Sherzod Jalolov — O‘zbekistondagi birinchi avtoblog muallifi hamda “VIP auto services” detailing markazi ta’sischilaridan biri, “Megawatt motors” ambassadori, infyuenser. Oliy ma’lumotli. Toshkent davlat Iqtisodiyot universiteti bakalavr va magistr bosqichini tamomlagan.
11-yillik maktab ta’limidan so‘ng Iqtisodiyot universitetiga o‘qishga kirgan. 3-bosqichdan boshlab Sergeli mashina bozorini boshqaruvchi MCHJ’da ish faoliyatini boshlagan. Avtoblogning yaratilishiga qadar 10 ga yaqin sohada o‘zini sinab ko’rgan. Bunda yuridik departamentda hujjat yuritishdan tortib deklarant yordamchisi, tashqi iqtisodiy faoliyatga (eksport, import) doir vazifalarni bajargan.
“Bir tomondan xususiy sektorda ko‘p funksiyalilikka asosida ishlashim meni “universal jangchi” bo‘lib shakllanishimda muhim rol o‘ynagan”, — deydi Sherzod Jalolov.
Uning aytishicha, tavakkal qilib ko‘rilsagina natija ko‘rinadi. Agar muvaffaqiyatsizlik bo‘lsa, bu keyingi biznes uchun yaxshi dars bo‘ladi.
