Bugun, 9-noyabr kuni Samarqand shahrida Turkiy davlatlar tashkiloti sammiti doirasida Tashkilotga a’zo davlatlar iqtisodiyot va savdo vazirlarining 11-yig‘ilishi bo‘lib o‘tdi.
Bosh vazir o‘rinbosari – investitsiyalar va tashqi savdo vaziri Jamshid Xodjayev TDT iqtisodiyot va savdo vazirlari bilan o‘tgan uchrashuvdan so‘ng Turkiy davlatlar tashkiloti Investitsiya jamg‘armasi ta’sis etilishini ma’lum qildi.
“Turkiy davlatlar tashkiloti iqtisodiyot va savdo vazirlarining 11-yig‘ilishida savdo-iqtisodiy, investitsiyaviy hamkorlikni yanada chuqurlashtirish maqsadida, Turkiy davlatlar tashkiloti Investitsiya jamg‘armasini ta’sis etish bo‘yicha Bitimni imzolanishini kelishib oldik.
Ishonamanki, Investitsiya jamg‘armasini ta’sis etish ko‘p qirrali munosabatlarimizni rivojlanishida yangi zamin yaratadi”, – ta’kidladi Xodjayev.
