LoyihalarBiznes motivatsiya«Nega endi yo‘q?»: Jeff Bezosdan 10 iqtibos

«Nega endi yo‘q?»: Jeff Bezosdan 10 iqtibos

Biznes

Biznesda eng ko‘p beriladigan savol: «Nega?». Juda yaxshi savol, ammo bundan ham zo‘ri bor: «Nega endi yo‘q?».

«Wired» uchun intervyusidan, 2011-yil 13-noyabr.

Kelajak

Doim kelajakka moslashib borish zarur. Atrofingdagi dunyo o‘zgarayotganida va senga ters turib olganida, shamol ortingdan esayotganida, buni tushunib olish va otni qamchilab qolish kerak. So‘nggi pushaymon — o‘zingga dushman.

«The Washington Post» uchun intervyusidan, 2015-yil 25-sentyabr.

Kitoblar

Aksariyat kitoblarga video va animatsiyalar qo‘shish foydasiz. Bu kitobni kuchaytirmaydi, qaytanga o‘quvchini chalg‘itadi. Kitobga video qo‘shganingiz bilan Hemingueyni boshqa kuchaytira olmaysiz-ku.

«The Washington Post» uchun intervyusidan, 2010-yil 28-iyul.

Iste’mol

Iste’molning eng yomon shakli odamlarni aslida hayotlarini yaxshilashga xizmat qilmaydigan narsalarni sotib olishga undashidir. Banklarga borganimda, odamlarga keyin faqat ta’tilda borishgagina yaraydigan uy uchun ikkinchi kredit taklif etilayotgan reklamalarni ko‘rsam, xafa bo‘lib ketaman. Borib turgan yovuzlik.

«Wired» uchun intervyusidan, 1999-yil 1-mart.

Tanqid

Agar siz bu dunyoda qiziqroq nimadir qilayotgan bo‘lsangiz, tanqidchilar topiladi. Agar umuman tanqidni ko‘tarmasangiz, hech bir yangilik yoki qiziqarli ishga qo‘l urib o‘tirmang.

«Vox Media’s Code Conference», 2016-yil 31-may.

Innovatsiyalar

Nazarimda, innovatsiyalar uchun yomon davrning o‘zi yo‘q. Yaxshi zamon bo‘ladimi, yomonmi — innovatsiya bilan shug‘ullanavering… Bizning bunga shunchalik ishonchimiz komilki, boshqa yo‘limiz ham yo‘q, shekilli.

«Bloomberg» uchun intervyusidan, 2008-yil 16-aprel.

Internet

Bugungi internet (2012 yil nazarda tutilyapti — tahr.) 1908 yildagi Xyorli kir yuvish mashinasi darajasida turibdi. Bu bizning haqiqiy holatimiz. To‘g‘ri, sochimiz kir yuvish mashinasiga ilashib qolmayapti, ammo bu borib turgan ibtidoiylik. Biz 1908 yildamiz.

TED konferensiyasi, 2012-yil 22-aprel.

So‘z erkinligi

Bizning madaniy me’yorlarimiz odamlarga yoqimsiz narsalarni gapirish huquqini bermoqda. Bu bizga yoqishi shart emas. Biz ularni kechki ovqatga taklif etishga ham majbur emasmiz. Biroq biz ularga buni gapirishlariga ruxsat berishimiz shart.

«Code Conference», 2016-yil 31-may.

Kosmosning o‘zlashtirilishi

Buyuk sanoatlar kompaniyalar tomonidan yakkash barpo etilgan emas. Kosmosda ko‘plab g‘oliblar uchun joy doim topiladi.

Havo parvozlari va astronavtika muzeyi, 2016-yil 14-sentyabr.

Foyda

Siz 15 xil usulda hisob-kitob qilsangiz ham, baribir, har gal raqamlar narxlarni tushirmaslik kerakligi, aks holda foydangiz kam bo‘lishidan so‘zlaydi. Shu chorak, shu yil uchun bu, shubhasiz, to‘ppa-to‘g‘ri. Biroq, ehtimol, foyda xaridlar sonini oshiradigan — ular (mijozlar) boshqalardan emas, sizdan ko‘proq xarid qiladigan istiqboldagi o‘n yillik uchun bunday emas.

«Fast Sompany» uchun intervyusidan, 2004-yil 1-avgust.

Bo‘limlar

So'nggi yangiliklar

Prezident TTZgacha bo‘lgan yangi metro liniyasi qurilishini 15-iyundan boshlashni topshirdi

Transport vazirining qayd etishicha, loyihaning qurilish ishlarini 2026-yil oxirigacha yakunlash rejalashtirilmoqda. Avvalroq Shavkat Mirziyoyevga Toshkent metropolitenini rivojlantirish rejalari bilan tanishgani haqida xabar berilgandi. Metroni Toshkent traktor...

Tadbirkorlarga markirovkalash qurilmalari xarajati uchun 2027-yilgacha soliq imtiyozlari beriladi

Parrandachilik mahsulotlarini ishlab chiqaruvchilar 2030-yilgacha yer solig‘ini to‘lashdan ozod etiladi. Biroq bundan belgilangan maqsadlarda foydalanilmayotgan yerlar mustasno. 16-may kuni prezident tomonidan imzolangan qonun bilan ayrim...

1-iyundan yo‘l chiziqlarini bosgan haydovchilarga radarlar orqali jarima yozilmaydi

Endilikda bunday harakatlarni avtomatlashtirilgan foto va video qayd etish vositalari orqali yozishga yo‘l qo‘yilmaydi. To‘xtash chizig‘i bundan mustasno. 1-iyundan boshlab yo‘l chizig‘ini bosib qoidabuzarlik sodir etgan...

Xususiy OTMlarda pedagog tayyorlash sifati nazoratga olinadi — prezident

Termiz pedagogika instituti fakultetlari o‘rnida aniq, tabiiy, ijtimoiy, filologiya, amaliy fanlar, maktabgacha va boshlang‘ich ta’lim bo‘yicha 6 ta oliy maktab tashkil etladi. O‘zbekistonda pedagogika sohasida kadrlar tayyorlash...

1-iyundan ayrim oilalarning talaba qizlariga alohida stipendiya beriladi

1-sentabrdan maktablarning uzaytirilgan kun guruhlarida kambag‘al oilalar farzandlari uchun kvota ajratilib, ota-onalar to‘lovdan ozod etiladi. Avvalroq kambag‘al oilalarni davlat tomonidan ijtimoiy qo‘llab-quvvatlash tizimini takomillashtirish bo‘yicha...

Nogironligi bo‘lganlarni ishga olgan tadbirkorlarning ayrim xarajatlari qoplab beriladi

Ularga surdotarjimon, psixolog va hamrohlik xizmatini tashkil qilish uchun 50 mln so‘mgacha subsidiya ajratiladi. 8-may kuni nogironligi bo‘lgan shaxslarning bandligini ta’minlash tizimini takomillashtirishga oid qo‘shimcha chora-tadbirlar...