Buning uchun tadbir yakunlanganidan so‘ng 3 oy ichida Turizm qo‘mitasiga murojaat qilish talab etiladi.
O‘zbekistonda MICE (ishbilarmonlik) turizm tadbirlarini tashkil etgan tadbirkorlarga amalda to‘langan QQSning 50%i qaytariladi. Bu hukumatning 8-iyuldagi 373-son qarori bilan tasdiqlangan nizomda belgilandi.
Buning uchun tadbirkor tadbir yakunlanganidan so‘ng 3 oy ichida Milliy turizm yagona platformasi orqali Turizm qo‘mitasiga murojaat qilishi kerak.
Arizaga tadbir dasturi, xarajatlar smetasi, elektron hisob-fakturalar, onlayn kassa cheklari, bank to‘lov hujjatlari hamda xorijiy ishtirokchilar ro‘yxati va ularning O‘zbekistonga kirib-chiqish ma’lumotlari ilova qilinadi.
Turizm qo‘mitasi hujjatlarni 5 ish kuni ichida ko‘rib chiqadi. Agar keyinchalik aniqlashtirilgan soliq hisobotlari sabab qaytarilishi kerak bo‘lgan summa o‘zgarsa, ortiqcha to‘langan mablag‘ qonunchilikda belgilangan tartibda budjetga qaytariladi.
