Ma Huaten — 1971-yil 29-oktabrda Guandun provinsiyasida tug‘ilgan xitoylik tadbirkor, “Tencent” telekommunikatsiya kompaniyasi asoschisi va direktorlar kengashi raisi hamda milliarder.
“Forbes” jurnalining 2018-yil 5 maydagi reytingida 42,6 milliard dollar boyligi bilan milliarderlar orasida 4-o‘rinni egallagan.
1993- yilda Shenjen universitetini kompyuter muhandisligi bo’yicha tamomlagan va bir muddat “Runxun Communications Development Co. Ltd” kompaniyasida faoliyat yuritgan. Fond bozorida pul ishlab, keyinchalik kollejdagi do‘stlari bilan “Tencent” kompaniyasiga asos solgan. Kompaniya chiqargan birinchi mahsulot Xitoyning “QQ” xabar almashish xizmati bo‘lgan. Bepul bo‘lgani bois ushbu xizmat tez orada mashhurlashgan.
O‘shandan beri “Tencent” sezilarli darajada o‘sib, bir qancha yirik kompaniyalarga sarmoya kiritgan.
