1. Apple kompaniyasida qonuniy ishlaydigan, har xil soha vakillari mavjud: sport fotograflari, xujjatli kino rejissyorlari, medsesstra, ssenariy mualliflari, fizik-teorik va boshqalar.
2. Apple ishchilari uchun yagona bepul yegulik olma hisoblanadi.
3. Apple kompaniyasida ish jarayoni qat’iy belgilanmagan va rasmiy ko‘rinishga ega emas, bu degani har xil rasmiy majlislar kamdan kam o‘tkaziladi deganidir;
4. Kompaniya ishchilari uchun statistika katta ahamiyatga ega, u yerda katta oq doska mavjud bo‘lib, statistik ma’lumotlar doimiy ravishda o‘zgarib turadi.
5. Apple kompaniyasida birinchi ish kunini boshlagan ishchilar, kompaniya tomonidan berilgan Apple logotipiga ega futbolka kiyib yurishlari shart. Bu albatta barchadan ajralib turish uchun.
Muvaffaqiyat bu biror ishda erishilgan yaxshi natija, yutuq va omad deganidir. “Yoshlar – kelajagimiz” jamg‘armasi, “Yoshlar ishlari agentligi” tashabbusi bilan “MFactor” hamda viloyatlar hokimliklari bilan hamkorlikda yurtimiz bo‘ylab ilk bora tashkil etilgan hamda barcha hududlar qamrab olingan “BIZNES MARAFON” kelajagani o‘z qo‘li bilan yaratish istagida bo‘lgan yoshlar uchun ayni muddao bo‘ldi. Binobarin, respublikamizda faoliyat ko‘rsatayotgan eng ilg‘or tadbirkorlarlar ishtirokidagi ushbu marafon o‘zaro tajriba almashish, biznes va tadbirkorlik faoliyatiga zamonaviy texnologiyalar, innovasion ishlanmalarni jalb etish, jahon bozoriga chiqish uchun yo‘llanma vazifasini o‘taydi.
Respublikamizning barcha viloyat va shaharlarida o‘tkazilgan “BIZNES MARAFON” dastlabki bosqichda 30 000 ga yaqin yoshlarni oflayn, 500 000 ga yaqin yoshlarni esa onlayn qamrab olishga muvaffaq bo‘ldi. Shuningdek, 27-iyun kuni bo‘lib o‘tgan 12 soatlik “ONLAYN BIZNES MARAFON”da 5000 ga yoshlar ishtirok etib, “You Tube” ijtimoiy tarmog‘ida 95 000 dan oshiq foydalanuvchilar tomonidan tomosha qilindi.
O‘zbekistonning yetakchi tadbirkorlari bilan bevosita fikr almashish va biznes g‘oyalarini amalga oshirish uchun qimmatli maslahatlarni olish imkonini beruvchi marafonning oxirgi manzili poytaxtimiz bo‘ldi. Joriy yilning 29-iyun kuni soat 19:00da Toshkent shahridagi “Turkiston saroyi”ning yozgi maydonida bo‘lib marafon davomida yosh tadbirkorlar tomonidan biznes rejalarni tayyorlash hamda tadbirkorlikni boshlash uchun nimalar qilish kerakligi haqida tushunchalar berildi. Shuningdek, ishtirokchilar biznesni rivojlantirishda qo‘l keladigan dunyodagi ilg‘or tajriba va zamonaviy vositalar bilan tanishtirildi.
«Muvaffaqiyatga erishish sirlari» mavzusidagi treningda yoshlar tadbirkorlik hamda biznes bo‘yicha yuqori bilim, ko‘nikma hamda tajribaga ega bo‘lgan tadbirkorlar bilan muloqot qilib, biznes borasidagi o‘zlarini qiziqtirgan barcha savollariga javob olishdi.
Yoshlar hamisha atrofidagi tengdoshlarining harakatini ko‘rgach, nimagadir erishishga va aynan ulardan maslahat olishga harakat qiladi. Biznes va tadbirkorlikda ham xuddi shunday.
Poytaxtda bo‘lib o‘tgan «BIZNES MARAFON» bu uchun ham imkoniyatlar eshigini ochdi. Zero, marafon doirasida o‘tkazilgan treningda Toshkentdagi yosh tadbirkorlar ham qatnashdi. Bu esa biznesini yo‘lga qo‘yish istagida bo‘lgan yoshlarga o‘zlarini qiziqtirgan savollarni berib, biznes borasida turli xulosalarga kelishga imkon yaratdi.
