Matbuot xizmatiYangiliklarIlm o‘rganish uchun 37 ta foydali bepul saytlar

Ilm o‘rganish uchun 37 ta foydali bepul saytlar

Internetning menga yoqadigan birinchi raqamli jihati – bu bepul ilm o‘rganish imkoniyatidir. Haqiqiy hayotda u yoki bu sohada ilm o‘rganishingiz uchun har doim pul to‘lashingizga to‘g‘ri keladi: yoki repetitorga pul to‘laysiz, yoki shartnoma asosida o‘qiyotgan o‘quv dargohingizga… Virtual hayotda esa bularning hammasi Utopiadagi singari bepul va har qanday kishi uchun mavjud.

Internet orqali ilm olishning bir necha shartlari mavjud. Birinchi navbatda Sizda ingliz tilidan foydalanish ko‘nikmasi yaxshi shakllangan bo‘lishi shart. Asosan ingliz tilida yoza olishingiz, o‘qib tushunishingiz muhim ahamiyat kasb etadi. Audio ma’lumotlarni qabul qilish uchun esa tinglab tushunish ko‘nikmasini mustahkam egallagan bo‘lishingiz kerak. Ilm o‘rganish mumkin bo‘lgan bepul saytlarning eng yaxshilari asosan ingliz tilida faoliyat yuritadi. Ingliz tilini mukammal bilishingiz dunyoning deyarli barcha ilmlarini o‘rganishingiz uchun eshiklarni ochadi.

Uyingizdan chiqmasdan internet orqali ilm o‘rganishning yana bir shartlaridan biri sifatli internetga ulangan kompyuterga ega bo‘lishingiz hisoblanadi. YouTube orqali videolarni qiyinchiliklarsiz ko‘ra olishingiz internetingiz tezligining yaxshi ekanligidan dalolat beradi. Bundan tashqari kompyuterdan o‘rga va yuqori darajada foydalana olishingiz shart.

Sizdan talab etiladigan keyingi shart – kompyuter oldida odatdagidan ko‘proq vaqt sarflashga moyilligingiz. Juda ko‘pchilik, shu jumladan men ham, kompyuter qarshisida uzoq vaqt o‘tirishdan charchaydi. Bu charchash jismoniy holsizlik va ruhiy karaxtlik holatlarining o‘rgasi sifatida belgilanishi mumkin. Bunday holatning oldini olish uchun 20-20-20 qoidasini yodda tutushingiz kerak: kompyuter qarshisida 20 daqiqa o‘tirganingizdan so‘ng undan 20 qadamga uzoqlashib, 20 soniya chalg‘ishingiz va keyin kelib ishingizni davom ettirishingiz mumkin.

Ishonchim komilki, internet orqali ilm olish uchun ingliz tilini mukammal darajada bilsangiz, uyingizda sifatli internetga ulangan kompyuter bo‘lsa, ilm o‘rganish uchun kompyuter qarshisida o‘tirib o‘tkazadigan bo‘sh vaqtingiz bo‘lsa va albatta ilm o‘rganishni chin dildan istasangiz, sifati Oksford yoki Garvard universitetlarida olinadigan ilmdan kam bo‘lmagan ilmga ega bo‘lishingiz mumkin. Muhimi, hammasi faqat va faqat Sizga bog‘liq ekanligini unutmasligingiz kerak.

Bugundan e’tiboran o‘zingiz uchun kerakli va qiziqarli bo‘lgan ilmni quyidagi saytlardan bepul o‘rganishni boshlashingiz mumkin:

Onlayn kurslar

  1. edX  — dunyoning eng yaxshi universitetlari tomonidan taqdim etiladigan onlayn kurslar.
  2. Coursera — dunyo oliygohlarining eng yaxshi ustozlari bepul dars o’tadigan sayt.
  3. Coursmos — qisqa vaqtda o’rganish mumkin bo’lgan, kichik hajmli ilm kurslari.
  4. Highbrow — kundalik email manzilingizga yuboriladigan dars kurslari.
  5. Skillshare — dunyoqarashni shakllantiradigan kurslar.
  6. Curious — professional ko’nikmalarni shakllantirish uchun darslar.
  7. Lynda — texnologiya, biznes va yaratuvchanlik kurslari.
  8. CreativeLive — dunyo mutaxassislarining kurslari.
  9. Udemy — kompyuterga aloqador sohalarga oid kurslar.

Dasturlash

  1. Codecademy — dasturlashni interaktiv usulda o’rganish.
  2. Stuk.io — boshlang’ich bosqichdan boshlab dasturlashni o’rganish.
  3. Udacity — Google, Facebook, mongoDB, AT&T va boshqa kompaniyalar kurslari.
  4. Platzi — dizayn, marketing va dasturlash bo’yicha kurslar.
  5. Learnable — web ustalar tayyorlash kurslari.
  6. Code School — dasturlashni o’rganishdagi amaliy mashg’ulotlar sayti.
  7. Thinkful — ustoz bilan yakkama-yakka holatda dars bo’ladigan kurslar.
  8. Code.org — dasturlash bo’yicha boshlang’ich bosqichdagilar uchun kurslar.
  9. BaseRails — Ruby on Rails va boshqa dasturlash texnologiyalari kurslari.
  10. Treehouse — HTML, CSS bo’yicha va iOS dasturlash sohasi bo’yicha kurslar.
  11. One Month — bir oyda web dasturlash ilmini o’rgatuvchi kurslar.
  12. Dash — saytlar tayyorlashni o’rgatishga yo’naltirilgan kurslar.

