LoyihalarBiznes motivatsiyaIshbilarmon Richard Brensondan 33 muvaffaqiyat qoidasi

Ishbilarmon Richard Brensondan 33 muvaffaqiyat qoidasi

«Sizning qo‘ng‘irog‘ingiz biz uchun juda muhim, lekin ayni damda barcha operatorlar band», degan gap faqat norozilikni keltirib chiqaradi. Virgin aviakompaniyasi mijozlari esa quyidagi javobni olishadi:

«Assalomu alaykum, mening ismim Richard Brenson, men aviakompaniya egasiman. Ayni damda barcha operatorlar band. Bu yaxshi emas. Keling, bunday yo‘l tutamiz: agar 18 soniyadan keyin sizning qo‘ng‘irog‘ingizga hech kim javob bermasa, siz 450 funt chegirmaga ega bo‘lasiz. Teskari hisob ketdi – 18, 17, 16, 15…»

Bunday javobni eshitgan mijoz faqat bir narsa haqida orzu qiladi – operator javob bermasa edi!

Bunday ajoyib biznes usuli zamonamizning eng badavlat va mashhur ishbilarmonlaridan biri Richard Brenson tomonidan o‘ylab topilgan. U serg‘ayrat, aqlli va biroz o‘ziga xos fe’lga ega inson – ehtimol, aynan shu xislatlar unga kichik musiqiy do‘konni 10 yil ichida xalqaro ko‘p yo‘nalishli biznesga aylantirishga yordam bergandir.

Richard Brenson o‘zining noodatiy chiqishlari bilan ham mashhur, shu bois uni stereotiplarni buzishni yaxshi ko‘ruvchi xippi-milliarder deb atashadi.

Ishbilarmonning ta’kidlashicha, faqat bir holatdagina muvaffaqiyatli biznes qurish mumkin: unga chin dildan yondashilsa!

Richard Brensonning ilhom baxsh etuvchi 33 qoidasi:

  1. Ishbilarmon bo‘la turib xato qilmagan bo‘lsangiz, siz ishbilarmon emassiz.
  2. Hayotda faqat o‘lim va soliqlar oldida chorasizmiz. Biznesda esa faqat bir narsaga ishonch hosil qilish mumkin: bir kuni barchasi rejadagidek bo‘ladi.
  3. Yoqmagan ishga qo‘l urmang.
  4. Men biznesga doim yoqimli mashg‘ulot sifatida qaraganman va ba’zan ish qayerda tugab, shaxsiy hayot qayerda boshlanganini ham sezmay qolaman.
  5. Pul — muvaffaqiyatning yomon ko‘rsatkichi. Undan faqat shon-shuhratgina o‘tishi mumkin.
  6. Menga qo‘l uchida xizmat ko‘rsatishsa ham, xursand bo‘laveraman. Yo‘q, men noqulaylikni yaxshi ko‘rmayman – shunchaki, eng yaxshi biznes-g‘oyalarim menga sifatsiz xizmat ko‘rsatilgandan keyin paydo bo‘lgan.
  7. Birovning fikriga quloq tutish va o‘zimning g‘oyalarimdan-da yaxshi takliflarni qabul qilishga tayyorligim 40 yil davomida menga faqat yordam bergan.
  8. Axloq — biznesda quruq so‘z emas. Butun mazmun shunda.
  9. Biznes odamlar hayotini yaxshilash va boyitishga yo‘nalgan, aks holda uni boshlashga ham hojat yo‘q.
  10. Kamroq va’da berib, ko‘proq bajargan ma’qul, aksi emas.
  11. Ishbilarmon muvaffaqiyatsizlikni salbiy tajriba deb qabul qilmasligi kerak: bu shunchaki qing‘ir yo‘l orqali o‘rgatuvchi soha.
  12. Muvaffaqiyat sizni butun umr boqmaydi.
  13. Men uchun xodim o‘z ish beruvchisi uchun uzr so‘rashidan-da yomonroq holat yo‘q.
  14. Men avvalgidek odamlar bilan yozishishni emas, yuzma-yuz suhbatlashishni afzal deb bilaman.
  15. Men butun umrim davomida ish xonasidan imkon qadar uzoqroq yurganman va asosan uch joyda ishlaganman: uyda, yaxtada va gamakda.
  16. Dushmanlaringiz bilan do‘st tutining — bu biznes uchun ham, hayot uchun ham yaxshi qoida.
  17. Muvaffaqiyat o‘z-o‘zidan kelmaydi: uning ustida ishlash kerak.
  18. Biznesda hayotdagi kabi yaxshilik qilish muhim.
  19. Men baxtli insonman. Tabassumni kanda qilmayman. Men odamlarni, hayotni, hazil-huzulni yaxshi ko‘raman. Kulgi qalbni yumshatadi, degan gapga qo‘shilaman.
  20. Ishbilarmonlikda konservativ fikrlashga o‘rin yo‘q, zero u sizning qanotingizni sindiradi, zaif, dalillarni baholay olmaydigan  qilib qo‘yadi va oxir-oqibat «o‘ldiradi».
  21. Ishonchim komil: «mumkin emas» degan sindiruvchi so‘z sizni to‘xtatishiga yo‘l qo‘ymaslik kerak.
  22. Men uchun biznesni yo‘lga qo‘yish — faxrlanish, qobiliyatli kishilarni birlashtirish va atrofdagilarning hayotini jiddiy o‘zgartirishi mumkin bo‘lgan soha.
  23. Oldindan o‘ylangan tavakkalga qo‘l urishdan qo‘rqmang. Ba’zan shunisi ham yaxshi.
  24. Yodingizda bo‘lsin: hali hech kim o‘limi oldidan idorada kam vaqt o‘tkazganidan afsuslanmagan.
  25. Men hatto uy kiyimida ham ishbilarmon bo‘lishdan to‘xtamayman va albatta, jiddiy kostyum kiyganim bilan ishbilarmonlik xislatlarim oshib qolmaydi.
  26. Ishchilaringizga o‘z elektron manzilingiz va telefon raqamingizni ma’lum qiling. Ular sizni sababsiz bezovta qilishmaydi, lekin sizning xatti-harakatlaringiz ularga kuchli psixologik rag‘bat beradi: ular muammo yechimi sizning ishtirokingizni talab qilsa, istagan vaqt sizga murojaat qilishlari mumkinligini bilishadi.
  27. Haqiqiy yetakchilik u yoki bu qaror nima uchun qabul qilinganini aniq va xotirjam tushuntirib berishdan iborat.
  28. Qandaydir ish zavq bag‘ishlamay qo‘ysa, men o‘zgarishlar haqida o‘ylay boshlayman. Hayot uni norozi kayfiyatda o‘tkazish uchun haddan tashqari qisqadir.
  29. Mening shiorim: quvonib yasha, pul esa keladi.
  30. Hayotda doim nimanidir yutasiz, nimanidir yo‘qotasiz. G‘alabani mamnun va quvnoq qarshi ol. Mag‘lubiyat uchun afsuslanma va kayfiyatni tushirma. Hech qachon ortga qarama – qaragan bilan o‘tmishni o‘zgartirib bo‘lmaydi. Biroq men o‘tmishdagi xatolarimdan xulosa chiqarib yashashga harakat qilaman.
  31. Agar yangi biznes boshlab, mendan qaysi saboq bilan o‘rtoqlashishim mumkinligi haqida so‘rasangiz, shunday deb javob beraman: Har bir shartnomani imzolayotganda tartibga rioya qiling. Qizg‘anchiqlik qilmang, lekin g‘alaba sari intiling».
  32. O‘ylashimcha, qulab tushmagunimcha tanlagan yo‘limdan to‘xtamayman.
  33. Hayotda imkonsiz narsaning o‘zi yo‘qligiga ishonchim komil.

