Bolaligidan o‘z qo‘llari bilan turli liboslar tikkan Yana dastlab tikuvchilik borasidagi bilimlarni “YouTube”dagi onlayn darslardan olgan, keyin esa professional ustozlarga shogird tushga.

“Tikuvchilik maktabini ochaman deb hecham o‘ylamagandim. Bu biznesni bir oy ichida yo‘lga qo‘yganman. Shunchaki, qaror qabul qilib, ishga kirishganman. Hozirda ‘Selftailor’ nomli tikuvchilik korxonasiga egalik qilaman. Uni ochganimda 21 yoshda edim”, — deydi Yana.

Tadbirkorning aytishicha, ushbu biznes katta investitsiyalarni talab qilmaydi. Bu uchun faqat jihozlar va tajribali yana bitta tikuvchi kerak bo‘ladi.

Beshinchi sinfda shirinlik pishirish mashg‘ulotini yaxshi ko‘rib qolgan Sabina qiziqishini keyinchalik tadbirkorlik darajasigacha ko‘tara olgan.

Bundan oldin esa 15 yoshida pul topishning turli yo‘llarini sinab ko‘rgan: maktabda ovqat pishirib sotgan, buyurtma bo‘yicha kiyim tikkan, ofitsiant, bufetchi, kassachi bo‘lib ham ishlagan.

Uning pazanda ekanini yaxshi bilgan barcha yaqinlari Sabinaga qandolatchilik do‘koni ochishni maslahat bergan. Bo‘lajak tadbirkor esa ushbu maslahatga quloq solishga qaror qilgan. Moskvaga borib, qandolatchilik kurslariga qatnashgan.

“2019-yil 28 avgust kuni qandolatchilik do‘konimning rasmiy ochilish marosimi bo‘lib o‘tdi. Biz buyurtma uchun har qanday murakkablikdagi shirinliklar va tortlar tayyorlay olamiz”, — deydi Sabina.

Bolalar uyida voyaga yetgan Salomat, nogiron ham hisoblanadi. Ammo bu unga o‘z biznesini yo‘lga qo‘yishda to‘siq bo‘la olmagan.

2019-yilda ishidan ayrilgach, qanday qilib pul topish haqida o‘ylay boshlagan. Ijtimoiy tarmoqlardagi do‘stining sahifasiga joylangan qog‘ozdan yasalgan guldasta fotosuratini ko‘rib, ularni qanday qilish va buning uchun qancha mablag‘ sarflanishini bilgan. Shundan so‘ng biznes-reja tuzib, investorlar izlay boshlagan.

“Ko‘p rad javoblari bo‘ldi, lekin 13 kun ichida pul topa oldim. Mablag‘ paydo bo‘lishi bilan barcha kerakli xomashyoni sotib olib, ishga kirishdim. Gullardan iborat sovg‘a to‘plamlarini tayyorlab, sota boshladim”, — deydi Salomat.

Ishining ilk davrida Salomatning Instagram sahifasida 86 kishi bo‘lgan, hozirda esa kuzatuvchilar soni 6000 ga yaqinlashgan.

O‘rtahol oilada tug‘ilib o‘sgan Po‘latov yoshligidan o‘z oldiga maqsad qo‘yib, unga erishishga intilgan. Ishlashni 9 yoshidan, Toshkentdagi «Farhod» bozorida choy sotishdan boshlagan, keyinchalik 3 yil davomida mashina yuvishni o‘ziga kasb qilgan. Avtohalokatga uchrab, o‘mrov suyagi singanidan so‘ng boshqa ishga o‘tishga majbur bo‘lgan.

4 marotaba davlat OTMlariga kirish uchun imtihon topshirgan, lekin kira olmagan. So‘ng Toshkent shahridagi xalqaro Vestminster universitetiga topshirib, birinchi urinishdayoq talaba bo‘lgan.

Turli joylarda o‘zini sinab ko‘rgan Po‘latov oxir-oqibat ingliz tilini o‘rganib, 17 yoshidan dars bera boshlagan. Avvaliga uyma-uy yurib dars bergan Po‘latov keyinchalik o‘z o‘quv markazini ochishga qaror qilgan. Shunday qilib, u 2014-yilda «Cambridge learning center» o‘quv markaziga asos solgan.