Nagima talabalik paytida o‘z liboslar brendini yaratgan, fikrlarini moda sanoati orqali aytmoqchi bo‘lgan. Brend hozirda 7 yoshda bo‘lib, har yili kuchayib bormoqda.
“Qozoq millatini zamonaviylashtirish hamda madaniyatimizga e’tibor qaratishda davom etaman. Shunday narsalar borki, ular o’z ahamiyatini yo’qotadi va vaqt o‘tishi bilan ular haqida unutishingiz mumkin. Ammo bir umrga saqlanib qolinishi zarur bo‘lgan qadriyatlar mavjud. Poytaxtimizga yurtimizning turli burchaklaridan kelgan insonlar tufayli har bir viloyatni his qilaman. Shu yo‘sinda brendimning asosiy yo‘nalishi yuzaga kelgan”, — deydi Nagima.
Hozirda tadbirkor “Kaidarova. Made in Kazahstan with love” brendining asoschisi hamda rahbari hisoblanadi.
