Farmatsevt Dilnoza o‘z faoliyatini 2011-yilda turmush o‘rtog‘i bilan birga ochgan dori-darmon tarqatuvchi korxonada boshlagan. Ulgurji savdo bilan shug‘ullanish uchun nafaqat yig‘ilgan pullar tikilgan, balki kredit ham olingan.
Korxona xorijdan keltirilgan dori vositalarini mamlakatimizning sakkiz viloyatidagi dorixonalarga sotgan. Ammo bazi sabablarga ko‘ra to’rt yildan keyin yopilgan.
Shundan so‘ng Dilnoza bolalar ovqatini o‘rganishga qiziqib, uyda sog‘lom taomlar tayyorlashni boshlagan. Buning natijasida esa “Kid’s Plate” — bolalarga mo‘ljallangan sog‘lom oziq-ovqatlar sotiluvchi do‘kon ishga tushgan.
Avvalgi loyihadan olingan dividendlar hisobidan 30 million so‘m sarmoya kiritgan tadbirkor to‘rt oyda foydaga chiqib, yana ikkita filial ochgan.
