O‘zbekistonning doimiy aholisi soni 37 millionga yetdi

22 aprel kuni soat 03:24 holatiga ko‘ra respublikaning doimiy aholisi soni 37 million kishini tashkil etdi.

Statistika agentligi ma’lumotiga ko‘ra, erkaklar soni 18,5 million, ayollar soni esa 18,3 millionni tashkil etmoqda.

2024 yilning 1 aprel holatiga respublikaning doimiy aholisi soni 36 963 262 kishini tashkil etgandi.

16 aprelga kelib bu miqdor 36 990 128 nafarni tashkil etgan. Shundan 18,5 milliondan ortiq qismini erkaklar, 18,3 milliondan ortiq qismini ayollar tashkil qildi.

1 yanvar holatiga ko‘ra, 1 km kv yer maydoniga o‘rtacha 82 nafar doimiy aholi soni to‘g‘ri keladi.

Avvalroq O‘zbekistonda hududlar kesimida doimiy aholi soni haqida ma’lumot berilgandi.

Hududlar kesimida doimiy aholi soni bo‘yicha Samarqand viloyati yetakchilik qilmoqda – 4,2 mln kishi.