha ingliz tili, informatika va axborot texnologiyalari fanlari o‘qituvchilarini jalb etish belgilandi. Tizimdagi islohotlar davom etmoqda.  

“App Annie” kompaniyasi zamonaviy odamlarning kundalik odatlarini chuqur tadqiq etib, smartfon egalari orasida kunning maʼlum qismini gadjetlar bilan oʻtkazish vaqti oʻtgan yili keskin uzayganini qayd etdi.

Maʼlum boʻlishicha, odamlar bir kunda oʻrtacha 4,8 soat vaqtni gadjetlar uchun sarf etmoqdalar. Ular boʻsh vaqtlarining uchdan bir qismini smartfonda vaqt oʻtkazish uchun sarflashga odatlanib qolishgan. Mobil ilovalarni yuklab olish koʻrsatkichlari esa oʻtgan yilgiga nisbatan 5 foizga oshgan.

Ekspertlarning aytishlaricha, joriy yilda internet foydalanuvchilari orasida reklama xarajatlari koʻrsatkichi ham keskin oshishi kutilmoqda.

Maʼlumot uchun, “App Annie” kompaniyasi mobil texnologiyalar bozorini oʻrganish bilan shugʻullanadi. Tadqiqot oʻnta yirik bozordagi Android-smartfonlari sohiblari orasida oʻtkazilgan.

Davlatimiz rahbari O‘zbekiston Respublikasi Qurolli Kuchlari tashkil etilganining 30 yilligi va Vatan himoyachilari kuni munosabati bilan bayram tabrigini yo‘lladi.

Hurmatli askar va serjantlar, ofitser va generallar!

Qurolli Kuchlarimiz xizmatchilari va faxriylari!

Qadrli vatandoshlar!

Avvalo, o‘z hayotini ona yurtimizni himoya qilishdek ulug‘ va olijanob ishga bag‘ishlagan siz, azizlarni, sizlarning timsolingizda ko‘pmillatli butun xalqimizni O‘zbekiston Respublikasi Qurolli Kuchlari tashkil etilganining 30 yilligi va Vatan himoyachilari kuni bilan chin qalbimdan samimiy muborakbod etaman.

Mana shu qutlug‘ ayyomda jonajon Vatanimizga sadoqat, azmu shijoat kabi el-yurtimizga xos yuksak fazilatlarning qadr-qimmati va ahamiyatini, ular hayotimizda tobora mustahkam o‘rin egallab borayotganini yanada teran anglaymiz va o‘zining jangovar faoliyati bilan buni amalda isbotlab kelayotgan sizdek g‘oyat olijanob kasb egalarini sharaflaymiz.

Shu bilan birga, jangovar burchini ado etishda mardlarcha halok bo‘lgan fidoyi harbiy xizmatchilarimizning nurli va so‘nmas xotirasiga chuqur hurmat bajo keltiramiz.

Aziz do‘stlar!

Istiqlol davrida O‘zbekiston armiyasi juda murakkab va sharafli yo‘lni bosib o‘tdi. Yosh davlatimizning o‘ta og‘ir shakllanish yillarida aynan Qurolli Kuchlarimiz mamlakatimiz mustaqilligi, xalqimizning tinch hayoti va farovonligini ta’minlash, demokratik islohotlarni muvaffaqiyatli amalga oshirishning ishonchli kafolati bo‘lib xizmat qilganini barchamiz yaxshi bilamiz va yuksak qadrlaymiz.

Keyingi yillarda amalga oshirgan tub islohotlarimiz tufayli tarixan qisqa davrda O‘zbekiston Respublikasi suvereniteti va hududiy yaxlitligini, sarhadlarimiz daxlsizligini ishonchli himoya qilishga qodir bo‘lgan, tezkor va ixcham milliy armiyani tashkil etishga erishmoqdamiz.

Ana shunday buyuk tarixiy jarayonda xalqimizning harbiy sohadagi boy merosiga tayanib, Jaloliddin Manguberdi, Sohibqiron Amir Temur, Zahiriddin Muhammad Bobur kabi buyuk sarkarda bobolarimizning jangovar an’analarini munosib davom ettirib kelayotgan, jismoniy va ma’naviy yetuk, zamonaviy bilim, qurol-yarog‘ va texnikalarni puxta egallagan, davlat va xalq manfaatlari uchun har qanday sinov va mashaqqatlarni yengib o‘tishga tayyor bo‘lgan harbiylarimiz doimo faol ishtirok etib kelayotganlari har qanday yuksak e’tirofga munosibdir.