Ma’lumotlar bilan ishlash

  1. DataCamp — ma’lumotlar haqida darslar va kurslar jamlanmasi.
  2. DataQuest — ma’lumotlar haqida interaktiv usulda o’rganish.
  3. DataMonkey  — o’yinlar orqali ma’lumotlar tahlilini o’rganish.

Xorijiy tillar

  1. Duolingo — xorijiy tillarni bepul o’rgatadigan kurslar.
  2. Lingvist — 200 soatda xorijiy tilni mukammal o’rganish kurslari.
  3. Busuu — yangi til o’rganishni xohlovchilar tarmog’i.
  4. Memrise — so’z boyligini oshirish uchun kartochkalar.

Dunyoqarashni shakllantirish

  1. TEDed — TED konferensiyalari asosida tayyorlangan darslar to’plami.
  2. Khan Academy — interaktiv o’rganishning ulkan manbasi.
  3. Guides.co — turli ko’rsatmalar sayti.
  4. Learnist — turli soha mutaxassislarining ma’ruzalari.
  5. Prismatic — o’zingiz istagan yo’nalishdagi yangi ilm o’rganish.
  6. Snapguide — o’z qo’li bilan nimadir yasashga o’rgatadigan sayt.

Bundan tashqari

  1. Chesscademy — shaxmat o’ynashni o’rgatuvchi sayt.
  2. Pianu — fortepiano chalishni interaktiv o’rgatuvchi sayt.
  3. Yousician — gitara chalishni o’rgatuvchi sayt.

Vaqtingizni hech qachon bekorga o’tkazmang. Internetdan foydalanish imkoniyatingizdan unumli foydalaning va ilmingizni oshiring.

Bo‘limlar

So'nggi yangiliklar

O‘zbekistonliklar Kanadaga ishga taklif etilmoqda

Kanada 5000 bo‘sh o‘rni taklif etmoqda! Kanada ish beruvchilari bilan erishilgan kelishuvga ko‘ra, qurilish, xizmat ko‘rsatish va texnik sohalarga fuqarolar ishga taklif etilmoqda. Dastlab qurilish sohasida: −...

Qishloq xo‘jaligida eksportni ko‘paytirish masalalari muhokama qilindi

Prezident Shavkat Mirziyoyev raisligida 18-mart kuni qishloq xo‘jaligi va oziq-ovqat sanoati sohalarida investitsiyalar jalb qilish hamda eksportni ko‘paytirish masalalari muhokamasi bo‘yicha videoselektor yig‘ilishi o‘tkazildi. O‘tgan...

Markaziy bank asosiy stavkani yillik 14 foiz darajasida o‘zgarishsiz qoldirdi

Markaziy bank boshqaruvi iqtisodiyotda talab va taklif mutanosibligiga erishish bo‘yicha noaniqliklar va inflyatsiyani oshiruvchi kutilmalarning saqlanib qolayotganligini inobatga olib hamda inflyatsiyaning 5 foizlik targetigacha...

Savdo korxonalari uchun yangi sanitariya-gigiyena talablari belgilanmoqda

Shu bilan birga oziq-ovqat savdosi bilan shug‘ullanuvchi tadbirkorlar faoliyatiga to‘sqinlik qiluvchi ayrim talablar bekor qilinmoqda. Adliya vazirligi Sanitariya-epidemiologiya qo‘mitasi tomonidan ishlab chiqilgan yangi tahrirdagi oziq-ovqat...

Ramazon oyini yuqori saviyada o‘tkazish, diniy-ma’rifiy, madaniy qadriyatlarni ulug‘lash chora-tadbirlari belgilandi

Prezident Shavkat Mirziyoyev «Muborak Ramazon oyini munosib tarzda o‘tkazish to‘g‘risida»gi qarorni imzoladi. Qarorda O‘zbekiston xalqi uchun ezgulik, birdamlik, olijanoblik va shukronalik timsoli bo‘lgan qutlug‘ Ramazon...

O‘zbekiston musulmonlari idorasi Ramazon oyi 2024-yil 11-mart, dushanba kunidan boshlanishini e’lon qildi.

O‘tgan haftada O‘zbekiston musulmonlari idorasi tashabbusi bilan Qozog‘iston, Qirg‘iziston, Turkiya va Ozarbayjon kabi turkiy davlatlar Fatvo hay'atlarining onlayn majlisi bo‘lib o‘tdi. Yig‘ilishda ulamolar va soha...