Matbuot xizmatiYangiliklarO‘zbekistonda 1-martdan har bir mahalladan ikki nafar dasturchi loyihasi joriy etiladi

O‘zbekistonda 1-martdan har bir mahalladan ikki nafar dasturchi loyihasi joriy etiladi

“O‘zbekiston-2030” strategiyasini “Yoshlar va biznesni qo‘llab-quvvatlash yili»da amalga oshirishga oid davlat dasturi to‘g‘risidagi prezident farmoni loyihasi muhokamaga qo‘yildi.

Loyihada joriy yilning 1-martidan boshlab “har bir mahalladan ikki nafar dasturchi” loyihasini joriy etish belgilanmoqda.

Bunda mahallalarda yoshlar yetakchilari tomonidan IT va kompyuter dasturlash sohasiga qiziquvchi yoshlar aniqlanib, ularni ingliz va boshqa xorijiy tillarga o‘qitish hamda sertifikat olish yo‘lga qo‘yiladi. Sertifikat olgan yoshlarning ma’lumotlarini Raqamli texnologiyalar vazirligining maxsus axborot tizimiga kiritib borish amaliyoti joriy qilinadi.

Raqamli texnologiyalar, Kambag‘allikni qisqartirish va bandlik vazirliklari tizimga kiritilgan yoshlarni IT-sohasidagi tashkilotlarga yo‘naltirish va ko‘maklashish choralarini ko‘radi.

Bundan tashqari, 1-martdan “Yoshlar daftari” jamg‘armasi mablag‘laridan yoshlarni chet tillari va kasb-hunarga o‘qitish maqsadlariga yo‘naltirish yo‘lga qo‘yiladi.

Yoshlarni yangi kasblarga o‘qitish bo‘yicha “Ustoz” maxsus platformasi ishga tushirilib, dastlabki bosqichda platforma orqali 150 ming nafar yoshlar qamrab olinadi.

Shuningdek, yosh xotin-qizlarni tadbirkorlik, marketing, grafik-dizayn kabi kasblarga o‘rgatish uchun “Qizlar akademiyasi” platformasi ishga tushirilishi belgilanmoqda. Bu orqali ular uchun turli tanlov, loyihalar, o‘quv oromgohlari, stajirovkalar tashkil etiladi.

“Besh tashabbus olimpiadasi” doirasida 1-martdan mahalla, ta’lim muassasalari, korxona va tashkilotlar tizimida mukofot jamg‘armasi 600 mln so‘m miqdorida xorijiy tillar (“Ibrat farzandlari”) musobaqasi, kibersport va “Zakovat” intellektual o‘yinlari tashkil etiladi.

Kasblar tanlovida g‘olib bo‘lgan yoshlarni o‘z hududlarida jihozlangan ustaxonalar bilan Yoshlar ishlari agentligi va mahalliy hokimliklar tomonidan “Yoshlar daftari” jamg‘armasi mablag‘lari hisobidan ta’minlash amaliyoti yo‘lga qo‘yiladi.

Yoshlar ishlar agentligi hamda Iqtisodiyot va moliya vazirligining ekologiya, sog‘lom turmush targ‘iboti, nogironligi bo‘lganlarni qo‘llab-quvvatlashga oid 100ta volontyorlik loyihalari bo‘yicha birinchi bosqichda BHMning 200 baravarigacha (68 mln so‘m) mablag‘ni tanlov asosida ajratish tartibini joriy etish taklifiga rozilik berilmoqda.

Shuningdek, oilaviy tadbirkorlik dasturi doirasida ajratilayotgan kreditlarning kamida 40%i yoshlar tadbirkorligini rivojlantirishga yo‘naltiriladi.

1-iyundan “Yosh tadbirkor” tanlovlarini o‘tkazish amaliyoti yo‘lga qo‘yiladi hamda “mahalla — tuman — viloyat — respublika” bosqichlarida yoshlarning istiqbolli biznes loyiha va g‘oyalari saralanadi.

Respublika bosqichida saralashdan o‘tgan har bir loyihaga BHMning 1 000 baravarigacha (340 mln so‘m) imtiyozli kreditlar ajratiladi va kredit stavkasining 50%i qoplab beriladi.

g‘olib bo‘lgan biznes loyiha va g‘oyalar egalari Yosh tadbirkorlarni qo‘llab-quvvatlash jamg‘armasi hisobidan xorijiy davlatlarga malaka oshirishga yuboriladi.

Loyiha haqida fikr-mulohazalarni 9-fevralgacha havola orqali bildirish mumkin.

Bo‘limlar

So'nggi yangiliklar

Tovar va xizmatlarning bozor narxidan kelib chiqib soliq bazasini aniqlash tartibi belgilanmoqda

Yangi tartib 1-avgustdan ko‘chmas mulk obyektlari, birja va davlat xaridlari uchun elektron platformalarda sotiladigan tovarlarga nisbatan qo‘llanilishi mumkin. Soliq qo‘mitasi tovarlar va xizmatlarning bozor narxlaridan kelib chiqib...

O‘zbekistonda farmatsevtika tarmog‘ida narxni kamida 20 foizga arzonlashtirish mumkinligi aytildi

Sohada raqamlashtirishni bu yil 65 foizga yetkazish, keyingi yil esa to‘liq yakunlash vazifasi qo‘yildi. Prezident Shavkat Mirziyoyev 23 may kuni farmatsevtika tarmog‘ida erishilayotgan natijalar va...

Toshkentda «Bitiruvchi va talaba – 2024» festivali yakuniga bag‘ishlangan gala kontsert bo‘lib o‘tadi

25 may kuni soat 19:00 da Xalqlar do‘stligi sanʼat saroyi maydonida Toshkent shahar hokimligi tomonidan yoshlar uchun mo‘ljallangan «Bitiruvchi va talaba – 2024» loyihalar...

Mahallalar faoliyatini rag‘batlantirish jamg‘armasi tashkil etiladi

Mahallalar faoliyatini rag‘batlantirish jamg‘armasi mablag‘larini shakllantirish va ulardan foydalanish tartibi tasdiqlandi. Vazirlar Mahkamasining “O‘zbekiston mahallalari uyushmasi faoliyatini qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori qabul qilindi. O‘zbekiston mahallalari...

Toshkentdan Samarqandga qo‘shimcha «Afrosiyob» poyezdlari harakati yo‘lga qo‘yiladi

31 may, 1−2 iyun kunlari Samarqand - Toshkent - Samarqand yo‘nalishida qo‘shimcha «Afrosiyob» elektropoyezdi harakati yo‘lga qo‘yiladi. 1 iyun — Xalqaro bolalarni himoya qilish kuni...

Prezident banklarning investitsiya loyihalari bilan tanishdi

Joriy yilda O‘zmilliybank $6 mlrdlik loyihalarni amalga oshirishni rejalashtirgan. O‘zsanoatqurilishbank xalqaro moliya bozorlaridan $3,1 mlrdlik mablag‘ jalb qiladi. Shavkat Mirziyoyev 20-may kuni xorijiy investitsiyalarni jalb...