Shu ma’noda, muqaddas qasamyodiga hamisha sodiq, el-yurt himoyasi yo‘lida metin qalqon bo‘lgan mard va jasur harbiylarimiz O‘zbekistonning chinakam vatanparvar bahodirlari, desak, ayni haqiqatni aytgan bo‘lamiz.

Xalqimiz o‘zining sizlar kabi botir va dovyurak farzandlari – Vatanimizning haqiqiy posbonlari bilan haqli ravishda faxrlanadi.

Muhtaram yurtdoshlar!

Keyingi yillarda “Xalq va armiya – bir tanu bir jondir” degan ezgu tamoyil asosida ulkan ishlar amalga oshirilmoqda. Bugungi kunda fuqarolarimiz armiyaning har tomonlama yordami va ko‘magini hayotning barcha sohalarida amalda his etmoqdalar. Ayniqsa, murakkab sinov davri bo‘lgan pandemiya paytida va favqulodda holatlar oqibatlarini bartaraf etishda, biz uchun hech narsa bilan o‘lchab, qiyoslab bo‘lmaydigan bebaho boylik – tinchlik va osoyishtalikni asrash va himoya qilishda bu yakdillik yanada yaqqol namoyon bo‘lmoqda.

Hozirgi vaqtda butun jamiyatimizda, jumladan, Qurolli Kuchlarimiz tizimida amalga oshirilayotgan tub islohotlarda “Inson qadri uchun” degan muhim tamoyil markaziy o‘ringa qo‘yilayotgani sizlarga yaxshi ma’lum.

Shu asosda milliy armiyamiz saflarida xizmat qilayotgan barcha harbiylar, muhtaram faxriylarimizning Vatan va xalq oldidagi xizmatlarini munosib qadrlash, ularni moddiy va ma’naviy rag‘batlantirish, kundalik hayotidagi muammolarini hal etishga ko‘maklashish, ularning oilasi va farzandlarini ijtimoiy himoya qilish borasidagi ishlarimiz yildan-yilga yangi bosqichga ko‘tarilmoqda.

Hech shubhasiz, hayotimizning barcha jabhalarini qamrab olayotgan bunday jadal o‘zgarishlar yurtimizda harbiy xizmatning obro‘-e’tibori, armiya va xalq birligi yangicha mazmunga ega bo‘lib, yoshlarimiz qalbida armiyamiz bilan faxrlanish tuyg‘usi, Vatan himoyachisidek olijanob kasbga hurmat-ehtirom hissini yanada kuchaytirishga xizmat qilmoqda.

Muhtaram vatandoshlar!

Bugungi globallashuv va keskin raqobat davri, dunyoning turli burchaklarida, jumladan, mintaqamizda yuz berayotgan qurolli mojaro va qarama-qarshiliklar, yangi tahdid va xatarlar oldimizga kechiktirib bo‘lmaydigan dolzarb vazifalarni qo‘ymoqda. Ana shunday g‘oyat mas’uliyatli vaziyatda mamlakatimizda tinchlik va osoyishtalikni, fuqarolarning konstitutsiyaviy huquq va erkinliklarini kafolatlash va himoya qilishda Qurolli Kuchlarimiz, xavfsizlik va huquqni muhofaza qiluvchi idoralarning o‘rni va ahamiyati tobora ortib bormoqda.

Bu haqiqatni hisobga olgan holda, mamlakatimiz mudofaa salohiyatini yanada mustahkamlash va Qurolli Kuchlarimiz qudratini oshirish Yangi O‘zbekiston taraqqiyot strategiyasining ustuvor yo‘nalishlaridan biri etib belgilandi. Ushbu vazifalarni amalga oshirishda Qurolli Kuchlarimiz qo‘mondonlik tarkibi joylardagi hokimiyat idoralari va xalqimiz bilan birgalikda bir tanu bir jon bo‘lib harakat qilishlari kerak.

