Prezidentlarning muloqoti juda samarali bo‘ldi. Ikki mamlakat o‘rtasidagi strategik sheriklikni chuqurlashtirish va har tomonlama hamkorlikni kengaytirish to‘g‘risida deklaratsiya hamda ko‘plab boshqa hujjatlar imzolandi.
Davlat rahbarlarining samimiy muloqoti Xorazmda davom etdi.
Davlatimiz rahbari oliy martabali mehmonni aeroportda kuzatib qo‘yib, Toshkentga qaytib keldi.
“Garri Potter va falsafa toshi” kitobining adiba Joan Rouling dastxati tushirilgan ilk nashri kimoshdi savdosiga qoʻyildi. Lotning dastlabki narxi $250 000 ga baholangan. Ushbu kitob 1997-yilda 500 ta nusxada chop etilgan ilk nashrlardan biri hisoblanadi.
Auksion “Christieʼs” kimoshdi savdosi uyi tomonidan London shahrida oʻtkazilmoqda.
:no_upscale()/imgs/2022/06/04/16/5436588/f5e35869a3215d2785750fad35a0e11beb5ab71c.jpg)
Maʼlum boʻlishicha, kitobning ilk nashrida bir nechta xatolar mavjud. Misol uchun, orqa muqovada asarning nomi toʻgʻri yozilmagan.
Eslatib oʻtamiz, “Garri Potter va falsafa toshi” yosh sehrgar haqidagi romanlar seriyasining birinchi kitobi hisoblanadi.
Taniqli sarmoyador va milliarder Uorren Baffet bilan birgalikda taom tanovul qilish imkoniyati 19 million AQSh dollari evaziga sotildi. Milliarder ushbu imkoniyatga ega boʻlgan odam bilan tamaddi vaqtida har qanday mavzuni muhokama qilishga tayyorligi, faqatgina sarmoya strategiyasi bundan mustasno ekanligini aytib oʻtgan.
Milliarder bilan tamaddi qilish imkoniyati kimoshdi savdosiga qoʻyilgan va boshlangʻich narx 25 ming AQSh dollari etib belgilangan. Auksion gʻolibi ism-sharifining sir boʻlib qolishini istagan.
Baffet oʻzi bilan birgalikda tamaddi qilish imkoniyatini 2000-yildan beri kimoshdi savdosiga qoʻyib keladi. U oʻtgan yillar davomida mana shu gʻoya ortidan 52 million dollar miqdorida pul ishlagan. Baffet bu yilgi auksion oxirgisi ekanligini aytib oʻtgan.
Kimoshdi savdosidan tushgan pullar “Glide” notijorat tashkiloti hisobiga oʻtkazib beriladi. Milliarderning 2004-yilda vafot etgan birinchi rafiqasi Syuzen Baffet ushbu tashkilotning koʻngillilaridan biri boʻlgan.
20-iyun kuni O‘zbekiston Tashqi ishlar vaziri vazifasini bajaruvchi Vladimir Norov Braziliya Federativ Respublikasining mamlakatdagi Favqulodda va Muxtor Elchisi etib tayinlangan Rodrigo De Lima Baen Soaresni qabul qildi. Bu haqda vazirlik matbuot xizmati ma’lum qildi.
Qayd etilishicha, Rodrigo De Lima Baen Soares mamlakatda amalga oshirilayotgan islohotlarga yuksak baho berdi. Braziliya hukumati O‘zbekistonni mintaqadagi muhim davlat sifatida qarab, respublika bilan aloqalarni har tomonlama rivojlantirishga tayyor ekani ta’kidlandi.
Shuningdek, siyosiy muloqotni jadallashtirish, shu jumladan, vazirliklararo maslahatlashuvlarni o‘tkazish, ikki mamlakat parlamentlari o‘rtasidagi aloqalarni kengaytirish, BMT, Amerika davlatlari tashkiloti doirasida va “BRICS+” formatida o‘zaro muvofiqlashtiruvni kuchaytirish, hamkorlikning shartnomaviy-huquqiy bazasini kengaytirish muhimligi qayd etildi.
Iqtisodiy diplomatiyani faollashtirish maqsadida tomonlar Savdo-iqtisodiy va ilmiy-texnikaviy hamkorlik bo‘yicha Hukumatlararo komissiya tuzish, o‘zaro asnoda savdo uylarini ochish, Braziliya ishbilarmon doiralari vakillarining O‘zbekistonga safarini tashkil etish masalalarini o‘rganib chiqishga kelishib oldilar. Braziliya bozoriga O‘zbekistondan tovarlarni, shu jumladan, kimyoviy o‘g‘itlar, to‘qimachilik, agrar va boshqa turdagi mahsulotlarini yetkazib berishni yo‘lga qo‘yishga alohida e’tibor qaratildi.
Madaniy-gumanitar yo‘nalishda O‘zbekiston va Braziliya madaniyati kunlarini o‘tkazish, ikki mamalakat shaharlari o‘rtasida birodarlik aloqalarini yo‘lga qo‘yish, turli tarmoqlarda mutaxassislar tayyorlash yuzasidan ta’lim va ilmiy muassasalar o‘rtasida hamkorlik o‘rnatish bo‘yicha takliflar ko‘rib chiqildi.
