Islom taraqqiyot banki O‘zbekistonga $260 mlnlik imtiyozli kredit ajratadi
Mablag‘lar hisobidan 2024−2028 yillarda Samarqand, Surxondaryo va Qashqadaryo viloyatlarining 21ta tumanida qishloqlar infratuzilmasi yaxshilanadi.
Loyiha doirasida 20ta maktab, 14ta bog‘cha, 10ta oilaviy shifokor punkti qurilishi rejalashtirilgan.
Shuningdek, 200 km ichimlik suvi (Samarqandda 16,1 km), (Qashqadaryoda 105 km), (Surxondaryoda 78 km) tortiladi.
Shu bilan birga, belgilangan tumanlarda 368 kilometr elektr tarmog‘i tortilib, 53ta transformator o‘rnatiladi.
