Matbuot xizmatiYangiliklarO‘zbekistonda o‘rtacha oylik ish haqi 5 mln so‘mdan oshdi

O‘zbekistonda o‘rtacha oylik ish haqi 5 mln so‘mdan oshdi

Hududlar bo‘yicha eng yuqori ko‘rsatkich 8,4 mln so‘m bilan Toshkentga, eng past ko‘rsatkich esa 3,6 mln so‘m bilan Qashqadaryoga to‘g‘ri keldi.

O‘zbekistonda korxona va tashkilotlar xodimlarining o‘rtacha oylik ish haqi 5 mln 92,2 ming so‘mni tashkil etdi. Bu haqida Statistika agentligi ma’lum qildi.

Joriy yilning birinchi yarmida qayd etilgan mazkur ko‘rsatkich 2023-yilning mos davriga nisbatan 17,4%ga o‘sgan. Hududlar bo‘yicha eng yuqori ko‘rsatkich Toshkent shahriga to‘g‘ri keladi — 8 mln 450 ming so‘m (20,2%).

Undan keyingi o‘rinlarda 6,6 mln so‘m bilan Navoiy hamda 4,9 mln so‘m bilan Toshkent viloyatlari turibdi.

Eng kam o‘rtacha oylik ish haqi esa 3,63 mln so‘m bilan Qashqadaryo viloyatida kuzatilgan.

Hududlar bo‘yicha korxona va tashkilot xodimlarining o‘rtacha oylik ish haqi:

Hududlar O‘rtacha oylik ish haqi 2023-yilning birinchi yarmiga nisbatan o‘sish
1 Toshkent shahri 8 450 900 so‘m 20,2%
2 Navoiy viloyati 6 601 900 so‘m 16,2%
3 Toshkent viloyati 4 917 800 so‘m 12,9%
4 Andijon viloyati 4 446 500 so‘m 17,6%
5 Qoraqalpog‘iston Respublikasi 4 165 400 so‘m 14,7%
6 Buxoro viloyati 4 163 300 so‘m 11,9%
7 Xorazm viloyati 4 082 200 so‘m 13,4%
8 Sirdaryo viloyati 4 061 800 so‘m 15,9%
9 Samarqand viloyati 3 832 100 so‘m 18,2%
10 Jizzax viloyati 3 829 400 so‘m 15%
11 Farg‘ona viloyati 3 806 400 so‘m 16,8%
12 Namangan viloyati 3 751 600 so‘m 15,1%
13 Surxondaryo viloyati 3 688 300 so‘m 12,8%
14 Qashqadaryo viloyati 3 634 400 so‘m 13,6%

 

Iqtisodiy faoliyat turlari bo‘yicha o‘rtacha oylik ish haqining eng baland ko‘rsatkichi moliya va sug‘urta sohasida qayd etilgan — 14,4 mln so‘m. Undan keyingi o‘rinlarda axborot va aloqa (12,4 mln so‘m) hamda tashish va saqlash sohalari (7,7 mln so‘m) turibdi.

Shuningdek, o‘rtacha oylik ish haqi sanoat sohasida 6,2 mln so‘mni, savdoda 5,8 mln so‘mni hamda qurilishda 5,4 mln so‘mni tashkil etgan. Eng past ko‘rsatkich esa ta’lim (3,5 mln so‘m) hamda sog‘liqni saqlash va ijtimoiy xizmatlar ko‘rsatish (3,3 mln so‘m) sohalariga to‘g‘ri keladi.

Axborot va aloqa sohasi

Mazkur sohaning asosiy tarmoqlari bo‘yicha o‘rtacha maoshning eng yuqori ko‘rsatkichi quyidagicha:

  • dasturlashtirish, maslahat berish va boshqa yordamchi xizmatlar — 17,6 mln so‘m;
  • axborot xizmatini ko‘rsatish — 14,4 mln so‘m;
  • aloqa sohasi — 10,6 mln so‘m.

Poytaxtda axborot va aloqa sohasidagi o‘rtacha oylik ish haqining eng yuqori ko‘rsatkichi qayd etildi — 13,9 mln so‘m. Undan keyin 9,1 mln so‘m bilan Samarqand, 8,6 mln so‘m bilan Qashqadaryo viloyatlari joylashdi.

