Matbuot xizmatiYangiliklarMukammal kun tartibiga qanday erishish mumkin?

Mukammal kun tartibiga qanday erishish mumkin?

Samarali kunlik jadvalni yaratish biroz tayyorgarlikni talab qiladi. Bunda nafaqat qanday vazifalarni bajarish kerakligini tushunish, balki ularni qachon amalga oshirish mumkinligini aniq belgilash kerak. Ushbu besh qadam hamma narsani malakali tashkil etishga yordam beradi.

1. Vazifalar ro‘yxatini tuzing

Yarim soat vaqt ajrating va har kuni amalga oshirishingiz kerak bo‘lgan barcha vazifalaringizni yozib oling. Bu shaxsiy va ish faoliyati bilan bog‘liq yumushlar bo‘lishi kerak. Bezovta bo‘lmang va ro‘yxatning tuzilishi haqida o‘ylamang – bu shunchaki qoralama xolos.

Agar bir vaqtning o‘zida barcha holatlarni eslab qolish qiyin bo‘lsa, ularni kun davomida qo‘shib boring. Har qanday turdagi kichik vazifalar bor ekanini ham unutmaslik kerak.

2. Kundalik vazifalaringizni tuzing

Eng yuqori mahsuldorligingizni hisoblang va shunga qarab kun davomida vazifalarni taqsimlang. Mana bir misol.

Ertalab. Bu yerda siz eng erta faoliyatni qo‘shishingiz mumkin, masalan qahva tayyorlash kabi. Kun tartibini tugatgandan so‘ng, diqqatni jamlash va o‘ylangan yondashuvni talab qiladigan narsalar haqida bosh qotirish mumkin.

Tushlik vaqti. Bu juda qiyin segment, chunki kunning o‘rtalarida bizning energiyamiz sezilarli darajada kamayadi. Biroq, bu o‘zining afzalliklariga ega – bu davrda siz maxsus aqliy faoliyatni talab qilmaydigan muntazam va zerikarli vazifalarni qoldirishingiz mumkin. Siz elektron pochta xabarlariga javob berishingiz, kerakli uchrashuvlarni belgilashingiz yoki ish joyingizni tartibga solishingiz mumkin. Agar siz uyda bo‘lsangiz, bu vaqtning ma’lum qismini tozalash ishlari uchun ajrating.

Oqshom. Keyingi kunga tayyorgarlik ko‘rish uchun juda ideal vaqt.

3. Tafsilotlarni aniq yozing

Endi siz kuningiz qanday ko‘rinishi haqida umumiy tasavvurga ega bo‘lsangiz, tafsilotlarni qo‘shish vaqti keldi. Masalan:

Ertalab soat 6:00 uyg‘onish, dush qabul qilish va tishlarni yuvish;
6:30 – nonushta;
7:00 – uydan chiqish;
7:30 – bolalarni maktabga olib borish;
08:00 – ishxonaga yetib borish va hokazo.
Bu juda batafsil jadval, agar qulayroq bo‘lsa, ba’zi narsalarni o‘tkazib yuborishingiz mumkin.

4. Jadvalingizni moslashuvchan qiling

Hayot hatto eng batafsil va murakkab rejalarga ham tuzatishlar kiritishga qodir. Yangi tartibingizning asosiy maqsadi murakkab vazifalar uchun eng samarali va muntazam ish uchun eng samarasiz vaqtdan unumli foydalanishdir. Ba’zan ish rejalashtirilgan vaqtda shifokorga borishingiz yoki boshqa biror ish qilishingiz kerak bo‘lib qoladi va keyingi kun uchun kechki ovqatga tayyorgarlik yoki do‘stlar bilan uchrashuv to‘xtatilishi mumkin. Kunning rejasini tuzishga harakat qiling, shunda hamma narsa soat kabi ishlaydi, hatto kutilmagan hodisalar odatdagi ishlarning borishiga xalaqit bersa ham.

5. Yangi tartibni sinab ko‘ring

Olingan diagrammani sinovdan o‘tkazish uchun bir oy ajrating. O‘z his-tuyg‘ularingizni tinglang. Har bir vazifani rejalashtirgan vaqtingiz sizga mos keladimi? Yoki biror narsani o‘zgartirish kerakmi? Yaxshi ishlamagan hamma narsani tuzating. Asta-sekin siz jadvalni mukammallikka olib kelasiz.

Avvaliga kunni rejalashtirish juda murakkab va befoyda ish bo‘lib tuyulishi mumkin. Ammo asta-sekin siz mahsuldorligingiz qanday o‘zgarganini va qancha bo‘sh vaqt paydo bo‘lganini sezasiz.

Bo‘limlar

So'nggi yangiliklar

Prezident TTZgacha bo‘lgan yangi metro liniyasi qurilishini 15-iyundan boshlashni topshirdi

Transport vazirining qayd etishicha, loyihaning qurilish ishlarini 2026-yil oxirigacha yakunlash rejalashtirilmoqda. Avvalroq Shavkat Mirziyoyevga Toshkent metropolitenini rivojlantirish rejalari bilan tanishgani haqida xabar berilgandi. Metroni Toshkent traktor...

Tadbirkorlarga markirovkalash qurilmalari xarajati uchun 2027-yilgacha soliq imtiyozlari beriladi

Parrandachilik mahsulotlarini ishlab chiqaruvchilar 2030-yilgacha yer solig‘ini to‘lashdan ozod etiladi. Biroq bundan belgilangan maqsadlarda foydalanilmayotgan yerlar mustasno. 16-may kuni prezident tomonidan imzolangan qonun bilan ayrim...

1-iyundan yo‘l chiziqlarini bosgan haydovchilarga radarlar orqali jarima yozilmaydi

Endilikda bunday harakatlarni avtomatlashtirilgan foto va video qayd etish vositalari orqali yozishga yo‘l qo‘yilmaydi. To‘xtash chizig‘i bundan mustasno. 1-iyundan boshlab yo‘l chizig‘ini bosib qoidabuzarlik sodir etgan...

Xususiy OTMlarda pedagog tayyorlash sifati nazoratga olinadi — prezident

Termiz pedagogika instituti fakultetlari o‘rnida aniq, tabiiy, ijtimoiy, filologiya, amaliy fanlar, maktabgacha va boshlang‘ich ta’lim bo‘yicha 6 ta oliy maktab tashkil etladi. O‘zbekistonda pedagogika sohasida kadrlar tayyorlash...

1-iyundan ayrim oilalarning talaba qizlariga alohida stipendiya beriladi

1-sentabrdan maktablarning uzaytirilgan kun guruhlarida kambag‘al oilalar farzandlari uchun kvota ajratilib, ota-onalar to‘lovdan ozod etiladi. Avvalroq kambag‘al oilalarni davlat tomonidan ijtimoiy qo‘llab-quvvatlash tizimini takomillashtirish bo‘yicha...

Nogironligi bo‘lganlarni ishga olgan tadbirkorlarning ayrim xarajatlari qoplab beriladi

Ularga surdotarjimon, psixolog va hamrohlik xizmatini tashkil qilish uchun 50 mln so‘mgacha subsidiya ajratiladi. 8-may kuni nogironligi bo‘lgan shaxslarning bandligini ta’minlash tizimini takomillashtirishga oid qo‘shimcha chora-tadbirlar...