2017-yilda ikki dugona qo‘lda tikiladigan pijamalar brendiga asos solgan. Shu vaqt ichida korxona o‘z atelyesiga ega bo‘lgan, O‘zbekiston viloyatlaridagi bozorlarga kirib borib, oylik tovar aylanmasi 100 million so‘mga yetgan.
“Tikishga bo‘lgan muhabbatim kichkinaligimda paydo bo‘lgan. Moliyaviy ahvolimiz og‘ir bo‘lgani uchun bizga doim onam ko‘ylak tikib bergan. Ularning chiroyli hamda bejirimligi meni doim xursand qilardi. Vaqt o‘tdi. Menda o‘z biznesimni ochish g‘oyasi paydo bo‘ldi. 2017-yil fevral oyida dugonam Milena bilan birgalikda pijama tikish loyihasini boshladik. Brend nomini esa “MiMari” deb atadik”, — deydi Mari Chudnaya.
Uning so‘zlariga ko‘ra, bozorda nima yetishmayotganini aniqlash uchun maqsadli auditoriya o‘rtasida kichik so‘rovnoma o’tkazilgan. Boshida atigi 100 dollar sarmoya kiritilgan. Bu pul evaziga 10 ta sinov modellari tikilgan. Sotuvning birinchi oyidayoq ushbu mahsulotga talab juda katta ekani ma’lum bo‘lgan.
