Henley & Partners Group dunyodagi eng ko‘p millionerlar yashaydigan shaharlarni e’lon qildi.
Unga ko‘ra, Nyu-York, Tokio va San-Fransisko shaharlarida eng ko‘p millionerlar yashashi ma’lum bo‘ldi.
Eng ko‘p millionerlar yashaydigan 10 ta shaharning yarmi AQSHda joylashgan.
Shunga qaramay, ma’lumotlarni diqqat bilan o‘rganish Nyu-York shahri 2022 yilning birinchi yarmida yuqori daromadli shaxslarining 12 foizini yo‘qotganini ko‘rsatdi.
San-Fransiskoda esa bu ko‘rsatkich 4 foizga o‘sgan. To‘rtinchi o‘rinni egallab turgan Londonda 9 foizga pasayish kuzatilgan.
Hisobotda millionerlar deganda investitsiya qilinadigan aktivlari 1 million dollar va undan ortiq bo‘lganlar tushuniladi.
New World Wealth razvedka kompaniyasi tomonidan to‘plangan statistik ma’lumotlar shuni ko‘rsatadiki, Saudiya Arabistonining poytaxti Ar-Riyod va Birlashgan Arab Amirliklarining uchinchi eng zich shahri Sharja joriy yilda millionerlar soni eng tez o‘sayotgan shaharlardir.
Abu-Dabi va Dubay ham eng tez o‘sayotgan millioner aholiga ega shaharlar qatoriga kirgan.
Bunga BAAdagi past soliq rejimi va yangi yashash sxemalari bilan o‘ta boylarni o‘ziga jalb qilishi sabab bo‘lgan.
Badavlat rossiyaliklarning emigratsiyasi ham BAAga bu ko‘rsatkichni yaxshilashga yordam bergan.
Eng boy shaharlar ro‘yxatida mos ravishda to‘qqizinchi va o‘ninchi o‘rinlarni egallagan Pekin va Shanxay ham yo‘qotishlarni qayd etdi.
