Matbuot xizmatiYangiliklarO‘zbekistonliklar asosan qaysi kasblarni o‘rganishni xohlayotgani ma'lum bo‘ldi

O‘zbekistonliklar asosan qaysi kasblarni o‘rganishni xohlayotgani ma’lum bo‘ldi

O‘zbekistonliklar orasida dasturlash va marketing bo‘yicha onlayn kurslar kamroq ommalashmoqda. Bu haqda “Lerna” EdTech kompaniyasi hisobotida qayd etilgan.

Yilning birinchi yarmida 5 mingdan sal kamroq platforma foydalanuvchisi dasturlash tillarini o‘rganish bo‘yicha takliflar bilan qiziqdi. O‘tgan yilning ikkinchi yarmiga nisbatan ularning soni 16%dan ko‘proqqa kamaydi.

Operatsion menejment va xodimlarni boshqarish bo‘yicha ekspert Viktoriya Tokova o‘tgan yillarda IT-sanoati kadrlar yetishmovchiligiga duch kelganini ta’kidladi. Biroq, mamlakatda mutaxassislarning yangi avlodi yetishib chiqdi va boshqa mamlakatlardan IT-mutaxassislarining relokatsiyasi bozorni to‘ldirishga hissa qo‘shdi.

IT sohasidagi eng ommabop yo‘nalishlar, avvalgidek, Python va 1C dasturlarini ishlab chiqish hamda kiberxavfsizlik bo‘ldi. Biroq, oldingi davrga nisbatan ularning ommaviyligi mos ravishda 12%, 21% va 15% ga kamaydi.

Veb-dasturlash va Java’ga bo‘lgan talab taxminan uchdan biriga, JavaScript va Android’da kodlash 40%dan ko‘proqqa kamaydi. Shu bilan birga, DevOps kurslari 1,5 barobardan ortiq o‘sishni ko‘rsatdi.

Marketing sohasida so‘rovlar soni 18,8%ga kamayganini ko‘rsatdi. Ayniqsa, Internet-marketing (-49%) va kopirayterlik (-33%) o‘z talabgirligini yo‘qotdi. SMM kurslari ommaviyligi 17,5%ga kamaydi, shunga o‘xshash dinamika target-reklama bo‘yicha qayd etildi (-16,9%).

Shu bilan birga, xizmat marketing menejerlari bo‘yicha yo‘nalish o‘sishini qayd etdi. IKaryerani rivojlantirish markazining psixolog-proforientologi Madina Abdumanapova buni iste’molchilar o‘rtasida onlayn-tijorat platformalariga bo‘lgan talab va ularning yuqori indeksatsiyasi bilan izohladi.

Talab bo‘yicha yetakchilikni ma’muriy yo‘nalishdagi kurslar egallaydi — 11,5% o‘sishni ko‘rsatdi. Eng ommabop soha buxgalteriya hisobi bo‘lib qolmoqda (+4,3%), undan keyingi o‘rinda esa treyding (+20,7%) turibdi. Investitsiyalar (+68%) va iqtisodchilar bo‘yicha (+130%) kurslarning o‘sishi kuzatilmoqda.

Shuningdek, foydalanuvchilarning ko‘pchiligi “1C: Buxgalteriya” hisobi (+44%), biznes-tahlil (+14,4%) va HR (+9,6%) kurslariga qiziqishmoqda. Shu bilan birga, savdo menejmenti ta’limiga bo‘lgan talab pasaydi (-27,5%).

Dizayn 5,4% o‘sish bilan ikkinchi eng talabgir ta’lim sohasi bo‘lib qolmoqda. Interyer dizaynerlik (-18,4%) bo‘yicha o‘qitish ommabopligining pasayishi bichish va tikish (+17,4%), shuningdek, grafik dizayn (+22,1%) bo‘yicha kurslar bilan yumshatildi.

Shu bilan birga, veb-dizayn (-10,5%) va AutoCAD (-1,6%) uchun talab biroz kamaydi, lekin 3D Max uchun ko‘rsatkich ikki baravar oshdi. Shu bilan birga, chizmachilik (+133%), vizajist (+26%) va kiyim-kechak dizayni (+20%) kurslariga qiziqish ortgan.

O‘yin ishlab chiqishga talab biroz o‘sgan (+1,1%) — asosan 3D modellashtirish sabab. Video tahrirlash kurslari tufayli multimediyaga qiziqish biroz barqarorroq (+3%) oshdi.

Abdumanapovaning so‘zlariga ko‘ra, ko‘pincha yoshlar game-dizaynga qiziqishadi. O‘yinlarga bo‘lgan muhabbat va ijodiy salohiyatni ro‘yobga chiqarish istagi kasbni o‘zgartirishga sabab bo‘ladi.

Mutaxassislar nomzodlarga raqamli texnologiyalarni, xususan, tahliliy vositalarni o‘zlashtirishni va materialni tizimlashtirishni o‘rganishni tavsiya qildi. Ularning fikricha, yaqin kelajakda sun’iy intellekt va kiberxavfsizlik sohalari talabgir bo‘ladi.

Bo‘limlar

So'nggi yangiliklar

Tovar va xizmatlarning bozor narxidan kelib chiqib soliq bazasini aniqlash tartibi belgilanmoqda

Yangi tartib 1-avgustdan ko‘chmas mulk obyektlari, birja va davlat xaridlari uchun elektron platformalarda sotiladigan tovarlarga nisbatan qo‘llanilishi mumkin. Soliq qo‘mitasi tovarlar va xizmatlarning bozor narxlaridan kelib chiqib...

O‘zbekistonda farmatsevtika tarmog‘ida narxni kamida 20 foizga arzonlashtirish mumkinligi aytildi

Sohada raqamlashtirishni bu yil 65 foizga yetkazish, keyingi yil esa to‘liq yakunlash vazifasi qo‘yildi. Prezident Shavkat Mirziyoyev 23 may kuni farmatsevtika tarmog‘ida erishilayotgan natijalar va...

Toshkentda «Bitiruvchi va talaba – 2024» festivali yakuniga bag‘ishlangan gala kontsert bo‘lib o‘tadi

25 may kuni soat 19:00 da Xalqlar do‘stligi sanʼat saroyi maydonida Toshkent shahar hokimligi tomonidan yoshlar uchun mo‘ljallangan «Bitiruvchi va talaba – 2024» loyihalar...

Mahallalar faoliyatini rag‘batlantirish jamg‘armasi tashkil etiladi

Mahallalar faoliyatini rag‘batlantirish jamg‘armasi mablag‘larini shakllantirish va ulardan foydalanish tartibi tasdiqlandi. Vazirlar Mahkamasining “O‘zbekiston mahallalari uyushmasi faoliyatini qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori qabul qilindi. O‘zbekiston mahallalari...

Toshkentdan Samarqandga qo‘shimcha «Afrosiyob» poyezdlari harakati yo‘lga qo‘yiladi

31 may, 1−2 iyun kunlari Samarqand - Toshkent - Samarqand yo‘nalishida qo‘shimcha «Afrosiyob» elektropoyezdi harakati yo‘lga qo‘yiladi. 1 iyun — Xalqaro bolalarni himoya qilish kuni...

Prezident banklarning investitsiya loyihalari bilan tanishdi

Joriy yilda O‘zmilliybank $6 mlrdlik loyihalarni amalga oshirishni rejalashtirgan. O‘zsanoatqurilishbank xalqaro moliya bozorlaridan $3,1 mlrdlik mablag‘ jalb qiladi. Shavkat Mirziyoyev 20-may kuni xorijiy investitsiyalarni jalb...