Biznes marafon kundaligi:
2021-yil 6-aprel Namangan viloyati
2021-yil 7-aprel Andijon viloyati
2021-yil 8-aprel Farg‘ona viloyati
2021-yil 9-aprel Farg‘ona viloyati Qo‘qon shahri
2021-yil 22-aprel Sirdaryo viloyati
2021-yil 28-aprel Toshkent viloyati Bekobod shahri
2021-yil 28-aprel Toshkent viloyati Chirchiq shahri
2021-yil 29-aprel Toshkent viloyati Nurafshon shahri
2021-yil 29-aprel Toshkent viloyati Olmaliq shahri
Britaniya Kengashi tomonidan O‘zbekiston Respublikasi Oliy va o‘rta maxsus ta’lim vazirligi va “Change School” bilan hamkorlikda mamlakatimizdagi oliy o‘quv yurtlari uchun tashkil etilgan “Tadbirkorlik universiteti mukofoti” natijalari sarhisob qilindi.
Tanlovda uchun Britaniya Kengashining “Creative Spark” dasturi ishtirokchilari bo‘lgan 11 ta yetakchi universitet sakkizta nominatsiya bo‘yicha g‘oliblik uchun bahslashdi. G‘oliblarni tanlash Buyuk Britaniyaning yetakchi tadqiqot markazlarining ijodiy-iqtisodiyot mutaxassislari tomonidan amalga oshirildi.
– Ushbu tashabbus jamoalarning birgalikdagi ishlarini namoyish etish va mehnatning samarasi uchun ajoyib imkoniyat. Ushbu tadbirda universitetlarning ishtirok etishi juda muhim, chunki u ijodiy fikrlash, kooperatsiya va tarmoqni rivojlantirishga yordam beradi. Qolaversa, iqtisodiy rivojlanish, ish bilan ta’minlash va yangi korxonalar yaratilishini qo‘llab-quvvatlaydi, – deydi O‘zbekistondagi Britaniya Kengashi direktorining o‘rinbosari Jamila G‘ulomova.
Toshkent davlat texnika universiteti “Yilning tadbirkor universiteti” mukofoti g‘olibi bo‘ldi. Universitet talabalarning g‘oyadan tijoratgacha bo‘lgan loyihalarini qo‘llab-quvvatlash uchun “Yil mukofoti”, “Muqobil energiya manbalari” o‘quv dasturini joriy qilganligi uchun “Yashil universitet” kabi uchta nominatsiya bo‘yicha g‘oliblikni qo‘lga kiritdi.
Shuningdek, Toshkent to‘qimachilik va yengil sanoat instituti “To‘qimachilik”, Kamoliddin Behzod nomidagi Milliy rassomlik va dizayn instituti “Ta’sir”, Toshkent davlat iqtisodiyot universiteti hamda O‘zbekiston davlat san’at va madaniyat instituti “O‘quv dasturida tadbirkorlik” nominatsiyalari bo‘yicha g‘olib, deb topildi.
Ma’lumot o‘rnida aytish joiz, “Creative Spark” – bu Britaniya Kengashi dasturi bo‘lib, u yoshlar o‘rtasida ijodiy tadbirkorlik ta’limi, ishbilarmonlik tafakkuri va ishbilarmonlik ko‘nikmalarini rivojlantirish uchun oliy ta’lim sohasida ikki tomonlama hamkorlikni mustahkamlashga qaratilgan. Dastur MDHning yettita mamlakatida ishlaydi va Buyuk Britaniya mintaqada ijodiy iqtisodiyotni rivojlantirishga hissa qo‘shadi. Dasturda 110 ta universitet ishtirok etadi. So‘nggi uch yilda hududda tadbirkorlikni rivojlantirish dasturi doirasida 750 mingdan ziyod yoshlar malaka oshirdi, 65 o‘quv kursi va 15 biznes-inkubator ochildi.
Mixail ilk biznesini talabalik yillarida tashkil etadi. O‘shanda Tbilisida “Georgia Consulting Group Audit” nomli auditorlik va konsalting kompaniyasini ochadi. 2002-yilda kompaniya global “Ernst & Young” tarmog‘inig bir qismiga aylanadi.
