Sizlarni, shuningdek, xizmat burchini bajarish chogʻida halok boʻlgan xodimlarning oila aʼzolarini, faxriylarni 25-oktyabr – Ichki ishlar organlari xodimlari kuni munosabati bilan chin dildan muborakbod etamiz.
O‘zbekiston – tinchlik va osoyishtalik mamlakati. Tinch yurtda esa rivojlanish va taraqqiyot bo‘lishi tabiiy. Shuning uchun ham tinchlikni ko‘z qorachig‘idek asrash yosh-u keksaning muqaddas burchiga aylangan.
Xalqimizning osoyishtaligini qo‘riqlashda ichki ishlar idoralari xodimlarining alohida xizmatlari borligi ham barchaga ma’lum.
Kunlarni tunga, tunlarni tongga ulab, Vatanimiz tinchligi, osoyishtaligini ta’minlashga munosib hissa qo‘shishdan hech qachon tolmang! Masʼuliyatli va sharafli xizmatlaringizda esa ulkan zafarlar yor boʻlsin.
