Uchrashuvda Yoshlar ishlari agentligi direktori Alisher Sa’dullayev va “Yoshlar – kelajagimiz” jamg‘armasi ijrochi direktori Xayrulla Sattarov tomonidan yoshlarga oida davlat siyosati sohasida bugungi kunda amalga oshirilayotgan ishlar to‘g‘risida aytib o‘tildi. O‘z o‘rnida Vilyam O’Roark tomonidan Amerika Kengashlarining O‘zbekiston Respublikasida amalga oshirilayotgan loyihalari yuzasidan to‘xtalib o‘tdi. Shuningdek, Vilyam O’Roark O‘zbekistonda yoshlar siyosati davlat darajasida e’tibor berilayotganligi va bugungi kunda amalga oshirilayotgan ishlar tahsinga sazovor ekanligini aytib o‘tdi. Shu bilan birga, bu borada hamisha hamkorlikka tayyor ekanligini bildirdi.
Uchrashuv natijasiga ko‘ra, quyidagilarga kelishib olindi.
- 2022-yildan boshlab, hududlardagi Yoshlar markazlarida Amerika burchaklarini tashkil etish. Bunda, xalqaro ekspertlari ishtirokida seminar-treninglar, master klasslar o‘tish, yoshlarni qo‘llab-quvvatlashga qaratilgan loyihalarni amalga oshirish.
- Xalq ta’limi vazirligi bilan hamkorlikda 10-11 sinf o‘quvchilari uchun maxsus darsliklar ishlab chiqish.
- Startap loyihalarni rivojlantirishga qaratilgan dasturlar qabul qilish.
- Ikki tomonlama hamkorlikni yanada rivojlantirish maqsadida o‘zaro hamkorlik memorandumini imzolash.
Shuningdek, ilk bora “O‘zbekiston Yoshlar Forumi 2021” dunyoning 6 ta rivojlangan davlatlarida jumladan: AQSH, Buyuk Britaniya, Germaniya, Turkiya, Rossiya va Janubiy Koreya mamlakatlaridagi O‘zbekiston Respublikasining Favqulodda va Muxtor Elchilariga ushbu forumni o‘tkazishda yaqindan yordam berganliklari uchun Yoshlar ishlari agentligi direktori Alisher Sa’dullayev o‘z minnatdorligini bildirdi.