Moliya va sug‘urta sohasi

Bunda eng yuqori o‘rtacha oylik ish haqi moliyaviy xizmatlar ko‘rsatish hamda sug‘urtalash bo‘yicha yordamchi faoliyatida qayd etilgan — 15,9 mln so‘m.

Eng past ko‘rsatkich esa sug‘urtalash va nafaqa ta’minotidan tashqari moliyaviy xizmatlarda (14,2 mln so‘m) kuzatilgan.

Ta’lim, sog‘liqni saqlash va ijtimoiy xizmatlar

Bu sohada o‘rtacha oylik ish haqining eng yuqori ko‘rsatkichi oliy ta’limda kuzatildi — 8,1 mln so‘m. Eng past ko‘rsatkich esa maktabgacha ta’limga to‘g‘ri keladi — 1,84 mln so‘m.

Texnik va professional ta’limda o‘rtacha maosh 3,6 mln so‘mni hamda umumiy o‘rta ta’limda 3,4 mln so‘mni tashkil etgan.

Hududlar bo‘yicha eng yuqori ko‘rsatkich Toshkentda (5,7 mln so‘m), eng past ko‘rsatkich esa Qashqadaryo viloyatida (2,9 mln so‘m) qayd etilgan. Sog‘liqni saqlash va ijtimoiy xizmatlar ko‘rsatish sohasida ham eng yuqori ko‘rsatkich Toshkentga to‘g‘ri keladi — 4,1 mln so‘m. Eng past ko‘rsatkich esa Qashqadaryo viloyatida (2,5 mln so‘m) kuzatilgan.

Bo‘limlar

So'nggi yangiliklar

Yoshlarning startap loyihalariga 2 mlrd so‘mgacha mablag‘ ajratiladi

Yosh tadbirkorlarni qo‘llab-quvvatlash jamg‘armasi negizida Yoshlar tadbirkorligini rivojlantirish jamg‘armasi tashkil etiladi. 14-fevral kuni yoshlar tadbirkorligini hamda ularning bandligini ta’minlashga qaratilgan biznes loyihalarni qo‘llab-quvvatlash tizimini yaxshilash...

Yerdan 100 mln so‘mgacha daromad olgan yoshlarga yangi tartibda ijaraga yer beriladi

Mahalla bankirlari yangi kredit mahsulotlari orqali 250 ming nafar aholini daromadli qilishi belgilandi. Mahallalarda 378 mingta mikroloyiha amalga oshiriladi. 2025-yilda O‘zbekistonda yoshlar ishsizligiga barham berish...

Ipoteka kreditlari bo‘yicha garov xatini onlayn rasmiylashtirishga ruxsat beriladi

Garov xatiga o‘zgartirishlar kiritilgan kelishuvlar Yagona portal orqali amalga oshiriladi. 12-fevral kuni qabul qilingan qonun bilan aholiga berilgan ipoteka kreditlarini takror moliyalashtirishning yangi mexanizmini yaratish belgilandi. Qonun...

O‘zbekiston 26 yildan so‘ng qishki Osiyo o‘yinlarida oltin medalni qo‘lga kiritdi

Xitoyning Harbin shahrida o‘tayotgan musobaqada figurali uchish bo‘yicha terma jamoa a’zolari Dmitriy Chigirev hamda Yekaterina Geynish zafar quchdi. O‘zbekiston delegatsiyasi 26 yillik tanaffusdan keyin qishki...

Kambag‘al oilalarga ayrim xarajatlarini qoplashga 11,25 mln so‘mgacha subsidiya beriladi

1-apreldan yoshlar, 1-sentabrdan esa ayollar daftarlari orqali beriladigan bir martalik moddiy yordamlar o‘rniga kam ta’minlangan oilalar uchun nazarda tutilgan nafaqalar to‘lanadi. Aholini ijtimoiy himoya qilish...

3,5 ming kambag‘al oila farzandlari OTMga grant asosida qabul qilinadi

“El-yurt umidi” jamg‘armasining stipendiya tanloviga ekologiya, atrof-muhitni muhofaza qilish va iqlim o‘zgarishi ta’lim dasturlari uchun 20 tagacha kvota ajratiladi. Avvalroq prezident farmoni bilan 2025-yil uchun davlat...