Taniqli amerikalik treyder Larri Vilyams o‘z faoliyatini XX asrning o‘rtalarida neftni qayta ishlash zavodida boshlagan, so‘ngra bir muddat gazeta muharriri lavozimiga o‘tgan. Aynan jurnalist bo‘lib ishlayotgan paytida investitisuya haqida bilgan va moliya bozoridagi savdoga qiziqib qolgan.
Larrini sarmoya tikishga qaratilgan innovatsion yondashuvi boshqalardan ajratib turgan — texnika tahlili ma’lumotlaridan foydalanish unga eng katta shuhrat keltirgan. Biznesmen bozorda ishlash uchun bir qator texnik ko‘rsatkichlarni, jumladan, Ultimate Oscillator, COT indekslari va sikl prognozlarini yaratgan.
U 80-yillarning oxirida fyucherslar savdosi bo‘yicha jahon chempionatida haqiqiy shov-shuvga sabab bo‘lgan: boshlang‘ich kapitali 10 ming dollar bo‘lgan holda hech qancha o’tmasdan 1,1 million dollar ishlab olgan. Bunday muvaffaqiyatga erishishda Vilyamsga o‘zi ixtiro qilgan innovatsion treyding usullaridan foydalanish yordam bergan.
Vilyams bozor psixologiyasi va treyderlarning turli guruhlari xulq-atvoriga katta e’tibor beradi. U xavflarni boshqarishning muhimligini ta’kidlaydi, bu esa ehtimoliy yo‘qotishlarni cheklashga yordam beradi va uzoq muddatli istiqbolda muvaffaqiyatga erishish imkoniyatlarini oshiradi.
Vilyams strategiyasi uzoq muddatli istiqbolga qaratilgan. Uning ta’kidlashicha, muvaffaqiyat kaliti qiyin paytlarda omon qolish va foyda olish uchun o‘yinda yetarlicha uzoq vaqt qolish qobiliyatidir. Ammo boshqa har qanday savdo strategiyasi singari, Vilyams strategiyasi ham foydani kafolatlamaydi. Savdo har doim tavakkalchilik bilan bog‘liq va hatto eng yaxshi o‘ylangan strategiyalar ham ba’zan ish bermasligi mumkin.
