Matbuot xizmatiYangiliklarO‘zbekistonda davlat organlarining korrupsiyaga qarshi kurashish samaradorligi reytingi e’lon qilindi

O‘zbekistonda davlat organlarining korrupsiyaga qarshi kurashish samaradorligi reytingi e’lon qilindi

O‘zbekistonda davlat organlari va tashkilotlari, shu jumladan, mahalliy ijro etuvchi hokimiyat organlarida korrupsiyaga qarshi kurashish bo‘yicha chora-tadbirlar samaradorligi reyting baholashdan o‘tkazildi. Bu haqda Korrupsiyaga qarshi kurashish agentligi xabar berdi.

Baholash natijalariga ko‘ra, 62 ta davlat tashkilotining korrupsiyaga qarshi kurashish ishlarining samaradorligi 0 balldan 100 ballgacha reytingda baholanib, ularning faoliyat samaradorligi quyidagi toifalarga ajratilgan:

  • 12 ta tashkilot “yaxshi” – (81-100 ball);
  • 30 ta tashkilot “qoniqarli” – (55-80 ball);
  • 20 ta tashkilot “qoniqarsiz” – (55 balldan past).

Tahlil natijalari davlat tashkilotlari faoliyatidagi korrupsiyaga qarshi kurashish yo‘nalishida bir qator kamchiliklar mavjudligini ko‘rsatgan.

Korrupsiyaga qarshi kurashish ishlarining samaradorligi “yaxshi” deya baholangan tashkilotlar ro‘yxatiga Iqtisodiyot va moliya vazirligi huzuridagi Soliq qo‘mitasi boshchilik qilgan (93 ball). Undan keyingi o‘rinlari Ipoteka bank (93 ball), O‘zbekiston sanoat-qurilish banki (91 ball), “O‘zkimyosanoat” (89 ball) egallagan. Adliya vazirligi bo‘lsa 81 ball bilan ro‘yxatning 12-pog‘onasini band etgan.

“Qoniqarli” tashkilotlar ro‘yxatining eng yuqorisidan esa “O‘zbekneftgaz” va O‘rmon xo‘jaligi agentligi (80 balldan) o‘rin olgan. Buxoro viloyati hokimligi va Transport vazirligi mos ravishda 77 hamda 76 ball bilan keyingi o‘rinlarni band etgan.

Surxondaryo viloyati hokimligi (11 ball), Suv xo‘jaligi vazirligi (13 ball), Adijon viloyati hokimligi (18 ball) Energetika vazirligi (21 ball), Uzbekistan Airports (23 ball) bilan korrupsiyaga qarshi kurashish ishlarining samaradorligi “Qoniqarsizlar” ro‘yxatining oxirini egallagan.

Davlat tashkilotlarida korrupsiyaga qarshi kurashish ishlarining samaradorligini reyting baholash “E-Antikcor.uz” elektron platformasi orqali amalga oshiriladi. Unda 5 ta yo‘nalish bo‘yicha belgilangan 29 ta indikator asosida tegishli ma’lumotlar kiritiladi.

Bo‘limlar

So'nggi yangiliklar

Chegirmali narxda bo‘lsa ham xarid qilish tavsiya etilmaydigan buyumlar (foto)

Mavsumiy chegirmalar — xarid qilish uchun qulay vaqt hisoblanadi. Kimdir qimmatbaho bluzkani sezilarli chegirma bilan sotib olish imkoniyatidan foydalanadi, kimdir hammasi uchun arzimagan pul...

O‘zbekiston yanvarda eng ko‘p oltin sotgan davlat bo‘ldi

World Gold Council (WGC) dastlabki ma’lumotlariga ko‘ra, jahon markaziy banklari 2023 yil yanvar oyida oltin-valuta zaxirasiga 30,8 tonna oltin sotib olgan. Eng yirik xaridor Turkiya...

O‘zbekistonda ishlab chiqarilmagan tovarlarga ham iste’mol krediti ajratiladi

Oliy Majlis Senatining o‘ttiz yettinchi yalpi majlisida “Iste’mol krediti to‘g‘risida”gi qonunning 15-moddasiga o‘zgartish kiritish bo‘yicha loyiha ko‘rib chiqildi. Bu haqda yuqori palata axborot xizmati xabar...

O‘zbekiston non narxi arzon bo‘lgan davlatlar qatoriga kirdi

Dunyoda nonning eng past narxi Tunisda qayd etilgan. Bu mamlakatda yarim kilogramm non 0,14 dollar (1596 so‘m) turadi. Undan keyingi o‘rinlarni Jazoir (0,16 dollar...

Tadbirkorlarga nisbatan yangi javobgarlik choralarini joriy etishga 3 yillik moratoriy o‘rnatilyapti

Prezident 2022–2026 yillarga mo‘ljallangan Yangi O‘zbekiston taraqqiyot strategiyasini “Insonga e’tibor va sifatli ta’lim yili”da amalga oshirishga oid davlat dasturi to‘g‘risidagi farmonni imzoladi. Prezident farmoni bilan: 2023 yil...

Tadbirkorlar, ijtimoiy soha va aholi xonadonlarida 1700 MVt quvvatli quyosh panellari o‘rnatiladi

Prezident Shavkat Mirziyoyev 27-fevral kuni qayta tiklanuvchi energiya manbalarini kengaytirish chora-tadbirlari yuzasidan yig‘ilish o‘tkazdi. So‘nggi yillarda energetika butun dunyoda dolzarb masalaga aylanib bormoqda. Shu bois...