Hukumatning “Yoshlar muammolarini o‘rganish va hal etish tizimini yana-da takomillashtirish chora-tadbirlari to‘g‘risida”gi qarori bilan “Yoshlar daftari”ga kiritilgan yoshlarning ijtimoiy-iqtisodiy muammolarini hal etish maqsadida tuman va shaharlarda “Yoshlar daftari”ga kiritilgan yoshlarni qo‘llab-quvvatlash jamg‘armalari tashkil etiladi.
“Yoshlar daftari”ga kiritilgan, nikohi qayd etilganiga 3 yildan oshmagan yoshlarga esa yakka tartibdagi o‘z xonadonida qo‘shimcha uy-joy qurish uchun 33 mln so‘mgacha garovsiz kredit “Yoshlar daftari” jamg‘armasining kafilligi ostida ajratiladi.
Bunda ariza beruvchi kafillik ajratishni so‘rab tijorat bankining Vasiylik kengashi nomiga kafillik berish haqidagi xatini taqdim etadi.
Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga yuboradi.
Mahalladagi yoshlar yetakchisi besh ish kuni ichida kafillik berish yoki rad etish haqida xabarnomani Vasiylik kengashiga yuboradi. Bunda kafillik berishni rad etish haqida xabarnoma yuborilganda rad etish sabablari asoslanishi talab etiladi.
Agar mahalladagi yoshlar yetakchisi murojaatni unga tushgan paytdan boshlab besh ish kuni ichida ko‘rib chiqmasa yoki kafillik berishni asossiz rad etish haqida xabarnoma bersa, Vasiylik kengashi ariza beruvchining ijtimoiy himoyaga muhtojligini hamda uning murojaati ushbu paragraf talablariga muvofiqligini o‘rgangan holda uning murojaatini qanoatlantirish huquqiga ega bo‘ladi.
Murojaatni o‘rganish natijalariga ko‘ra, Vasiylik kengashi qaroriga asosan uch ish kuni ichida ariza beruvchiga kafillik berilishi mumkin.
Hayotga to‘g‘ri munosabatda bo‘lish, istaklarimizga mos hayot tarzini kechirish uchun bizning doimiy odatlarimiz ham ta’sir ko‘rsatadi. Buning uchun o‘zimizni biroz nazorat qilishimiz va hayot tarzimizga quyidagi odatlarni joriy qilishimiz mumkin.
1. Yuz mimikangizni nazorat qiling
Jahl chiqqanda aql ketadi, deyishadi. Nafaqat aql, balki nazorat ham qo‘lingizda bo‘lmaydi va yuzingizda ichki holatingizni aks ettirib qo‘yishingiz va buning uchun afsuslanishingiz yoki vaziyatni chigallashtirishingiz mumkin.
2. Tabassum qiling
Har qanday holatda ham tabassum qila oling. Bu kuchli qurol sanaladi. Muammoli vaziyatda ham hotirjamlik va yuzdagi tabassum sizni raqibingiz oldida kuchingizni namoyon qilsa, qolgan vaqtlarda pozitiv inson ekanligingiz aksi hisoblanadi.
Qolaversa, hayot bymerang qoidasi asosida sizga ham tabassum qaytishini kafolatlaydi.
3. Har kuni hech bo‘lmaganda 15 daqiqa mutolaa uchun vaqt ajrating.
Bu miya faoliyatingizni tonusda bo‘lishi uchun xizmat qiladi va bu doimiy fikrlashingizni ta’minlash bilan birga, stressdan 60% ga himoya qiladi.
4. Sevimli qo‘shig‘ingizni yoki musiqangizni kuniga hech bo‘lmaganda bir marotaba tinglang.
Bu kayfiyatni ko‘tarish, yurak qon-tomir tizimini faoliyatini yaxshilash va depressiyaning oldini olishda samarali.
5. Kunlik me’yoriy suv ichishni unutmang.
Suv organizmdagi barcha organizmlar faoliyatini yaxshilaydi va shu bilan birga moddalar almashinuvini yaxshilaydi.
6. Boringizcha bo‘lishga harakat qiling va xohishlaringizni cheklamang.
Ko‘pchilik kimgadir yoqish uchun o‘zining istaklarini bajarmaydi. Lekin psixologlar va imijmeykerlarning tadqiqotlari natijasiga ko‘ra, qandaydir ko‘rinishga harakat qilish jozibadorlikni yo‘qolishiga sabab bo‘ladi.
7. Kuning o‘zingiz uchun qulay vaqtida sport bilan hech bo‘lmaganda 15 daqiqa shug‘ullanishni unutmang.
Sog‘lom va baxtli hayot kechirish uchun sizda imkoniyatlar ko‘p. xohishni esa o‘zingizdan qidiring va odatlaringizni shakllantiring.
Toshkent shahri, 100011, Qatortol ko‘chasi, 11-uy
info@yoshlarkelajagimiz.uz
© “Yoshlar – kelajagimiz” jamg‘armasi 2021.
Barcha huquqlar himoyalangan
