2-3 noyabr kunlari Italiyaning «Yevroosiyoni anglaymiz» notijorat uyushmasi va O‘zbekiston Respublikasi investitsiyalar, sanoat va savdo vazirligi tashabbusi bilan XVI Verona Yevroosiyo iqtisodiy forumi tashkil qilinadi. Tadbir Silk Road Samarkand sayyohlik markazida bo‘lib o‘tadi.
Forum biznesni rivojlantirishga yo‘naltirilgan bo‘lib, tadbirkorlar o‘rtasida erkin muloqot, biznes aloqalar va muzokaralar uchun keng imkoniyatlar yaratadi. Uchrashuvlar doirasida o‘nlab mamlakatlarning xususiy va davlat kompaniyalari vakillari keng ko‘lamli masalalar bo‘yicha fikr almashish imkoniga ega bo‘ladilar. Hozirgi kunda bu kabi dialoglar juda o‘rinli va muhimdir.
Ikki kun davomida mavzuviy sessiyalarda Yevropa va Osiyoning yirik kompaniyalari va moliya institutlarining yuqori lavozimdagi hodimlari, siyosat va jamoat arboblari, mutahassislar, diplomatlar, turli xalqaro va hududiy tashkilot vakillari qatnashadilar.
Forumning madaniy dasturi doirasida N.I.C.E. yangi italyan kinosi kinofestivali bo‘lib o‘tadi. U orqali tomoshabinlar 30 yil davomida Italiya kinematogrofining yangiliklari bilan tanishib kelmoqdalar. Mashhur italiyalik ijrochilar «San-Remo yulduzlari» konsertida qatnashadilar. Shuningdek, tarihiy ikki aka-uka shaharlar Florensiya va Samarqandning keramika ko‘rgazmasi tashkil qilinadi. Konsertga kirish bepul.
O‘nlab mamlakatlardan mingga yaqin odam, xususan, O‘zbekiston bilan biznes aloqalarini olib borish, o‘zbekistonlik ishbilarmonlar bilan aloqa o‘rnatishdan manfaatdor bo‘lgan Italiyadan kelgan yirik tadbirkorlar delegatsiyasi ishtirok etishi kutilmoqda.
Verona Yevroosiyo iqtisodiy forumi Italiyada (Verona) 2007 yildan beri o‘tkazib kelinmoqda. 2022 yilda Ozarbayjon (Baku) tadbirning mezbon mamlakati edi. 2023-yilda esa tarixiy Samarqand shahri XVI Verona Yevroosiyo iqtisodiy forumi o‘tkaziladigan joy sifatida tanlandi. U asrlar davomida Ipak yo‘lining tan olingan markazi, madaniyatlar chorrahasi, Yevropa va Osiyo o‘rtasidagi bog‘lovchi rishta bo‘lib xizmat qilgan.
Forumning veb-saytida ro‘yxatdan o‘tib, bepul ishtirok etish mumkin: https://reg.forumverona.com/ru/registration
