Foydali manbalarTadbirkorlarIlon Maskning kun tartibi qanday? Tadbirkordan ish kunini rejalashtirishga oid 6 tavsiya

Ilon Maskning kun tartibi qanday? Tadbirkordan ish kunini rejalashtirishga oid 6 tavsiya

Ilon Maskning hayot tarzi koʻpchilikni hayron qoldiradi, shunisi ham aniqki, uning qanchalar ishchan ekanligiga havas qilsa arziydi. U bir vaqtning oʻzida bir nechta kompaniyani boshqarish, ixtirolar bilan shugʻullanish, global muammolar va buyuk gʻoyalar ustida ish olib borishga qanday ulguradi?

Asosiy ishlarni aniqlab olish

Bu sizga siyqasi chiqqan gapdek eshitilishi mumkin, ammo ish jarayonidagi eng muhim narsa – haqiqatdan ham asosiy ishlarni aniqlab olish va ularni barchasidan oldinroq bajarishdir. Mask muhandislik va ixtirochilikni oʻzining asosiy ishi deb biladi, ish vaqtining 80 foizini aynan mana shu ishlarga sarflaydi, qolgan 20 foizini esa biznes hamkorlar bilan uchrashuvlar, boshqa turdagi vazifalar uchun qoldiradi.

5 daqiqali bloklar

Bu Mask ish jarayonida qoʻllaydigan va bor diqqat-eʼtiborni bitta narsaga qaratishga yordam beradigan texnika. Ilon Maskaning kun tartibi daqiqalarga qadar aniqlik bilan yozib chiqilgan. U oʻz vaqtini 5 daqiqalik bloklarga boʻlgan va ularning har birini boshqa-boshqa vazifalar uchun sarflashi ham mumkin. Ayrim ishlar uchun bitta emas, bir nechta blok vaqtni sarflash talab etiladi. Ilon Maskaning har kunlik rejasiga odatiy ishlar – nonushta tanovuli yoki dush qabul qilish ham kiritiladi. Bir soʻz bilan aytganda, ishingizda unumdorlik darajasi yuqori boʻlishini istasangiz, kunlik rejasiz yurmang.

Bir nechta ishni bir vaqtda bajarish

Ilon Mask bir vaqtda bajarish mumkin boʻlgan bir nechta ishni birlashtirishga harakat qiladi. U xatlarga nonushta vaqtida javob berishi, loyihaga oid rejalarni ishga ketayotgan vaqtda muhokama qilishi mumkin. Tadbirkor mazkur usul yordamida vaqtni imkon qadar tejashga harakat qiladi.

Tezkor yondashuv

Parkinsonning birinchi qonuni haqida eshitganmisiz? Ushbu qonunga koʻra, ish uning uchun ajratilgan vaqtni toʻldiradi. Bu qonun teskarisiga ham ishlaydi. Agar maʼlum bir ish uchun qisqa vaqt belgilab qoʻyilsa, u nisbatan tezroq bajariladi. Toʻgʻri, vazifalarning barchasini ham rekord darajadagi qisqa vaqt ichida bajarib boʻlmaydi, ammo aniq belgilangan vaqt ish unumdorligini oshiradi. Buning uchun oʻzingizga vazifa belgilagach, uni aynan qachonga tugatishingizni ham yozib qoʻying.

Uchrashuvlar uchun koʻp vaqt belgilamang

Ilon Mask ish boʻyicha uchrashuvlar uchun koʻp vaqt ajratishni yoqtirmaydi. Uning aytishicha, qanchalar ish berishi nomaʼlum boʻlgan va bir nechta kishi ishtirok etadigan majlislardan imkon qadar qochish kerak. Buning ilojisi boʻlmagan taqdirda majlislar vaqtini qisqartirishga harakat qiling. Agar majlisda ishtirok etishingiz uning qiymatini oshirmasa, unda shunchaki ishtirok etmang. “Ketish – xunuk koʻrinadigan ish emas, kimnidir qolishga majburlash va oʻz vaqtingizni behudaga sarflash – xunuk ishdir”, deydi Ilon Mask.

Mask bir sutkada necha soat uxlaydi?

Ilon Maskaning aytishicha, bir sutkada 6 soat vaqtini uyqu uchun ajratadi. “Men undan ham kamroq uhlashga harakat qilganman, ammo bunday holatda ish samaradorligi tushib ketgan”, deydi tadbirkor. “Juda koʻp ishlayman. Odatda tungi soat 1-2 ga qadar ishda qolib ketaman. Baʼzida shanba va yakshanba kunlari ham ishda boʻlaman”.

Bo‘limlar

So'nggi yangiliklar

Turkiy davlatlar sammiti 2027-yilda Özbekistonda ötkaziladi

11-noyabr kuni Turkiyaga amaliy taşrif doirasida prezident Şavkat Mirziyoyev Turkiy davlatlar taşkilotining yangi tayinlangan boş kotibi Mirvohid Azimovni qabul qildi. Bu haqda prezident matbuot...

Qoraqalpoğistonda 100 ming gektar yaylovga dronlar uruğ sepadi

Hukumat qaroriga köra, 2026-yil 15-noyabrdan «Xalq banki» AT tomonidan «Uzagrostar xolding» kompaniyasi taʼsisçiligida «Bözatov agrostar» kompaniyasi taşkil etiladi. Kompaniyaning asosiy vazifasi yaylovlarni özlaştiriş, çorvaçilik loyihalarini...

Nurafshonda IT Park imtiyozlariga ega Kelajak texnologiyalari markazi tashkil etiladi

Shavkat Mirziyoyev elektrotexnika sanoati vakillari, tadbirkorlar va investorlar bilan uchrashuv o‘tkazmoqda. Bu haqda prezident matbuot kotibi ma’lum qildi. Nurafshon shahrida “Kelajak texnologiyalari markazi” tashkil etiladi. Markaz korxonalariga...

Koreya universiteti O‘zbekistonda dron va samolyot ta’mirlovchi mutaxassislarini tayyorlamoqchi

Janubiy Koreyaning Hanseo universiteti O‘zbekistonda yuqori texnologiyali sohalar bo‘yicha kasbiy ta’lim kurslarini tashkil etishni rejalashtirmoqda. Bu haqda Migratsiya agentligi xabar berdi. Agentlik Koreya universiteti bilan o‘zaro...

O‘zbekistonda dronlar uchun yagona raqamli tizim yaratilishi mumkin

Shavkat Mirziyoyev iqtisodiyot tarmoqlarida uchuvchisiz aviatsiya tizimlaridan foydalanishni kengaytirish va uni tartibga solish bo‘yicha taqdimot bilan tanishdi. Bu haqda prezident matbuot xizmati xabar berdi. Dronlar yordamida iqtisodiy...

O‘zbekiston iqtisodiyoti 2029-yilgacha qanday rivojlanadi?

Markaziy bank boshqaruvi 4-noyabrdagi yig‘ilishida pul-kredit siyosatining 2027-yil va 2028−2029-yillar davriga mo‘ljallangan asosiy yo‘nalishlari konseptual loyihasini tasdiqladi. Bu haqda regulyator matbuot xizmati xabar berdi. Hujjatda iqtisodiy...