Ayollar va biznes – betakror juftlik!
Ayollar o‘zlarining kuchli masʼuliyat tuyg‘usi, aql-zakovati, qatʼiyatliligi va hamdardligi bilan biznesda o‘zining o‘rnini osongina topa oladi. Turli korxona va tashkilotlarda rahbar lavozimida ayollarni ko‘rish odatiy holga aylandi. Biznesda ayollar muvaffaqqiyat qozonishining bir qancha sabablari bor:
· Ayollar o‘z ishlariga maʼsuliyat bilan yondashishadi,
· Ish va shaxsiy hayotni birdek olib borishga intilishadi,
· Ayollar kichik kapitaldan ham unumli foydalanishni uddalashadi.
Shavkat Mirziyoyev tashabbusi bilan O‘zbekistonda tadbirkor ayollar ulushini hozirgi 25 foizdan 40 foizga yetkazish bo‘yicha 2022—2024 yillar uchun «Biznes ayollar» dasturi yo‘lga qo‘yilmoqda. Dastur ijrosiga jami 8 trillion so‘m mablag‘ yo‘naltirilishi haqida prezident matbuot xizmati xabar qilgandi.
Aziz ayollar, o‘z biznesingizni boshlash uchun ayni vaqti ekanligiga ishoning va tezroq ishga kirishing! Nimadan ishni boshlashni bilmay turgan bo‘lsangiz, sizga 2022-yilda talabgir bo‘ladigan 22 ta biznes yo‘nalishi haqida maʼlumot beramiz! Ularning orasidan o‘zingizga maʼqulini uchratishingiz hech gap emas!
1. Virtual yordamchi
Bu o‘ta band insonning virtual shaxsiy yordamchisi bo‘lishdir. Sizdan moslashuvchanlikni talab etadi. O‘zingizga qulay vaqtda masofadan turib ishlashingiz mumkin. Siz ijtimoiy tarmoqlardagi xabarlarni rejalashtirish, qayta ishlashni boshqarish, qo‘ng‘iroqlarga javob berish, bank operatsiyalarini bajarish va hokazolar uchun javobgarsiz.
2. Blog yuritish
Bu juda yaxshi biznes g‘oya, ayniqsa siz yozish qobiliyatiga ega bo‘lsangiz. Blogger sifatida istalgan joydan, istalgan vaqtda ishlashingiz mumkin. Sizga kerak bo‘lgan narsa – omma eʼtiborini tortadigan qiziqarli maqolalar yozish. Kuzatuvchilaringiz qancha ko‘p bo‘lsa, daromadingiz shunchalik yuqori bo‘ladi. Bundan tashqari, trafikni oshirish uchun blogingizda reklama qilishingiz mumkin. Siz oladigan pul miqdori blogingiz qanchalik qiziqarli bo‘lishiga bog‘liq.
3. Muharrirlik
Agar imlo, yozish qoidalari va grammatikani yaxshi bilsangiz, bu siz amalga oshirishingiz mumkin bo‘lgan ajoyib biznes g‘oyadir. Muharrir sifatida siz maqolalarni o‘qishingiz, ulardagi xatolarni aniqlashingiz, tahrirlashingiz va tuzatishingiz mumkin. Agar bu ishni eplay olsangiz, sizga katta miqdorda pul olib keladigan ko‘plab ish takliflarini olasiz.
4. To‘g‘ri ovqatlanish murabbiyi
Agar siz sog‘lom turmush tarzi muxlisi bo‘lsangiz va odamlarga yordam berishni yaxshi ko‘rsangiz, bu sizni yoqtirgan ishingiz bilan shug‘ullanishga imkon beradigan biznes g‘oyalardan biridir. Buning uchun avval to‘g‘ri ovqatlanish kurslarida o‘qib, sertifikat olishingiz kerak.
5. Repetitor
O‘qituvchilik – bu foydali biznes, ayniqsa oldingi tajribangiz bo‘lsa. Siz har qanday fan bo‘yicha odamlarga o‘rgatadigan biznesni boshlashingiz mumkin, siz bolalar uchun uyda yoki onlayn o‘qituvchi bo‘lishingiz mumkin. Taʼlim berishingiz mumkin bo‘lgan turli xil onlayn platformalar mavjud.
6. Bolalar tarbiyachisi
Agar siz bolalarni yaxshi ko‘rsangiz va ularning o‘sishi va rivojlanishiga befarq bo‘lmasangiz, uyda bolalar bog‘chasi ochishingiz mumkin. Biznesingiz kengayganida, siz yangi joyni ijaraga olishingiz mumkin.
