“Men o‘zimda Stiv Jobs va Leonardo da Vinchining sifatlarini uyg‘unlashtirganman”, — deydi Yosiro Nakamatsu.
Yaponiyalik ixtirochi va investor Yosiro Nakamatsutarixda eng ko‘p patent olgan insonlardan biri hisoblanadi. U disketa, unitaz o‘rindig‘i uchun maxsus filtr, hatto o‘zini himoya qilish uchun mo‘ljallangan parik kabi noodatiy buyumlarni ixtiro qilgan. Bu esa uning 3357 ta ixtirosidan faqat bir nechtasi xolos.
Nakamatsuning aytishicha, u eng yaxshi g‘oyalarini suv ostida suzish paytida o‘ylab topadi. U fikrlarini yozib olish uchun maxsus suv o‘tkazmaydigan qurilmadan foydalanadi. “The Legend of Dr. NakaMats Inventions” nomli kitobida u kislorod yetishmasligi unga ilhom va kutilmagan g‘oyalar berishini yozgan.
