Matbuot xizmatiYangiliklarDavlat tashkilotlarining qisqarishi budjet xarajatlarini qanchaga kamaytiradi?

Davlat tashkilotlarining qisqarishi budjet xarajatlarini qanchaga kamaytiradi?

Dastlabki hisob-kitoblarga ko‘ra, ma’muriy islohotlarni amalga oshirish hisobiga 2,8 trln so‘m mablag‘ tejaladi. Ushbu mablag‘larning ijtimoiy sohaga yo‘naltirilishi kutilmoqda.

Moliya vaziri o‘rinbosari Odilbek Isoqov Xalqaro press-klub sessiyasida ma’muriy o‘zgarishlardan keyin qancha  miqdorda budjet mablag‘lari iqtisod qilinishi haqida ma’lumot berdi.

«Dastlabki hisob-kitoblarga ko‘ra, ma’muriy islohotlarni amalga oshirish hisobiga 2,8 trln so‘m mablag‘ tejaladi. Jumladan, 2,4 trln so‘m vazirlik va idoralar shtat birliklarini 30 foizgacha qisqartirish hisobiga, tashkilot va idoralarni maqbullashtirish hisobiga bo‘shagan 300dan ortiq binolarni sotishdan 300 mlrd so‘m mablag‘ budjetga tushadi. Rahbar lavozimi qisqarishi tufayli 55ta avtomashinani auksionda sotishdan 16,5 mlrd so‘m, hududlarga xizmat safarlarini kamaytirish, onlayn qabul tizimini qo‘llash hisobiga esa qariyb 17 mlrd so‘m mablag‘ tejalishi kutilmoqda. Davlat boshqaruvi apparatini saqlash bilan bog‘liq xarajatlarni maqbullashtirish hisobiga 22 mlrd so‘m iqtisod qilinadi. Rasmiy tadbirlarni o‘tkazish bo‘yicha maksimal narxlarni o‘z ichiga oluvchi me’yorlarni belgilash orqali xarajatlarni maqbullashtirish hisobiga 18 mlrd so‘m tejalishi rejalashtirilgan. Ushbu mablag‘lar ijtimoiy sohaga yo‘naltiriladi», – dedi Odilbek Isoqov.

Ma’lumot uchun, “Yangi O‘zbekistonning ma’muriy islohotlari” deb atalgan o‘zgarishlar natijasida vazirliklar soni 25 tadan 21 taga kamaydi. Agentliklar, qo‘mitalar va inspeksiyalarning aksariyati saqlanib qoldi, lekin mustaqilligidan ayrilib, vazirliklar tarkibiga o‘tkazildi. Jami 9 ta agentlik va 3 ta idora yopildi.

Bo‘limlar

So'nggi yangiliklar

O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi

Energetika sektorida emissiyalarni kamaytirish bo‘yicha hukumat siyosatini qo‘llab-quvvatlash dasturi doirasida erishgan natijalari evaziga O‘zbekiston Jahon bankidan to‘lov qabul qilgan dunyodagi birinchi davlat bo‘ldi. Bu Jahon...

Tadbirkorlar murojaatlarini qabul qiluvchi shtab faoliyatini boshladi

Biznes egalari o‘zlari duch kelayotgan muammolar va takliflarni 24/7 rejimida 1094 va 1100 qisqa raqami orqali yo‘llashi mumkin. Prezidentning tadbirkorlar bilan ochiq muloqotiga tayyorgarlik ko‘rish doirasida tadbirkorlarning...

2025-yil sentabrdan ayrim toifa o‘qituvchilarning oylik maoshi oshirilishi mumkin

Attestatsiyadan o‘tolmagan, tajribasi yetarli bo‘lmagan o‘qituvchilar uchun alohida dastur ishlab chiqilib, malakasi oshiriladi. Prezident Shavkat Mirziyoyev maktabgacha va maktab ta’limi sifatini oshirish, pedagoglar malakasini oshirish tizimini...

Markaziy bank 11ta bankka nisbatan jarima sanksiyasini qo‘lladi

Bundan tashqari, o‘rnatilgan limitlarga amal qilmaganligi uchun 3ta bank chora va sanksiyalar qo‘llanilishi to‘g‘risida ogohlantirildi. May oyida Markaziy bank 11ta bankka nisbatan jarima sanksiyasini qo‘lladi. Bu haqda...

O‘zbekistondagi 7ta OTM dunyodagi Top-1000talikka kirdi

Shuningdek, Toshkent davlat o‘zbek tili va adabiyoti universiteti gender tengligi bo‘yicha dunyoda 10-o‘rinni egalladi. O‘zbekistondagi 7ta oliy ta’lim muassasasi 2024-yil uchun “THE Impact Rankings” reytingida Top-1000talikka...

Uzbekistan Airways Qurbon hayiti munosabati bilan qo‘shimcha aviaqatnovlarni yo‘lga qo‘ymoqda

Parvozlar 15−18 iyun kunlari oralig‘ida Buxoro, Urganch, Farg‘ona, Termiz, Samarqand hamda Namangan shaharlariga amalga oshiriladi.   “Uzbekistan Airways” kompaniyasi qo‘shimcha aviaqatnovlarni yo‘lga qo‘ymoqda. Bu haqda aviakompaniya matbuot...