Dunyoga mashhur Apple kompaniyasi yangi iPhone va iPad planshetini taqdim etadi. Bloomberg agentligining xabar berishicha, gadjetlar 2022-yilning mart oyidayoq namoyish etilishi mumkin.
Ma’lum qilinishicha, qurilmalar hozirgi iPhone SE va iPad Air seriyalarini almashtiradi. Ikkala model ham beshinchi avlod simsiz tarmoqlari (5G) va yanada tezkor protsessorga ega bo‘ladi. Ushbu yangiliklardan tashqari, yangi iPhone’da yanada mukammallashgan kameradan foydalaniladi.
Bundan tashqari, iOS operatsion tizimi uchun yangilanish taqdim etiladi, unga tibbiy niqobdagi foydalanuvchilarning yuzini tanib olish funksiyasi qo‘shiladi. Bunday funksiyaning rivojlanishi o‘tgan hafta davomida ma‘lum bo‘ldi.
Shuningdek, ishlab chiqarish kechikishi yoki kompaniya ichidagi boshqa o‘zgarishlar tufayli relizlar sanasi ham o‘zgarishi mumkin. Biroq mahsulotlar 2022-yilning mart oyidayoq namoyish qilinishini hisobga olsak, yangi qurilmalar soni boʻyicha Apple o‘z rekordini yangilashi mumkin.
Eslatib o‘tish mumkin, kompaniyaning 2021-yilning oktyabrdan dekabrigacha boʻlgan chorakdagi daromadi oʻtgan yilning shu davriga nisbatan 11 foizga oʻsib, 123,9 mlrd., foydasi esa 25 foizga oʻsib, 34,6 mlrd. dollarni tashkil qildi.