Harbiy xizmatchilar, ayniqsa, komandirlar tarkibining professional tayyorgarligini oshirish milliy armiyani yanada rivojlantirishning eng muhim sharti bo‘lib qolmoqda. Bu borada Qurolli Kuchlar Bosh shtabi hamda harbiy okruglar boshqaruv apparatlari ofitserlarini, brigada komandirlari va ularning o‘rinbosarlarini o‘qitish bo‘yicha Qurolli Kuchlar akademiyasida joriy etilgan yangi tizimning yuksak samaradorligini ta’minlash – dolzarb vazifadir.

Shu munosabat bilan harbiy ta’lim va ilm-fan tizimida boshlangan islohotlarni izchil amalga oshirish, soha uchun kadrlar tayyorlashda nazariya va amaliyotni imkon qadar yaqinlashtirishga alohida e’tibor qaratish lozim.

Milliy armiyamizni zamonaviy qurol-yarog‘ va harbiy texnikalar bilan ta’minlash bo‘yicha kompleks dasturlarni tayyorlashda bugungi kunda dunyoning turli mintaqalarida kuzatilayotgan harbiy mojarolar xususiyatlarini, qo‘shinlarni yanada rivojlantirishning ustuvor yo‘nalishlarini hisobga olish maqsadga muvofiqdir. Bu borada eng zarur qurol-aslaha va anjomlarni sotib olish, ularni yangi jangovar tizimlar bilan birgalikda qo‘llash va takomillashtirib borish e’tiborimiz markazida bo‘lishi zarur.

Jahon axborot makonida keskin kurash ketayotgan hozirgi vaziyatda muhim ob’yektlarda axborot xavfsizligini ta’minlash bo‘yicha kompleks chora-tadbirlarni ishlab chiqish va amalga oshirish ham davr talabidir.

Harbiy xizmatchilarning jangovar ruhi, intellektual salohiyatini yuksaltirish, aholi, birinchi navbatda yoshlarni harbiy-vatanparvarlik ruhida tarbiyalash, harbiy xizmatchilar, ularning oila a’zolari, Qurolli Kuchlarimiz faxriylarini ijtimoiy va huquqiy jihatdan muhofaza qilishni kuchaytirish borasidagi ishlarimizni bundan buyon ham izchil davom ettiramiz.

Hurmatli askar va serjantlar, ofitser va generallar,

Qurolli Kuchlarimiz xizmatchilari va faxriylari!

Ushbu qutlug‘ ayyomda fidokorona xizmatlaringizni alohida ta’kidlab, sizlarning faol sa’y-harakatlaringiz bilan O‘zbekiston armiyasi izchil rivojlanib borayotganini, uning jangovar qobiliyati ortib, mudofaa qudratimiz mustahkamlanayotgani, xalqimizning osoyishta hayoti ta’minlanayotganini yana bir bor yuksak g‘urur bilan e’tirof etamiz.

Fursatdan foydalanib, ana shunday samarali xizmatlaringiz uchun sizlarga, mo‘’tabar tuprog‘imizni ko‘z qorachig‘idek asrab-avaylash yo‘lida olijanob va mas’uliyatli burchini munosib ado etib kelayotgan barcha jasur o‘g‘lonlarimizga, ularning ota-onalari va oila a’zolariga chin dildan minnatdorlik bildiraman.

Barchangizni O‘zbekiston Qurolli Kuchlari tashkil etilganining shonli 30 yilligi va Vatan himoyachilari kuni bilan yana bir bor samimiy tabriklayman.

Sizlarga mustahkam sog‘lik, oilaviy baxt-saodat, tinchlik va farovonlik tilayman.

Milliy armiyamiz saflaridagi sharafli xizmatingizda yangi yutuq va zafarlar yor bo‘lsin!

Kuch-g‘ayratingiz, sha’nu sharafingiz yanada ziyoda bo‘lsin!

Jonajon O‘zbekistonimizga sadoqat bilan xizmat qilishdan hech qachon charchamang, mard va jasur Vatan posbonlari!

Shavkat Mirziyoyev,
O‘zbekiston Respublikasi Prezidenti,
Qurolli Kuchlar Oliy Bosh Qo‘mondoni