Shundan so‘ng bir nechta yirik kompaniyalarga hamkor bo‘lib, ularda ham faoliyat yuritadi.
Ayni paytda esa u texnologiya sohasidagi tadbirkor, Qozog‘iston chakana savdo tizimidagi eng muhim bank “Kaspi.kz” investori, hammuassisi, aktsiyadori va boshqaruv raisi, “Kolesa Group” IT kompaniyasining esa aktsiyadori va kuzatuv kengashining raisi hisoblanadi.
“Forbes Kazakhstan” ma’lumotlariga ko‘ra, “Qozog‘istonning 50 eng boy ishbilarmonlari” reytingida uchinchi, “Qozog‘istonning eng nufuzli ishbilarmonlari” reytingida o‘ninchi o‘rinni egallaydi. 2021-yilda esa birinchi marotaba 956-o‘rinni egallab, “Forbes global” milliarderlar ro‘yxatiga kiritilgan.
Hozirda uning boyligi 3,2 mlrd dollarni tashkil etadi.
Judi Folkner mashhurlikka intilmagan odam sifatida dong qozongan. Boyligining asosi – shaxsiy aqli. U dasturchi bo‘lib, uning “Epic Systems” firmasi tibbiyot muassasalari uchun dasturlar, shuningdek, elektron tibbiyot xaritalarini sotadi.
Tadbirkor ayolga muvaffaqiyat qozonishi uchun o‘nlab yillar kerak bo‘ladi. Unga bir necha marotaba kompaniyasi sotish taklifi tushadi. Ammo barchahga rad javobini beradi. 2007-yilda kompaniya daromadi atigi 500 million dollarni tashkil qilgan bo’lsa, o‘n yil o‘tgach, ko‘rsatkich 1 milliard dollarga yetadi va shundan buyon har yili 15 foizga o‘sib boradi.
“Forbes” 2021-yilda Folknerning kompaniyadagi 47 foiz ulushini 6 milliard dollarga baholab, uni Amerikada o‘z kuchi bilan boylikka erishgan ikkinchi eng boy ayol sifatida qayd etgan.
Gongkongning eng boy fuqarosi hisoblanadigan Li Ka Shing katta biznesga 1950-yilda kirib kelgan. U asos solgan “Cheung Kong” firmasi plastmassa bozorida dastlab sovundon va taroqlari bilan paydo bo‘lgan.
Plastmassadan yasalgan yangi mahsulot bozorda haqiqiy “portlash” sodir etgan. Ulgurji xaridorlar Lining plastmassa sovundonlarini sotib olish uchun bir oy avval ro‘yxatga yozilgan.
1979-yil Li Ka Shing “Hongkong & Shanghai” banki ko‘magida “Hutchison Whampoa” korporatsiyasining boshqaruv paketini qo‘lga kiritadi. Bu korporatsiyaning tarkibiy faoliyatiga ko‘chmas mulk, savdo, salqin ichimliklar ishlab chiqarish va hokazolar kiradi. Korporatsiyani qo‘lga kiritgan tadbirkor uni tubdan isloh qiladi. Kam daromad keltirayotgan korxonalarni sotib yuborib, besh yo‘nalishda biznesini yo‘lga qo‘ydi.
Birinchi biznesida Gongkongda zamonaviy binolar qura boshlaydi. Hozir u qurgan binolarda Gongkongning har o‘ttiztadan bitta aholisi yashamoqda. Ular xarid uchun kiradigan supermarketlarning deyarli hammasi Li Ka Shinga tegishli. Undan tashqari, tadbirkorning biznesi mamlakat tashqarisida ham gullamoqda.
Tayvanda 145 dorixonadan iborat tarmoq, Singapur va Malayziyadagi 90 ta supermarket unga qarashli. Salqin ichimliklarni ham bu tarmoqlarga Li Ka Shinning o‘zi yetkazib beradi. Uning kompaniyasi Janubiy-Sharqiy Osiyodagi distillangan va gazlangan suv yetkazib beruvchilar orasida
eng yirigi hisoblanadi.
“Forbes” 2021 yilgi ma’lumotlariga ko’ra, biznesmenning boyligi ayni paytda 34,6 milliardni tashkil etadi.
