Insoniyat qadim zamonlardan beri tilning ulkan kuchga ega ekanligini biladi. Til bilan suhbatdoshga tasalli berish, bemorlarni davolash yoki bitta so‘z bilan ko‘ngilni vayron qilish mumkin. Agar tilni boshqarmasak, ko‘plab muammolarga sabab bo‘lishi mumkin. Quyida hech kimga hech qachon aytmasligingiz kerak bo‘lgan narsalar haqida gaplashamiz.
1.Kelajak rejalaringizni ovoza qilmang
Ushbu tavsiyamiz rejalaringizga atrofdagilarning hasad qilishi yoki ko‘zi tegishi mumkinligi bilan emas, balki ularni amalga oshmay qolishi ehtimoli bilan bog‘liq. Psixologlarning aytishlaricha, muhim rejalaringizni boshqalar bilan bo‘lishsangiz, miya ularni bajarilgan deb hisoblaydi. Boshlagan ishlaringizni esa oxirigacha tugatolmay qolasiz.
2. Erishgan yutuqlaringiz bilan maqtanmang
Hattoki, uch boshli ajdarhoni yengan bo‘lsangiz ham, bu haqida boshqalarga aytib berish shart emas. Bu oxir-oqibatda maqtanchoqlikka o‘rganib qolishga olib keladi.
3. Boshqalarni yomonlamang
Odamlarning orqasidan gapirmang, bu g‘iybat deb ataladi va bunday insonlarni ko‘pincha hurmat qilishmaydi. Esda tuting, agar kimdir sizga boshqalarni ular yo‘qligida g‘iybat qilsa, sizning yo‘qligingizda ham ortingizdan gapiradi.
4. Shaxsiy muammolaringiz haqida birovga aytmang
Hammaning dardi va tashvishi o‘ziga yetarli. Muammolaringizni aytib jar solganingiz bilan ular o‘z yechimini topmaydi. O‘z muammolaringizni faqat o‘zingiz yechimini qidira olasiz.
5. Bilimingizni ovoza qilmang
Umuman olganda maqtanish yaxshi narsa emas. Oliy ma’lumotli bo‘lsangiz ham, bu haqida hammaga aytib yurish shart emas. Birinchidan, o‘zingizni ustun qo‘yib, kimnidir xafa qilishingiz mumkin. Ikkinchidan esa, ilmingizni ishlatmasangiz hech nimaga ega bo‘lmaysiz. Yaxshisi, rivojlanishda davom eting.
6. Yaxshi amallaringiz haqida birov bilishi shart emas
Yaxshilik qildingizmi, kimgadir yordam berdingizmi, kimningdir hayotini qutqardingizmi, balki butun oylikni ehson qilgandirsiz? Yaxshi! Buning albatta mukofoti bor. Sizga yuz baravar qaytadi. Ammo bu haqida hammaga aytib yurish kerak emas, chunki ezgu ishlar o‘zingizni ko‘rsatish uchun qilinmaydi.