Bo‘limlar

So'nggi yangiliklar

O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi

Energetika sektorida emissiyalarni kamaytirish bo‘yicha hukumat siyosatini qo‘llab-quvvatlash dasturi doirasida erishgan natijalari evaziga O‘zbekiston Jahon bankidan to‘lov qabul qilgan dunyodagi birinchi davlat bo‘ldi. Bu Jahon...

Tadbirkorlar murojaatlarini qabul qiluvchi shtab faoliyatini boshladi

Biznes egalari o‘zlari duch kelayotgan muammolar va takliflarni 24/7 rejimida 1094 va 1100 qisqa raqami orqali yo‘llashi mumkin. Prezidentning tadbirkorlar bilan ochiq muloqotiga tayyorgarlik ko‘rish doirasida tadbirkorlarning...

2025-yil sentabrdan ayrim toifa o‘qituvchilarning oylik maoshi oshirilishi mumkin

Attestatsiyadan o‘tolmagan, tajribasi yetarli bo‘lmagan o‘qituvchilar uchun alohida dastur ishlab chiqilib, malakasi oshiriladi. Prezident Shavkat Mirziyoyev maktabgacha va maktab ta’limi sifatini oshirish, pedagoglar malakasini oshirish tizimini...

Markaziy bank 11ta bankka nisbatan jarima sanksiyasini qo‘lladi

Bundan tashqari, o‘rnatilgan limitlarga amal qilmaganligi uchun 3ta bank chora va sanksiyalar qo‘llanilishi to‘g‘risida ogohlantirildi. May oyida Markaziy bank 11ta bankka nisbatan jarima sanksiyasini qo‘lladi. Bu haqda...

O‘zbekistondagi 7ta OTM dunyodagi Top-1000talikka kirdi

Shuningdek, Toshkent davlat o‘zbek tili va adabiyoti universiteti gender tengligi bo‘yicha dunyoda 10-o‘rinni egalladi. O‘zbekistondagi 7ta oliy ta’lim muassasasi 2024-yil uchun “THE Impact Rankings” reytingida Top-1000talikka...

Uzbekistan Airways Qurbon hayiti munosabati bilan qo‘shimcha aviaqatnovlarni yo‘lga qo‘ymoqda

Parvozlar 15−18 iyun kunlari oralig‘ida Buxoro, Urganch, Farg‘ona, Termiz, Samarqand hamda Namangan shaharlariga amalga oshiriladi.   “Uzbekistan Airways” kompaniyasi qo‘shimcha aviaqatnovlarni yo‘lga qo‘ymoqda. Bu haqda aviakompaniya matbuot...