Sarvar Ro‘zmatov — O‘zbekistondagi birinchi onlayn to‘lov tizimlaridan birini yaratishga va ishga tushirishga muvaffaq bo‘lgan tadbirkor.
“Veb-saytlar va ilovalarni ishlab chiqish orqali “Payme”ni moliyalashtirish uchun 150 ming dollar sarmoya kiritganman. Jarayonda esa bu pul yetarli bo‘lmasligi mumkinligi tushunib, tashqi investitsiya bo‘yicha variantlarni qidira boshladim. Garchi ularning orasida juda tajribali va mashhur odamlar bo‘lsa ham sarmoyadorlarning ba’zilari taklifimni rad etdi. Menimcha, ular o‘shanda ishonishmagan va, ehtimol, bunday texnologik yechim uchun vaqt hali kelmagan deb o‘ylashgan” — deydi Ro‘zmatov.
“Payme” bugungi kunda O‘zbekiston to‘lov xizmatlari bozorida yetakchilardan biri bo‘lib, foydalanuvchilarga mobil telefon orqali hisob-kitoblarni to‘lash, kartadan kartaga pul o‘tkazish, to‘lovlarni nazorat qilish orqali xarajatlarni kuzatib borish kabi imkoniyatlarni beradi.