7. Fotograflik
Fotografiyani yaxshi ko‘radigan ayollar uchun ajoyib biznes g‘oya. Ijodiy qiziqish va bo‘lsa, onlayn kurslarda fotograflikning boshlang‘ich bilimlarini olish muammo emas. Siz portret, peyzaj va moda fotografi bo‘lishingiz mumkin. Shuningdek, siz turli tadbirlarni suratga olsangiz bo‘ladi. Biznesni boshlash sizdan katta kapital talab qiladi. Chunki sizga yaxshi kamera, obyektiv va boshqa zarur jihozlar kerak bo‘ladi. Shuningdek, mijozlarga ko‘rsatilishi mumkin bo‘lgan portfolioga ega bo‘lish juda muhimdir.
8. Ijtimoiy tarmoq menejeri
Ayollar uchun yana bir ajoyib biznes g‘oya – bu ijtimoiy media menejeri, yaʼni SMMchi bo‘lish. Ijtimoiy media menejeri sifatida siz mijozlaringizning akkauntlari muammosiz ishlashini taʼminlay olasiz. Kontentni nazorat qilasiz. Ijtimoiy tarmoqlardagi sahifalariga ko‘proq kuzatuvchilarni jalb qilish orqali mijozlaringizga o‘z bizneslarini rivojlantirishga yordam berasiz.
9. Shaxsiy stilist
Ushbu biznes g‘oya ham moda dizayniga o‘xshaydi, lekin modalar uyiga ega bo‘lish shart emas. Agar siz modani yaxshi bilsangiz va odamlarga qanday kiyinish haqida maslahat bera olsangiz, buni pul evaziga qilish haqida o‘ylab ko‘ring. Boshlash uchun katta kapital kerak emas, faqat oilangiz va do‘stlaringiz bilan boshlashingiz, o‘z ishingizni eʼlon qilishingiz, ijtimoiy tarmoqlaringiz orqali biznesingizni rivojlantirishingiz, mijozlarni topishingiz va pul ishlashingiz kifoya. Odamlar sizning ishingizda juda yaxshi ekanligingizni ko‘rsa, sizning biznesingiz hech qachon muvaffaqiyatsiz bo‘lmaydi.
10. Pishirish
Non pishirishga iqtidoringiz yoki ishtiyoqingiz bormi? Bu hech qachon eskirmaydigan yana bir biznes g‘oya. Siz non, pechenye, pirog va tort kabi mahsulotlarni pishirishni va ularni mijozlar va do‘konlarga yetkazib berishni boshlashingiz mumkin. Tug‘ilgan kun, to‘y yoki yubiley tortlarini buyurtma qiladigan mijozlar bilan ham ishlashingiz mumkin. Mahsulotlaringizni suratga olish yodingizdan chiqmasin.
11. Umumiy ovqatlanish
Siz mazali taomlar tayyorlashni yaxshi bilasizmi? Pazanda sifatida doim maqtovlar eshitasizmi? Kichik korxonalar uchun ovqat yetkazib berishni yo‘lga qo‘yish haqida o‘ylab ko‘rishni tavsiya etamiz. Menyuni oldindan tasdiqlatib olasiz, bozorlik uchun ham oldindan pul so‘raysiz. Shuningdek, siz onlayn yetkazib berishni amalga oshirishingiz mumkin, siz qilish kerak bo‘lgan narsa – ijtimoiy tarmoqlarda pishirgan barcha taomlaringizni joylashtirishdir.
12. Tadbir tashkilotchisi
Ziyofatlarga tayyorgarlik ko‘rishni yaxshi ko‘rsangiz, o‘zingizning tadbirlarni rejalashtirish biznesingizni boshlash ajoyib g‘oyadir. Siz to‘y, yubiley, tug‘ilgan kun va hokazolarni rejalashtirishingiz mumkin.
13. Bog‘dorchilik
Agar siz gullar va o‘simliklarni yaxshi ko‘radigan bo‘lsangiz va har qanday muhitga mos keladigan eng yaxshilarini tanlasangiz, unda siz bog‘dorchilik biznesingizni boshlashingiz mumkin. Ichki dizaynerlar uyning ichki qismiga eʼtibor qaratganidek, bog‘bon sifatida siz tashqi ko‘rinishni gullar bilan bezashga masʼul bo‘lasiz. Gullar va boshqa materiallarni sotib olish uchun sizga kapital kerak bo‘ladi. Bundan tashqari, maxsus tadbirlar uchun gullarni yetkazib berishingiz mumkin.
14. YouTube vloger
YouTube kanali orqali o‘z biznesingizni boshlashingiz mumkin. Agar sizda bir nechta mahoratingiz bo‘lsa va odamlarga ularni o‘rgatadigan videolar olishingiz mumkin. Bu katta investitsiyalarni talab qilmaydi. Sizning izdoshlaringiz qanchalik ko‘p bo‘lsa, shuncha ko‘p pul ishlaysiz.
