Matbuot xizmatiYangiliklarO‘zbekistonda OTMlarda dual ta‘limning yangi tizimi joriy etiladi

O‘zbekistonda OTMlarda dual ta‘limning yangi tizimi joriy etiladi

Prezident “Oliy ta‘limda dual ta‘lim shaklida kadrlar tayyorlash tizimini takomillashtirish chora-tadbirlari to‘g‘risida»gi farmonni imzoladi. Bu haqda Adliya vazirligi xabar berdi.

Hujjatga ko‘ra, 2027/2028 o‘quv yilidan OTMlarda ish beruvchi korxonalar buyurtmasi asosida va bitiruvchini ishga qabul qilish sharti bilan dual ta‘lim shaklida kadrlar tayyorlash tizimi joriy etiladi.

Dual ta‘limga qabul qilinadigan bakalavriat yo‘nalishlari va qabul parametrlari Oliy ta‘lim, fan va innovatsiyalar vazirligi bilan kelishilgan holda OTM tomonidan belgilanadi. Talabalar korxonalar buyurtmasiga muvofiq to‘lov-kontrakt asosida har yili 1-oktabrgacha qabul qilinadi.

Ta‘lim OTM, korxona va talaba o‘rtasida tuziladigan shartnoma asosida tashkil etiladi. Korxona talabaga o‘qish davomida mehnatga haq to‘lashning eng kam miqdoridan kam bo‘lmagan oylik ish haqi to‘laydi. Talaba esa o‘qishni tamomlagach, mazkur korxonada kamida ikki yil ishlab berishi kerak.

Ijtimoiy reyestrga kiritilgan dual ta‘lim talabalariga ijtimoiy stipendiya to‘lanadi. Muhandislik, ishlab chiqarish va ishlov berish, arxitektura va qurilish hamda qishloq xo‘jaligi yo‘nalishlarida tahsil olayotgan talabalar ikkinchi kursdan davlat granti kvotalari doirasida o‘qishni davom ettirish imkoniyatiga ega bo‘ladi.

Dual ta‘limda tahsil olingan davr talabaning umumiy mehnat stajini hisoblashda inobatga olinadi.

2027-yildan dual ta‘limda kadrlar tayyorlash istagini bildirgan korxonalarda talabalarga biriktiriladigan murabbiylarni tayyorlash uchun maxsus kurslar tashkil etiladi.

2027/2028 o‘quv yili yakunidan boshlab OTMlar va buyurtmachi korxonalarning dual ta‘lim bo‘yicha samaradorlik reytingi yuritiladi. Eng yuqori natija ko‘rsatgan uchtadan OTM va korxona reytingdagi o‘rniga qarab 1 mlrd so‘mdan 3 mlrd so‘mgacha rag‘batlantiriladi.

Shuningdek, 2027-yildan muhandislik, ishlab chiqarish va ishlov berish, arxitektura va qurilish hamda qishloq xo‘jaligi yo‘nalishlarida dual ta‘lim olayotgan har bir talaba uchun korxona tomonidan to‘langan ish haqi xarajatlarining 50% i o‘quv yili yakunida subsidiya shaklida qoplanadi.

Korxonalarga dual ta‘limga qabul qilingan talabalar soniga mutanosib ravishda Tadbirkorlik subyektlarining barqarorlik reytingi platformasida qo‘shimcha ball beriladi.

Bundan tashqari, korxonalar tomonidan OTM hududida dual ta‘lim uchun amaliyot bazasini tashkil etish maqsadida olib kiriladigan jihozlar, uskunalar va laboratoriya jihozlari uchun bojxona boji stavkasi 2030-yil 1-yanvargacha 1% etib belgilanadi.

Dual ta‘lim dasturi bo‘yicha amaliy mashg‘ulotlar uchun korxonalar xarid qilgan o‘quv uskunalari va jihozlariga uch yil muddatga tezlashtirilgan amortizatsiya qo‘llash huquqi beriladi.

Bo‘limlar

So'nggi yangiliklar

Turkiy davlatlar sammiti 2027-yilda Özbekistonda ötkaziladi

11-noyabr kuni Turkiyaga amaliy taşrif doirasida prezident Şavkat Mirziyoyev Turkiy davlatlar taşkilotining yangi tayinlangan boş kotibi Mirvohid Azimovni qabul qildi. Bu haqda prezident matbuot...

Qoraqalpoğistonda 100 ming gektar yaylovga dronlar uruğ sepadi

Hukumat qaroriga köra, 2026-yil 15-noyabrdan «Xalq banki» AT tomonidan «Uzagrostar xolding» kompaniyasi taʼsisçiligida «Bözatov agrostar» kompaniyasi taşkil etiladi. Kompaniyaning asosiy vazifasi yaylovlarni özlaştiriş, çorvaçilik loyihalarini...

Nurafshonda IT Park imtiyozlariga ega Kelajak texnologiyalari markazi tashkil etiladi

Shavkat Mirziyoyev elektrotexnika sanoati vakillari, tadbirkorlar va investorlar bilan uchrashuv o‘tkazmoqda. Bu haqda prezident matbuot kotibi ma’lum qildi. Nurafshon shahrida “Kelajak texnologiyalari markazi” tashkil etiladi. Markaz korxonalariga...

Koreya universiteti O‘zbekistonda dron va samolyot ta’mirlovchi mutaxassislarini tayyorlamoqchi

Janubiy Koreyaning Hanseo universiteti O‘zbekistonda yuqori texnologiyali sohalar bo‘yicha kasbiy ta’lim kurslarini tashkil etishni rejalashtirmoqda. Bu haqda Migratsiya agentligi xabar berdi. Agentlik Koreya universiteti bilan o‘zaro...

O‘zbekistonda dronlar uchun yagona raqamli tizim yaratilishi mumkin

Shavkat Mirziyoyev iqtisodiyot tarmoqlarida uchuvchisiz aviatsiya tizimlaridan foydalanishni kengaytirish va uni tartibga solish bo‘yicha taqdimot bilan tanishdi. Bu haqda prezident matbuot xizmati xabar berdi. Dronlar yordamida iqtisodiy...

O‘zbekiston iqtisodiyoti 2029-yilgacha qanday rivojlanadi?

Markaziy bank boshqaruvi 4-noyabrdagi yig‘ilishida pul-kredit siyosatining 2027-yil va 2028−2029-yillar davriga mo‘ljallangan asosiy yo‘nalishlari konseptual loyihasini tasdiqladi. Bu haqda regulyator matbuot xizmati xabar berdi. Hujjatda iqtisodiy...