15. Elektron jurnallar
Texnologiya va internetning rivojlanishi tufayli har qanday ishni uddalash mumkin. Siz o‘zingizning elektron jurnalingizni ochsangizchi? Siz onlayn jurnalda ishlash uchun ish taklif qilishingiz va bosh muharrir sifatida faoliyat yuritishingiz mumkin. Akkaunt yoki saytga obuna modelini yo‘lga qo‘yib, siz oyiga kerakli daromadni olsangiz bo‘ladi. Internet sizga katta auditoriyani beradi, shuning uchun o‘zingiz eʼtibor qaratmoqchi bo‘lgan mavzularni va maqsadli auditoriyangizni tanlashingiz mumkin. Bu vaqt va fidoyilikdan boshqa sarmoya talab qilmaydi.
16. Elektron tijorat
Bugungi kunda odamlar internetda ko‘plab mahsulotlarni sotmoqda. Turli mamlakatlardagi tomonlar o‘rtasidagi biznes operatsiyalari onlayn rejimda amalga oshiriladi. Sizning elektron tijorat platformangiz sumkalar, poyabzal, kiyim-kechak, terini parvarish qilish va boshqalar kabi turli xil mahsulotlarni taklif qilishi mumkin. Buning uchun telegram va instagramda sahifa yuritish ayni muddao.
17. Qo‘lda yasalgan hunarmandchilik.
Agar siz juda ijodiy odam bo‘lsangiz va qo‘lda tayyorlangan hunarmandchilikni yarata olsangiz, ularni sotish haqida o‘ylab ko‘ring. Siz zargarlik buyumlari, charm hamyonlar, daraxt lampalari va boshqalar kabi son-sanoqsiz chiroyli qo‘l sanʼatlarini yasab, sotishingiz mumkin.
18. Onlayn kurs kuratori
Agar sizning fikringizcha, odamlarni qiziqtiradigan ko‘nikmalaringiz bo‘lsa, odamlar sizdan o‘rganishi mumkin bo‘lgan onlayn darsni boshlashingiz mumkin. Boshlash uchun sizga kerak bo‘lgan yagona narsa – yaxshi kamera, suratga olish dasturi va yaxshi tahrirlash qobiliyati. Ushbu biznes g‘oyasi ko‘p foyda keltiradi.
19. Kopirayterlik
O‘z so‘zlaringiz bilan odamlarni kompaniyadan biror narsa sotib olishga ishontirishga kuchingiz bormi? Unda siz kopirayterlik biznesini boshlash haqida o‘ylashingiz kerak. Ishonchli so‘zlaringiz bilan kompaniyalarga ko‘proq mashhurlikka erishishga va savdoni oshirishga yordam bering va pul ishlang.
20. To‘qish
Bu hech qachon urfdan qolmaydigan ayollar uchun ajoyib biznes g‘oya. Odamlar uchun turli xil kiyim modellarini to‘qish ham xobbi, ham darmad manbai bo‘ladi. Investitsion xarajatlar ancha past.
21. Rezyumeni yozish
Agar siz ish izlovchilar uchun mukammal rezyume yozishni yaxshi bilsangiz, unda siz ushbu biznesga kirishni o‘ylab ko‘rishingiz mumkin. Siz uydan turib ishlashingiz mumkin bo‘ladi. Bundan tashqari, ish beruvchilarni mijozlaringizga jalb qilish uchun rezyumeni tahrirlash va tekshirish imkoniyatiga ega bo‘lishingiz kerak. Ushbu biznesni boshlash uchun sizga faqat kompyuter kerak bo‘ladi.
22. Kitob do‘koni
Odamlar doimo bilim izlaydilar. Kitob do‘koni – bu kanselyariya buyumlari, maktab kitoblari va boshqa umumiy kitoblarni sotishingiz mumkin bo‘lgan juda foydali biznes g‘oya. Uni onlayn va offlayn shaklida yuritish mumkin. Odatiy kitob do‘konlaridan tashqari, siz o‘zingizning joyingizga mini-kutubxona qo‘shsangiz bo‘ladi. Odamlar chalg‘imasdan o‘qishi va ishlashi mumkin bo‘lgan kichik shaxsiy maydon. Sizning kitob do‘koningiz g‘oyangiz qanchalik innovatsion bo‘lsa, shunchalik ko‘p mijozlaringiz bo‘ladi.
Ozgina qunt, kelajakka ishonch va sabr bo‘lsa, har qanday ishni uddalash mumkin! Siz uddalaysiz, eng zo‘r biznes ayol bo‘lasiz!
Maqola yoqqan bo‘lsa, uni yaqinlaringiz bilan ulashing!
